Haqqında rüsvayçı video yayılan Kəlbəcər rayon Təhsil Şöbəsinin sabiq müdiri Məhəmməd Bağırov rəhbərlik etdiyi qurumda yoxlamalar baş çatıb.

Xatırladaq ki, video qalmaqalda Kəlbəcər sakini Ələkbərova Fərqanə Əhliman qızı təhsil şöbəsinin müdirinin ona seks təklif etdiyini və bunun müqabilində ona Bakıda ev, maşın, iş təklif etdiyini bildirmişdi. Kəlbəcər rayonuna yeni icra başçısı təyin ediləndən sonra təhsil sistemini korrupsiya yuvasına çevirmiş olan sabiq Təhsil Şöbəsinin (TŞ) müdirinin milyonlarla vəsait mənimsəməsi aparılan yoxlamalar zamanı üzə çıxdı. Aparılan yoxlamanın nəticəsi ilə bağlı materiallar Baş Prokurorluq yanında Korrupsiyaya Qarşı Mübarizə İdarəsinə göndəriləcək. Yeni təhsil naziri Mikayıl Cabbarov vəzifəyə təyin olunandan bu günə kimi xeyli sayda adamı işdən çıxarıb. 

Sabiq Təhsil şöbəsinin müdiri Məhəmməd Bağırov hər ay məktəb direktorlarının aylıq əmək haqlarına göz tikməsinin də qaçılmaz bir fakt olduğu bildirilir. Araşdırmalara görə, Təhsil şöbəsinin müdirinin bu tələblərini yerinə yetirməyən direktorları işdən çıxaracağı ilə hədələnirdi. Əlacı kəsilən məktəb direktorlar isə bu tələbi yerinə yetirmək məcburiyyətində qalırdılar. Təhsil şöbəsinin sabiq müdiri Məhəmməd Bağırov qeyri-qanuni yolla testdən keçməyən müəllimləri işə qəbul edir. Eyni zamanda da attestasiyadan keçməyən-kəsilmiş müəllimlərdən 3500-4000 manat məbləğində rüşvət alaraq, digər müəllimlərin dərs saatları kəsilib onlara verdiyi üzə çıxıb. Bütün bu sadaladıqlarımızın hamısına demək olar ki, Kəlbəcər TŞ-də rast gəlmək olar. Yüzlərlə müəllim bildirir ki, 18 saat dərs saatları olub, Məhəmməd Bağırov 6 saat dərsimi zorla əlimdən alaraq həmin attestasiyadan keçməyən müəllimələrə verib.

Saytımıza verilən xəbərə görə, TŞ-in müdirinin bütün bu qanunsuz və özbaşına hərəkətləri rayon icra hakimiyyətinin başçısı Aqil Məmmədovun göstərişi ilə yaradılmış komissiya tərəfindən araşdırılıb. Nəticədə məlum olub ki, sabiq TŞ-nin müdiri Məhəmməd Bağırov 2009-2011-ci illərdə Kəlbəcər rayonun 114 tam orta məktəb və 13 filialı üzrə 837 nəfər müəllimi təhsil Nazirliyinin nomenklaturasından kənar işə qəbul edib.

Kəlbəcər TŞ-nin 24.06.2013-cü il tarixdə keçirmiş olduğu pedoqoji şuranın iclasında İcra başçısının təşkil etdiyi yoxlama nəticəsində məlum olub ki, qeyri-qanuni yolla tam orta məktəblərin nəzdində 13 filial təşkil edilib. Kəlbəcər rayon İcra hakimiyyətinin təşkil etdiyiu komissiya yoxlaması zamanı məlum olub ki, 13 filial üzrə sabiq TŞ-nin müdri Məhəmməd Bağırov büdcədən külli miqdar vəsaitin mənimsənilməsinə yol verib.

Kəlbəcər rayon TŞ-nin Pedaqoji Şurasının dünən keçirdiyi iclasda qeyri-qanuni yolla fəaliyyət göstərən 13 filialın tam fəaliyyəti dayandırılaraq onlara maliyyə vəsaitinin verilməməsi haqqında qərar da qəbul edilib. Kəlbəcər rayon TŞ-nin Pedaqoji Şurasının qərarı ilə qeyr-qanuni yolla işə götürülən müəllimlər haqqında da qərar qəbul edilib. Kəlbəcər TŞ-nin yeni müdiri Məhiyyəddin Əbdürrəhmanov məktəb direktorlarına tapşırıq verib ki, testdən kənar işə qəbul edilənləri müəllim kimi tanımır. Onlar illər üzrə aldıqları maaşları dərhal dövlət büdcəsinə qaytarmalıdırlar: "Kimlərsə müəllim kimi bizim təhsil şöbəsində çalışmaq istəyirlərsə buyursunlar nazirlikdən testdən keçsinlər. Əks təqdirdə mən belə müəllimlərin haqqında hüquq ”“mühafizə orqanlarına müraciət etməli olacam. Kəlbəcər rayon aktivləri son illərdə TŞ-də baş vermiş korrupsiyanı pisləyərək, külli-miqdarda vəsaitin mənimsənilməsi eləcə də 837 nəfər şəxsin sabiq müdir tərəfindən testdən kənar işə aldadıb qəbul edilməsi qanunla yol verilməz olduğu bildirilib. Və bu cinayət faktı haqqında hüquq mühafizə orqanlarına müraciət olunmalıdır. Kəlbəcər TŞ-nin müdirinin qanunsuz yolla taladığı dövlət büdcəsinin miqdarı milyonlarla ölçüldüyündən pedaqoji şura bu qanunsuz maliyyə israfçılığının araşdırılması haqqında prokurorluğa materialları verəcəklərini bildirmişlər”.