Avropa İttifaqının Azərbaycandakı Nümayəndəliyinin Layihə Meneceri Rainer Freund(Rayner Frönd) Moderator.az saytına müsahibə verib.

 

 

-Hər kəs ixracatdan danışır və həqiqətən də, Avropa İttifaqı, Azərbaycan Qida Təhlükəsizliyi Agentliyi ilə kənd təsərrüfatı məhsulları üzrə beynəlxalq ticarət standartlarına cavab vermək üçün lazım olan hüquqi və institusional çərçivənin inkişafını dəstəkləyir, həm də istehsalçılara bu standartları yerinə yetirməyə kömək edir. Məsləhət xidmətləri və investisiyalar üçün kiçik qrantlar da daxil olmaqla müxtəlif layihələrimiz var. Məhz bu kimi layihələr yerli bazara da maraqlı imkanlar təqdim edir. Məsələn, bal kimi bəzi malların qiymətləri Azərbaycanda başqa yerlərə nisbətən daha yüksəkdir. Bu məhsulla daxili bazara xidməti genişləndirməyin xeyli əhəmiyyəti var. Lakin bütün istehsalçılar ixrac bazarında rəqabət apara biləcək və ya yerli supermarket şəbəkələrini məhsulla təmin edəcək ölçüyə və ya texniki səviyyəyə malik deyillər. Bu məsələ, kiçik istehsalçılar arasında kritik bir ölçüyə çatmaq və ya yerli ərzaq və birbaşa marketinq konsepsiyalarını inkişaf etdirmək üçün əməkdaşlığı təşviq etməklə, yəni birbaşa olaraq son istehlakçıya satmaqla həll edilə bilər.  Şəkidə keçirilən Qida  Festivalı və bunun əsasını təşkil edən layihə də, tam olaraq bu anlayışı nəzərə alaraq qida istehsalçılarını və otel, restoran kimi böyük şəbəkə istehlakçılarını sağlam qidalanma kampaniyaları çərçivəsində bir araya gətirir. Qida Festivalı zamanı sərgidə nümayiş olunan heyvandarlıq və ənənəvi qida məhsulları yerli kənd təsərrüfatı və qida irsinin əhəmiyyətli bir hissəsidir və bununla yanaşı həm ziyarətçilər, turistlər, həm də adi istehlakçılar üçün cəlbedicidir.  

 

Azərbaycanda başlayan aqroturizmin inkişafı xüsusilə Şəki ,Zaqatala və Qəbələ kimi mənzərəli yerlər və kəndlər üçün bu məhsulları və ənənələri uğurla satmaq, yataq və səhər yeməyi təklif etməklə gəlir mənbələrini şaxələndirmək üçün əla fürsətdir və bu məsələ şəhərlərdən gələn turistlər üçün də əla imkanlar yaradır. Bu tip kənd- şəhər əlaqələrinin qurulması, ünsiyyətin, təcrübə mübadiləsinin gücləndirilməsi və başqa şəkildə ayrı düşən kənd və şəhər əhalisinin daha yaxşı anlaşmasını və birləşməsini təşviq etmək üçün də vacibdir.Yəni yerli istehsalın aqroturizmə çevrilməsi çox önəmlidir.

 

 

-Aqrotourizim, kənd və regional inkişaf planlarına daxil edilməli və ideal olaraq aqroturizmi özündə birləşdirən bir turizm strategiyası ilə dəstəklənməlidir. Avropa Birliyində də, aqroturizmə dəstək qismən kənd inkişaf siyasətimiz (AB-nin ümumi kənd təsərrüfatı siyasətinin bir hissəsi) tərəfindən dəstəklənir və biz uzun illərdir ki, bu siyasəti həyata keçiririk. Kənd təsərrüfatı istehsal sahələrinin modernləşdirilməsi üçün qrant almaq üçün müraciət etdikləri kimi, fermerlər də təsərrüfat binalarının bir hissəsini qonaq turizm evlərinə çevirmək və ya digər turizmlə əlaqəli infrastruktur və məhsul inkişafı üçün müraciət edə bilərlər.

 

 Hazırda Azərbaycanın Aqrar Kredit və İnkişaf Agentliyi olan AKİA ilə birlikdə Azərbaycanda aqroturizmə qoyulan investisiyaların AKİA -nın kənd təsərrüfatına dəstək tədbirləri, subsidiyaları proqramına necə daxil ediləcəyi ilə bağlı konsepsiya üzərində işləyirik. Ümid edirik ki, gələcəkdə Azərbaycanda bu cür dəstək layihələri olacaq və böyük şəhərləri və bir çox əkinçilik və yemək ənənələrini daha geniş şəhər auditoriyasına təqdim edəcək. Bununla da, biomüxtəlifliyin qorunmasına, iqlim dəyişikliyinə daha yaxşı müqavimət göstərməsinə və ümumilikdə daha davamlı kənd təsərrüfatının inkişafına kömək edən bu qiymətli ənənələri qorumağa imkanlar yaradır.

 

 

-Siz haqlısınız. Biz burada təkcə kənd təsərrüfatı ilə deyil, həm də təhsil sahəsində, məsələn, əmək bazarına yönəlmiş kurikulumun hazırlanmasına və Şəki Peşə Məktəbində bir çox digər fəaliyyətlərə dəstək verərək çalışırıq. Bu yaxınlarda Balakəndə ABAD regional mərkəzi vasitəsi ilə Şəki-Zaqatala İqtisadi Bölgəsində bir çox kənd təsərrüfatına aid olmayan digər sənətkarlıq sahələrini özündə birləşdirən kiçik ailə biznesinin inkişaf etdirilməsi layihəsinə yekun vurduq. Şəki-Zaqatala iqtisadi rayonu da İqtisadiyyat Nazirliyi ilə birlikdə Avropa Birliyi tərəfindən maliyyələşdirilən ilk regional inkişaf proqramlarından birinə daxil edildi və bu proqramlar çərçivəsində hər bir rayon üçün ərazi inkişaf planları hazırlanmış və kənd təsərrüfatı və qeyri-kənd təsərrüfatı investisiya imkanlarının geniş spektrini əhatə etmişdir.