Şuşanın işğalından sonra Ali Sovetin  Milli Şurasının 1992-ci il 12 may tarixli sonuncu iclasında deputatlar qarşısında çıxış edən Azərbaycanın o zamankı faktiki dövlət başçısı Yaqub Məmmədov maraqlı bir faktdan danışır. Diqqət edin:

Xatırladaq ki, Şahin Musayev 1992-ci ilin yanvarından Azərbaycan Respublikası Müdafiə nazirinin 1-ci müavini, sonra isə Baş Qərargah rəisi təyin olunub. Bir sıra komandir və döyüşçülərin KİV-ə verdikləri müsahibələr, eləcə də bölgələrin işğalına aid istintaq və məhkəmə proseslərində şahid kimi verdikləri ifadələrə görə,  bu şəxs Xocalı, Şuşa və Laçın faciələrinin baş verməsində  bilavasitə məsuliyyət daşıyır.

Yaqub Məmmədovun o vaxtkı çıxışından belə anlaşılır ki, 3 bölgənin işğalına xidmət etmiş bir şəxs  Şuşanın işğalından sonra(Yaqub Məmmədov həmin çıxışı Şuşanın işğalı günlərində mayın 7-8-də Tehranda Ter-Petrosyanla danışıqlardan döndükdən 3 gün sonra edib), ən azı, vəzifədən azad edilmək əvəzinə, Bakının - Azərbaycan paytaxtının hərbi komendantı və qarnizon rəisi təyin olunub və guya bu vəzifədən istifadə edərək dövlət çevrilişinə cəhd edib.

Bu haqda Moderator.az-ın suallarına cavab verən o vaxtkı dövlət başçısı Yaqub Məmmədov əvvəlcə  o günlər Bakının komendantının tamamilə başqa bir şəxs olduğunu bildirdi. Ancaq biz  27 il öncəki çıxışını xatırlatdıqdan sonra söylədi ki, doğrudan da onun Şahin Musayevin Bakıya komendant təyin olunmasından xəbəri olmayıb. 

“Ola bilər, kimsə təyin edib. Rəhim Qazıyev bilər bunu. Mənim xəbərim olmayıb bu məsələdən...”-deyə eks-spiker bir daha vurğuladı. 

Sabiq Müdafiə naziri  Rəhim Qazıyev isə saytımıza açıqlamasında bunları söylədi:

Onu da qeyd edək ki, bəzi mənbələr general Şahin Musayevin 1992-ci ilin iyununda Azərbaycandan qaçdığını bildirir. 1995-ci ildəki rəsmi məlumatlara əsasən isə  bu müəmmalı fiqur bir sıra digər general və hərbçilərlə birgə  o vaxtkı Prezident Heydər Əliyevə qarşı sui-qəsd və dövlət çevrilişi cəhdinin əsas təşəbbüşkarlarından biri olub.  Bu barədə “generalların işi” kimi məşhurlaşan cinayət işi qaldırılsa da və  digər general və zabitlər tutulub məhkum edilsə də, Şahin Musayev  bu  günədək həbs edilməyib...

Sultan Laçın