Özünü radikal müxalifət adlandıran bəylər, sizlər artıq neçənci dəfədir ki, ölkədə keçirilən seçkiləri baykot edir və hər dəfə bu hərəkətinizə müxtəlif “izahlar” verməklə cəmiyyət qarşısında özünüzə bəraət qazandırmağa çalışırsınız. Lakin baykot qərarı verərkən unudursunuz ki, cəmiyyətin bu addımınıza münasibəti sizlərin düşündüyü kimi deyil.

Cəmiyyət aydın görür ki, sizlər hakimiyyətə seçki yolu ilə gəlmək haqqında düşünmürsünüz. Belə olan halda sual olunur: - bəs sizlər hakimiyyətə hansı yolla gəlmək istəyirsiniz? Yəqin düşünürsünüz ki, kimlərsə xaricdən gəlib burada istədiyiniz “demokratik seçki abu-havası” yaradacaq və sizlər də bundan istifadə edib, seçkilərdə uğur qazanaraq hakimiyyətə sahiblənəcəksiniz.

Belə olmur! Xam xəyyallara qapanmayın! Bildiyim qədər maliyyə dəstəyi aldığınız xaricdəki ağalarınız da son seçkilərdə iştrak etmədiyinizə görə sizləri möhkəm tənbeh ediblər və hətta ünvanınıza mübarizə aparmaqdan qorxan biriləri kimi ifadələr işlədiblər. Bu gedişlə ağalarınızan etibarını və təbi ki, maliyyə dəstəyini də itirəcəksiniz!