Qarabağda Ermənistanın məğlubiyyətinə və atəşkəsin əldə olunmasına baxmayaraq, birlik, hissə və bölmələrimiz fasiləsiz olaraq planlı təlimlərinə fasilə verilmir. Növbəti genişmiqyaslı təlimlərdən biri də mayın 20-də başa çatdı. 

 

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin təsdiq etdiyi plana əsasən Azərbaycan Ordusunun qoşun növlərinin cəlb edilməsi ilə keçirilən təlimlərə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunmuşdu.  

 

Vətən Müharibəsindən sonra keçirilən ən irimiqyaslı təlimlərdə əsas diqqət müharibə zamanı  qazanılan döyüş təcrübəsinin inkişaf etdirilməsinə, qoşunların idarəolunmasına, döyüşə hazırolma vəziyyətinə gətirilməsinə və yenidən qruplaşmanın keçirilməsinə, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldilmişdi. 

 

Təlimlərin ssenarisi həm hazırda Rusiya sülhməramlılarının nəzarətində olan Qarabağ ərazisində, həm də Azərbaycan ilə Ermənistan sərhəddində yaranan real təhdidlərin aradan qaldırılması üçün maksimum uyğunlaşdırılmışdı. Təlim aktual problemlərin silahlı həll yollarını da nəzərdə tuturdu. 

 

Təlimin məqsədləri arasında “qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqların da icra edilməsi” barədə rəsmi məlumatın yer alması da məhz Ermənistan və onun havadarlarına ünvanlanan mesaj idi. Bir gün sonra Naxçıvandakı Əlahiddə Ordunun komanda qərargah təlimlərinin başlaması və hələ də davam etməsi, təsdüfi hesab edilməməlidir. Təlimlər açılması ləngiyən Zəngəzur dəhlizinə yaxın ərazilərdə keçirilir. 

 

Təlimin ilk saatlarında qoşunların döyüşə hazır olma səviyyəsi yoxlanıldı. “Həyəcan” siqnalı ilə daimi yaşayış məntəqələrini tərk edən hissə və bölmələrin şəxsi heyəti, texniki vasitələri ilə birlikdə ehtiyat rayonlara çıxarıldılar. Ardınca isə birlik və hissələrin yenidən qruplaşması həyata keçirildi. Təlimə cəlb edilən şəxsi heyət, ona məxsus olan silah və texnikaların əksəriyyətindən döyüş atəş tapşırıqlarını yerinə yetirdi. Raket artilleriya silahlarlarından, tank və digər zirehli texnikalardan, pilotlu və pilotsuz aviasiyadan təyinatı üzrə geniş istifadə olundu. 

 

4 gün davam edən təlimlərdə qoşunlar qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqları icra etdi. 

 

Ermənistan rəhbərliyi, sərhəddə yaratdığı gərginlik fonunda Azərbaycan tərəfinin keçirdiyi iriqmiqyaslı təlimlərə, əvvəllər olduğu kimi reaksiya verdi. İmdad diləmək üçün digər ölkə rəhbərlərinə çoxsaylı zənglər və şikayətlər məlum ssenari idi. Başı zəng vurmağa qarışan erməni liderlərin ordusu isə bu zaman şillə təpiklə Azərbaycan ərazisindən qovulurdu. Erməni silahlılarının silahsız qovulmasını əks etdirən və həm sosial şəbəkədə, həm də KİV-lərdə geniş yayılan videogörüntülər uzun illər boyu Ermənistanın alnında qara bir ləkə olaraq qalacaq.   

 

Daim öz problemlərini digərlərinin hesabına həll etməyə çalışan Ermənistanda bu görüntülərdən sonra hələ də revanş götürmək barədə bəyanatlar səsləndirənlər bəşər tarixinin ən həyasız insanlarıdır. Öz komandirinin əvəzinə Azərbaycan hərbçilərinin əmrini yerinə yetirən miskin erməni ordusunun qalıqları, bunda sonra yəqin ki, özləri üçün uydurduqları “məğlubedilməz erməni ordusu” ifadəsini birdəfəlik unudarlar. 

 

Təlimlərin aktiv fazasında erməni silahlılarının Kəlbəcər tərəfdən şillə təpiklə sərhədlərimizdən kənarlaşdırılması isə düşmən ordusunun real vəziyyətini nümayiş etdirdi. Əslində bu mənzərəni izləyən hər bir syasi və ya hərbi liderin az da mənliyi və kişiliyi olsaydı, intihar etməli idi. Çünki erməni ordusunun qoyun sürüsü kimi təpiklə qovulması nadir rast gəlinən ermənisayagı taktiki “geri çəkilmə” idi. Maraqlıdır ki, bu “sürüdə” bir nəfər də olsun komandir gözə dəymədi, bir nəfər də olsun erməni müqavimət göstərməyi düşünmədi. Bu görüntülər rəssam karikaturaları üçün ideal material da ola bilər.  

 

Xronoloji ardıcıllığa baxsaq, Azərbaycan Ordusunun son 5 ildə keçirdiyi irimiqyaslı təlimlərin əksəriyyəti, adətən hansısa əlamətdar hadisələrlə yadda qalır və bu bir ənənəyə çevrilməkdədir. Düşünürəm ki, 2016-cı ilin aprel təlimlərini “Xəbərdarlıq”, 2020-ci ilin sentyabr təlimləri “Sarsıdıcı Zərbə”, 2021-ci il may təlimləri isə “Düşmənin son müqavimət ocaqlarının silahsız məhv edilməsi” kimi dəyərləndirmək mümkündür. 

 

Əsgərlərimiz, təlimləriniz bol olsun! 

 

Hədəfiniz Zəngəzur dəhlizi olsun!