18 mart 2018-ci il tarixində saat 19-00 da Azərbaycan Dövlət Akademik Opera və Balet Teatrında sufi müğənni, aktyor Novruz Novruzlunun “Uzun incə bir yoldayam” adlı solo konserti keçiriləcək.

Novruz Novruzlunun solo konsert verəcəyi ilə bağlı xəbərlər irfani aləmin vurğunları arasında çox yaxşı qarşılanıb. 

Sufi müğənni ilk solo konsertində bir sıra yeni, orijinal göstəricilər, səhnə tərtibatı də edəcək. 

Moderator.az-a açıqlamasında, Novruz Novruzlu konsertdə jurnalistlər üçün xüsusi loja hazırlanacağını və xaricdən də irfan əhli olan dostlarının gələcəyini bildirib:

“”Savalan” qrupundakı dostlar təklif etdilər ki, konsert verək. Bu, ilk solo konsert olacaq. Hər zaman dünyanın müxtəlif yerlərində, Azərbayanın əksər bölgələrində qrupla birlikdə konsertlər vermişik. Amma bu, sırf irimiqyaslı konsertdir. Orada hər janrda musiqi ifa olunacaq: ilahilər, bəstəkar musiqisi, xalq mahnıları, xarici ifalar və s. 

Konsertə ölkə xaricindən də bəzi dostları dəvət etmişəm. Jurnalistlər üçün isə xüsusi loja olacaq”.

Novruz Novruzlu konsertdə maraqlı səhnə tərtibatı, rəngarəng oyunların da olacağını bildirib. 

Qeyd edək ki, bu, sufi müğənninin təkbaşına ifa edəcəyi ilk solo konsert olacaq.