İlham Əliyev Hacıqabul rayonunda Şirvan suvarma kanalının təməlini qoydu - YENİLƏNİB + FOTO
Oxunub: 3255
16 Apr 2024 | 13:34
İlham Əliyev Hacıqabul rayonunda Şirvan suvarma kanalının təməlini qoydu - YENİLƏNİB + FOTO
Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
 
Moderator.az xəbər verir ki, Azərbaycan Dövlət Su Ehtiyatları Agentliyinin sədri Zaur Mikayılov dövlətimizin başçısına görüləcək işlər barədə məlumat verib.
 
Qeyd edək ki, 1958-ci ildə istifadəyə verilən və ölkənin ikinci ən böyük kanalı olan torpaq məcralı Yuxarı Şirvan suvarma kanalı başlanğıcını Mingəçevir su anbarından götürür. Yuxarı Şirvan kanalı Şirvan düzündə yerləşən Yevlax, Ağdaş, Göyçay, Zərdab, Ucar, Kürdəmir, İsmayıllı və Ağsu rayonlarının 112 min hektardan çox əkin sahəsini suvarma və yaşayış məntəqələrini məişət suyu ilə təmin edir.
 
Suötürmə qabiliyyəti saniyədə 78 kubmetr və uzunluğu 122 kilometr olan kanalın 65 ildən artıq fasiləsiz istismar edilməsi, illik su itkilərinin kəskin artması və qurğuların qəzalı vəziyyətə düşərək funksiyalarını itirməsi nəticəsində torpaqların meliorativ vəziyyəti pisləşərək deqradasiyaya uğrayıb. Bütün bunlar mövcud əkin sahələrinin vegetasiya dövründə suvarma suyu ilə təminatında çatışmazlıqlar yaradıb, bölgənin suya daim artan tələbatının ödənilməsindəki gərginliyi daha da dərinləşdirməklə ekoloji tarazlığın pozulmasına gətirib çıxarıb.
 
Yuxarı Şirvan suvarma kanalının infrastrukturunun bərpası, habelə mövcud təsərrüfatların su təminatı məsələlərinin vaxtında və səmərəli şəkildə həllinin dəstəklənməsi, su ehtiyatlarından daha səmərəli istifadə olunması, magistral kanalın suburaxma qabiliyyətinin artırılması məqsədilə aprelin 8-də Prezident İlham Əliyev Şirvan suvarma kanalının yenidən qurulması haqqında Sərəncam imzalayıb. Sərəncama əsasən, Yuxarı Şirvan suvarma kanalının adı dəyişdirilərək Şirvan suvarma kanalı adlandırılıb.
 
Prezident İlham Əliyev yenidən qurulacaq Şirvan suvarma kanalının təməlini qoyub.
 
Bildirilib ki, agentliyin sifarişi ilə Türkiyənin “Su Yapı” məsləhətçi şirkəti tərəfindən Yuxarı Şirvan kanalının yenidən qurulması üzrə texniki-iqtisadi əsaslandırma sənədləri və 4 mərhələdə işçi layihə hazırlanıb. Kanalın müasir tələblər səviyyəsində yenidən qurulması və tikintisi mərkəzləşdirilmiş SCADA sistemi yaratmaqla su ehtiyatlarından daha səmərəli istifadəyə və optimal idarəetməyə, yaşayış məntəqələrinin məişət su təminatının yaxşılaşdırılmasına, 230 min hektar torpaq sahəsinin suvarma suyu ilə təmin edilməsinə, o cümlədən 110 min hektardan çox mövcud əkin sahələrinin su təminatının yaxşılaşdırılmasına və 116 min hektar əkinə yararlı torpaqların dövriyyəyə cəlb olunmasına, təqribən 346 milyon kubmetr su itkisinin qarşısının alınmasına, Hacıqabul gölünün, ətraf ərazilərin ekoloji və torpaqların meliorativ vəziyyətinin yaxşılaşdırılmasına, yüksək məhsuldarlığın əldə olunmasına, iri təsərrüfatlara məxsus əkin sahələrini suvarma suyu ilə təmin edən nasos stansiyalarının fəaliyyətinin dayandırılmasına və Pirsaatçay su anbarının nasos stansiyasının qidalandırılmasına imkan verəcək.
 
Sonra dövlətimizin başçısı tədbirdə çıxış edib.
 
Prezident İlham Əliyevin çıxışı:
 
“Mən bir neçə gün bundan əvvəl Şirvan suvarma kanalının yenidən qurulması haqqında Sərəncam imzalamışam, bu gün isə kanalın təməli qoyulur. Bu, çox əlamətdar hadisədir. Son illər ərzində Azərbaycanda həyata keçirilən infrastruktur layihələri arasında bu layihənin xüsusi əhəmiyyəti vardır. Çünki Yuxarı Şirvan suvarma kanalı uzun illərdir fəaliyyət göstərir. Kanal torpaq məcralıdır və illər keçdikcə kanalın böyük hissəsi sıradan çıxmışdır. Təbii olaraq bu da itkilərə səbəb olub, su itkiləri kifayət qədər çoxdur. İtkilərə və su sızmalarına görə ətraf torpaq sahələri şoranlaşmış, əkin üçün yararsız vəziyyətə düşmüşdür.
 
Yuxarı Şirvan kanalı 1958-ci ildə inşa edilmişdir və bu gün kanalın, - artıq bu kanal Şirvan kanalı adlandırılır, - yeni mərhələsi başlayır. Faktiki olaraq kanal yenidən inşa ediləcək və beləliklə, minlərlə insan bu layihədən faydalanacaq. 120 kilometrlik kanalın uzunluğu təxminən iki dəfə artırılacaq və 200 kilometrdən çox olacaq.
 
Əkin sahələrinə gəldikdə isə o da iki dəfədən çox artırılacaq. İcra ediləcək yeni layihə 230 min hektar əkin sahəsini əhatə edəcək. Bunun böyük hissəsi yeni suvarılacaq əkin sahələridir. Əgər əvvəlki dövrlərdə bu kanal 8 rayonu əhatə edirdisə, indi 10 rayonu əhatə edəcək və kanalın son nöqtəsi, bax, arxamdakı Hacıqabul gölü olacaq. Hacıqabul gölü də 10 ildən çoxdur ki, tamamilə quruyub. Kanal istifadəyə veriləndən sonra göl də dolacaq və bunun da təbiətə çox müsbət təsiri olacaqdır.
 
Bu layihə bir daha onu göstərir ki, Azərbaycanda həyata keçirilən infrastruktur layihələrinin əsas məqsədi ölkəmizin sürətli inkişafını təmin etmək, insanların rifah halını yaxşılaşdırmaq, xüsusilə bölgələrdə yaşayan insanların məşğulluğu üçün şərait yaratmaqdır. Son illər ərzində əsas infrastruktur layihələri icra edilmişdir. Azərbaycanda həyata keçirilmiş infrastruktur layihələri ölkəmizi tamamilə yeni bir səviyyəyə qaldırmışdır. Elektrik enerjisi, avtomobil yolları, dəmir yolları, su kəmərləri, içməli su layihələri, o cümlədən suvarma ilə bağlı olan layihələr artıq öz səmərəsini göstərir. Əvvəlki illərdə bu sahəyə aid bir çox böyük layihələr icra edilmişdir. Onların arasında, ilk növbədə, Taxtakörpü-Ceyranbatan suvarma kanalını qeyd etməliyəm. Taxtakörpü su anbarının tikintisi də xüsusi əhəmiyyətə malik olan layihə idi. Şəmkirçay su anbarı da çox böyük infrastruktur layihəsi idi. Beləliklə, həm Şimal, həm Qərb bölgələrində əkin üçün yararlı olan torpaqların həcmi və sahəsi böyük dərəcədə artırılmışdır.
 
Şirvan kanalının əhəmiyyəti də göz önündə olacaqdır. Bu, bizim ən böyük - suyun həcminə və əkin sahələrinin əhatəsinə görə ən böyük layihəmiz olacaqdır. Əminəm ki, yaxın gələcəkdə 10 rayon üzrə yerləşən məntəqələrdə bu yeni kanalın əhəmiyyətini hər kəs görəcək.
 
Bu layihə ilə biz bu sahəyə yeni nəfəs gətiririk. Eyni zamanda, Qarabağ kanalının da, - vaxtilə bu, Yuxarı Qarabağ kanalı adlandırılmışdır, indi isə bunun adı Qarabağ kanalıdır, - inşası ilə əlaqədar Sərəncam imzalanıb, texniki-iqtisadi əsaslandırma aparılacaq və bu işin nəticəsində yeni layihə işlənib hazırlanacaq. Biz Qarabağ kanalının inşasına gələn ildən başlamalıyıq. Bu da 115 min hektarı əhatə edəcək kanaldır. Orada da əhatə olunan rayonların sayı 9-a bərabərdir. Yəni, burada 10 rayon Şirvan kanalı vasitəsilə, 9 rayon isə Qarabağ kanalı vasitəsilə suvarılacaq.
 
Ölkəmizin gələcək inkişafının əsas istiqamətləri bundan ibarətdir, çünki qeyri-neft sektorunun inkişafı, kənd təsərrüfatının inkişafı, məşğulluğun artırılması, vətəndaşların rifah halının yaxşılaşdırılması və su ehtiyatlarımızdan səmərəli şəkildə istifadə edilməsi - bütün bu amillər gördüyümüz işlərdə əks olunur.
İqlim dəyişikliyi ilə bağlı dünyada böyük narahatlıq var, o cümlədən Azərbaycanda. Biz indi görürük ki, bu il faktiki olaraq əvvəlki illərdən fərqlənirdi. Bu il kifayət qədər qar, yağış yağmışdır və bizim su hövzələrimizdə, su anbarlarında kifayət qədər su var. Ancaq əvvəlki illərdə biz hər il quraqlıqla üzləşirdik. Bizim dağlarımıza daha az qar yağırdı. Çaylarımızda suyun səviyyəsi əvvəlki illərdə aşağı düşürdü, bəzi hallarda əsas çaylarımız quruyurdu. Xəzər dənizinin dayazlaşması göz önündədir. Bunu hər kəs görə bilir. Belə olan halda su ehtiyatlarından səmərəli şəkildə istifadə etmək bizim başlıca vəzifəmizdir.
 
Mən bir daha demək istəyirəm ki, Azərbaycanda bir çox infrastruktur layihələri öz həllini tapmışdır. Qazlaşdırmanın səviyyəsi 96 faizə çatıb. Elektrik enerjisi ilə təminat və yeni elektrik stansiyalarının yaradılması geniş vüsət alıb və əhəmiyyətli dərəcədə irəliləyişə nail olmuşuq. Bütün ölkəmiz yeni, müasir yollarla əhatə olunur. Ona görə növbəti illərdə hökumətin qarşısında duran əsas infrastruktur layihələri arasında başlıca vəzifə içməli su layihələri və suvarma layihələri olacaqdır.
 
Artıq genişmiqyaslı proqram işlənib hazırlanıb. Şirvan və Qarabağ kanalları Taxtakörpü kanalı ilə birlikdə ən böyük suvarma kanalları olduğu üçün bu layihələrə xüsusi əhəmiyyət verilir. Ancaq artıq qəbul edilmiş proqram əsasında Azərbaycanda 10-dan çox su anbarı inşa ediləcəkdir. Məsələn, Qəbələ rayonundakı Yengicə su anbarının inşasına artıq start verilmişdir. O anbar inşa ediləndən sonra orada bu günə qədər suvarılmayan 10 min hektar torpaq, əkin sahələri suvarılacaq. Əgər bizim suvarma ilə bağlı ümumi layihələrimizi götürsək, görərik ki, bir neçə ildən sonra ən azı 500 min hektardan çox torpağa su veriləcəkdir. Eyni zamanda, müasir idarəetmə sistemləri, itkilərin azaldılması - indi Şirvan kanalında itkilər 30 faizə yaxındır. İndi beton məcralı kanal inşa ediləndən sonra itkilər maksimum 5 faiz olacaq. Yəni, suya qənaət hər birimizin işidir, ilk növbədə, dövlətin və biz bu işi görürük.
 
Bunlar ancaq Azərbaycanın bir hissəsinə aid olan layihələrdir. Əgər biz işğaldan azad olunmuş ərazilərdə layihələri əlavə etsək, mənzərə daha ürəkaçan olacaq. Çünki Vətən müharibəsi və antiterror əməliyyatı nəticəsində biz bu gün öz su mənbələrimizə tam sahib olmuşuq. Vaxtilə Ermənistan təkcə bizim torpaqlarımızı yox, bizim su resurslarımızı da işğal etmişdir. Qarabağ və Şərqi Zəngəzurda mövcud olan su resursları bizim ümumi su resurslarımızın 25 faizini təşkil edir. Bu su resurslarının əsas xüsusiyyəti, müsbət tərəfi odur ki, bunlar daxili mənbələr hesabına formalaşan su resurslarıdır. Çünki bildiyiniz kimi, bizim əsas çaylarımız xaricdən gəlir - Kür çayı, Araz çayı, Samur çayı. Bizim əsas çaylarımız xaricdən gəlir, ona görə Qarabağın və Şərqi Zəngəzurun su resursları daxili mənbələr olduğu üçün bunun xüsusi əhəmiyyəti var. Biz qısa müddət ərzində böyük infrastruktur layihələrini icra etmişik və bu işlər davam etdirilir.
 
Bir müddət bundan əvvəl Ağdam rayonunda Xaçınçay su anbarının açılışı olmuşdur. Füzuli rayonundakı Köndələnçay su anbarının yaxın gələcəkdə açılışı olacaqdır. Hazırda Zabuxçay su anbarının inşası gedir. Suqovuşan su anbarı demək olar ki, yenidən qurulub və o anbardan çıxan iki kanalın biri artıq tam təmir edilib, ikinci kanal da təmir ediləcək və beləliklə, erməni işğalına görə sudan məhrum olmuş bir neçə rayona artıq su veriləcək. Yeni əkin sahələrinin həcmi 100 min hektara yaxın olacaq. Ona görə mən deyəndə ki, ən azı 500 min hektar torpağa su veriləcək, bunu nəzərdə tuturam. Nəzərə alsaq ki, Azərbaycanda suvarılan əkin sahələrinin həcmi o qədər böyük deyil, bu layihələrin xüsusi əhəmiyyəti var. Qarabağ və Şərqi Zəngəzurda digər böyük suvarma layihələri nəzərdə tutulur. Həkəriçay, Bərgüşadçay su anbarlarının və kanalların inşa edilməsi nəzərdə tutulur. İndi texniki-iqtisadi əsaslandırmalar hazırlanır və hesab edirəm ki, gələn ildən biz bu layihələrin icrasına da başlaya bilərik.
 
Təbii ki, bütün bunlar böyük vəsait tələb edir. Azərbaycan dövləti güclü dövlətdir, öz gücünə, öz imkanlarına arxalanan dövlətdir. Biz Qarabağda və Şərqi Zəngəzurda elə genişmiqyaslı işlər görürük ki, bunun dünyada misli-bərabəri yoxdur. Həm yaşayış evləri, infrastruktur layihələri, suvarma layihələri, dəmir yolları, tunellər, hava limanları – cəmi üç il ərzində görülmüş işlər dövlətimizin gücünü, hökumətimizin və dövlətimizin iradəsini göstərir. Dediyim bu layihələrin hamısı icra ediləcək. Hələ bunlardan başqa bir çox layihələr olacaq ki, sadəcə onlar işin həcmi nöqteyi-nəzərdən daha kiçikdir. Amma hər bir layihənin əhəmiyyəti var və beləliklə, su ehtiyatları məhdud olan Azərbaycan bu sahədə də özünü tam təmin etmiş olacaq.
 
Bir layihəni də qeyd etməliyəm. İndi bu layihə üzərində iş aparılır. Bu da Xəzər dənizinin suyunun duzsuzlaşdırılması layihəsidir. Bu layihə həyata keçiriləndən sonra biz Xəzər dənizinin suyundan da həm suvarma üçün, həm içməli su kimi istifadə edəcəyik. Dünyanın bir neçə ölkəsi duzsuzlaşdırma sahəsində böyük təcrübəyə malikdir və bizim də Xəzər dənizi kimi böyük su hövzəmiz var. Təbii ki, biz bu imkandan da istifadə edəcəyik. Beləliklə, bu gün təməlini qoyduğum kanalın yaxın gələcəkdə çox böyük müsbət nəticələri olacaq.
 
Mən bir həftə bundan əvvəl Hacıqabul rayonunda yerləşən aqroparkın fəaliyyəti ilə tanış olmuşam. Mənə məlumat verildi ki, burada 4 mindən çox hektarda taxıl əkini aparılmışdır və məhsuldarlıq hər hektardan buğda üzrə 7 tona yaxın olmuşdur. İndi müqayisə üçün deyim ki, ölkəmizdə orta məhsuldarlıq hər hektardan 3 tondan bir qədər çoxdur. Burada - Hacıqabulda heç vaxt o sahələrdə əkin aparılmamışdır – nə sovet vaxtında, nə müstəqillik dövründə. Çünki su yox idi və torpaq da o qədər münbit deyil. Su olanda, yeni texnologiyalar tətbiq ediləndə, texnika, dövlətin dəstəyi, özəl sektorun fəaliyyəti – bütün bu amillər birləşəndə, bax, biz bu nəticəni görürük –Hacıqabulda hər hektardan 7 ton. Amma torpağı daim münbit olan yerlərdə bu rəqəm daha da arta bilər. Ancaq mən sizə deyim ki, hər hektardan taxıl üzrə 7 ton məhsuldarlıq - bu, inkişaf etmiş ölkələrin səviyyəsidir. Özü də bu, ərzaqlıq buğdadır ki, bizə ən çox lazım olan ərzaqlıq buğdadır. Biz hələ ki, idxaldan asılıyıq. Əgər bu texnologiyalar təkcə Şirvan kanalı boyunca, bax, orada göstərilən, yerləşən ərazilərdə tətbiq olunsa, onda biz idxaldan asılılığı böyük dərəcədə azaldacağıq. Sadaladığım digər layihələr icra edildikdə biz bəlkə də nə vaxtsa idxaldan, ümumiyyətlə, imtina edəcəyik.
 
İşğaldan azad edilmiş Qarabağ və Şərqi Zəngəzur torpaqlarında indi quruculuq işləri ilə bərabər, kənd təsərrüfatının inkişafı geniş vüsət almışdır. Oraya qayıdan vətəndaşlar artıq bu imkanlardan istifadə edirlər. Eyni zamanda, ən müasir texnologiyaların tətbiqi nəticəsində orada həm taxılçılıq, həm meyvəçilik, bostançılıq, üzümçülük geniş vüsət alacaq. Qarabağ və Şərqi Zəngəzur Azərbaycanın ən gözəl yerlərindən biridir və kənd təsərrüfatı üçün yararlı torpaqların, su resurslarının - çayların, bulaqların, yaylaqların mövcudluğu həm heyvandarlıq, həm də bitkiçilik üzrə çox böyük imkanlar yaradır. Biz hər şeyi planlı şəkildə edirik ki, hər qarış torpaqdan maksimum məhsuldarlıq, maksimum səmərə götürək və bunu edəcəyik.
 
Əminəm, Azərbaycan xalqı da tam əmindir ki, dediyimiz bütün sözlər, verdiyimiz bütün vədlər hər zaman yerinə yetirilir və bu gün dediyim, bu layihələrin icrası da tam təmin ediləcək. Biz üç ildən sonra - uzaqbaşı 2027-ci ilin sonuna qədər Şirvan kanalının da açılışını qeyd edəcəyik”.
 
10:35
 
Azərbaycan Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub.
 
Moderator.az xəbər verir ki, bu barədə Prezidentin Mətbuat xidməti məlumat yayıb.
 
Qeyd olunub ki, dövlət başçısı təməlqoyma mərasimində çıxış edib.

 

Oxşar xəbərlər
00:39, Bu gün
"Tramp öz prezidentliyi dönəmində Rusiyanın Ukraynaya hücum edəcəyi təqdirdə "Moskvanı bombalayardı" - "The Washington Post"
29 May 2024 | 23:29
“Xaricdəki bloqerlər azərbaycanlı məmurları şantaj edib 500 min avro alıblar”
29 May 2024 | 23:27
Gürcüstan parlamenti prezident Zurabişvilinin "Xarici agentlər haqqında qanun"a vetosunun qarşısını alıb
29 May 2024 | 23:25
Məktəblərdə cinsi tərbiyə dərsi tədris ediləcək?
29 May 2024 | 23:23
Kənd toyuğunun qiyməti QALXDI
29 May 2024 | 23:14
Mirzoyan iranlı həmkarı ilə regionu müzakirə etdi
29 May 2024 | 23:10
Ərdoğanın Qəzza diplomatiyası
29 May 2024 | 22:26
Azərbaycanda İcra hakimiyyətində müəmma: Başçının adı və imzası var, amma özü xəbərsizdir
29 May 2024 | 22:24
Müdafiə Nazirliyinin rəhbər heyəti Türkiyədə "Doğanbey" təlim sahəsində olublar
29 May 2024 | 21:54
“Bu, Türkiyənin Şuşada konsulluq açmasından tez ola bilməz”
29 May 2024 | 21:49
"Rusiya on minlərlə ukraynalı uşağı deportasiya etməyə hazırlaşır" - ISW
29 May 2024 | 21:47
"Haber Global" Azərbaycana qaytarılan dörd kənddən yeni görüntülər yayımladı - VİDEO
29 May 2024 | 21:27
“Qısa zamanda belə gözəl şəhərlərin inşa edilməsi bizim ən böyük uğurumuzdur” -VİDEO
29 May 2024 | 21:25
Ölkə ərazisində qeyri-sabit hava şəraitinin taxıl sahələrinə vurduğu ziyan açıqlanıb
29 May 2024 | 20:59
"Turan" etno-folklor ansamlından Azərbaycanın Müstəqillik gününə töhfə... -VİDEO
29 May 2024 | 20:56
"ABŞ Ukrayna üzrə sülh sammitində iştirak edəcək" - Ağ Evin mətbuat katibi
29 May 2024 | 20:56
“İngilis və rus ordularının müdaxiləsi nəticəsində inqilabçılara divan tutuldu...”
29 May 2024 | 20:56
Azərbaycan Ordusunun Baş Qərargah rəisi türkiyəli həmkarı ilə görüşüb
29 May 2024 | 20:49
Sakinlərin NƏZƏRİNƏ: Sabah bəzi ərazilərdə qaz olmayacaq
29 May 2024 | 20:38
“Bəlkə də Gürcüstanda xalqın əksəriyyəti üçüncü yolu seçəcək...”- Sabiq baş diplomat
29 May 2024 | 20:19
Müəllimlərin vəzifə maaşlarına aylıq əlavələrdə texniki xarakterli məhdudiyyətlər aradan qaldırılıb
29 May 2024 | 20:07
Fransız Polineziyası: kiçik ada ölkəsinin Parisin müstəmləkəçilik siyasətinə qarşı müstəqillik mübarizəsi
29 May 2024 | 19:57
Bəhram Bağırzadənin bu hüququ məhdudlaşdırıla bilər
29 May 2024 | 19:44
Həcc yolu, yoxsa “xərc yolu”? - 10 000 MANAT
29 May 2024 | 19:40
Bu rayonlarda ağaclar qanunsuz kəsilib - Təbiətə 114 min manat ziyan dəyib
29 May 2024 | 19:37
"Google", "YouTube" platformaları Azərbaycan nömrələrini təsdiq etmir - AÇIQLAMA
29 May 2024 | 19:35
İngiltərədə qızlar tualetə görə restoran sahibini döyüblər
29 May 2024 | 19:33
Antonio Quterreş İlham Əliyevi təbrik edib
29 May 2024 | 19:26
Rəisinin helikopterinin vurulması haqda heç bir səbəb aşkarlanmayıb
29 May 2024 | 19:22
İran İbrahim Rəisiyə bənzəyən prezident axtarışında
29 May 2024 | 19:21
Slovakiya Prezidenti Azərbaycan liderini təbrik edib
29 May 2024 | 19:19
Mixaylo Podolyak: Kiyevə cəbhə xəttini qorumaq üçün ən azı 60 qırıcı lazımdır
29 May 2024 | 18:26
Vətəndaş Qəbulu Mərkəzində iyun ayında qəbul cədvəli açıqlanıb
29 May 2024 | 18:24
İki prokuror vəzifəsindən azad olundu
29 May 2024 | 18:23
Bakıda keçmiş məhkumdan yeddi kiloqram narkotik götürüldü - FOTO
29 May 2024 | 18:19
Çiyələklə bağlı əhaliyə XƏBƏRDARLIQ edildi
29 May 2024 | 18:17
Çində belində avtomat olan robot it nümayiş etdirilib - VİDEO
29 May 2024 | 18:15
Məşhur aktrisa VƏFAT ETDİ - FOTO
29 May 2024 | 18:12
Mayoru öldürən kapitanın işi məhkəmədə
29 May 2024 | 18:08
Qəbələdə ictimai qayda pozuntusuna yol verdiyinə görə saxlanılan şəxslər sərbəst buraxıldılar
29 May 2024 | 18:05
Uşaqlar çimərlikdə balıqqulağı yığdığı üçün 88 min dollar cərimə gəldi - VİDEO
29 May 2024 | 18:02
İyunun 3-dən BDU-da yaz imtahan sessiyası başlayacaq
29 May 2024 | 17:58
Əli Əsədov qərar imzaladı
29 May 2024 | 17:54
Azərbaycan pensiyaların ən çox artdığı keçmiş SSRİ respublikası seçilib
29 May 2024 | 17:51
Altı rayonda ağaclar qanunsuz kəsildi
29 May 2024 | 17:47
"Google", "YouTube" platformaları Azərbaycan nömrələrini təsdiq etmir - AÇIQLAMA
29 May 2024 | 17:44
Putin Avropanı "qlobal münaqişə ilə TƏHDİD ETDİ
29 May 2024 | 17:40
İran İbrahim Rəisiyə bənzəyən prezident axtarışında - VİDEO
29 May 2024 | 17:36
Xuraman Şuşalı: "İşlə təmin olunsam, ata-baba yurduma köçərəm"
29 May 2024 | 17:32
Bir həftə əvvəl əməliyyat olunan qadın intihar etdi
29 May 2024 | 17:28
Moskvanın Xankəndidə konsulluq planının şifrələri - Rusiya nə istəyir?
29 May 2024 | 17:24
Qarabağ Universitetinə dekanlar seçilib
29 May 2024 | 17:20
Azərbaycanda iki prokuror vəzifələrindən AZAD OLUNDU
29 May 2024 | 17:16
Etibar Məmmədov, nəhayət, deputatlığa namizəd olub-olmayacağı haqda danışdı...
29 May 2024 | 17:14
Polis hər yerdə bu kişini axtarır - FOTO
29 May 2024 | 17:10
Zakir Həsənov Türkiyəyə getdi
29 May 2024 | 17:07
Rasim Balayev: "Məcburam ki, kinonu götürüb, qaçım..." - VİDEO
29 May 2024 | 17:03
Bu yolda hərəkət məhdudlaşdırılacaq
29 May 2024 | 17:00
Terrorçuların himayədarı: Lemkin institutunun “siyasi məhbus” oyunu - ŞƏRH + FOTO
29 May 2024 | 16:55
Hikmət Hacıyev Cahit Bağcı ilə regiondakı vəziyyəti müzakirə etdi - FOTO
29 May 2024 | 16:50
Azərbaycan və İran arasında su bölgüsü müəyyənləşdirildi - FOTO
29 May 2024 | 16:46
Şanxay Əməkdaşlıq Təşkilatının Baş katibi İlham Əliyevi təbrik etdi
29 May 2024 | 16:43
Ordumuzun səhra geyim forması dəyişdi - FOTO
29 May 2024 | 16:35
“Azərişıq” cənub rayonlarının elektrik təsərrüfatını yeniləyir - VİDEO
29 May 2024 | 16:32
Xocalıda 24 ailəyə evlərinin açarları təqdim olundu - FOTO
29 May 2024 | 16:30
Aleksandr Budberq: "Müharibə cəhdi Ermənistanda hakimiyyətə gəlməyin yoludur" - MÜSAHİBƏ
29 May 2024 | 16:27
Ceyhun Bayramov Pakistana getdi
29 May 2024 | 16:25
"Nar"ın dəstəyi ilə hazırlanan jestdili.az saytının istifadəçilərinin sayı ikiqat artdı
29 May 2024 | 16:20
Film layihələri müsabiqəsində qalib gələn filmləri tələbələr çəkəcək
29 May 2024 | 16:15
Ukrayna ordusunda xidmət edən azərbaycanlı hərbçi İTKİN DÜŞDÜ
29 May 2024 | 16:10
Paşinyan Ermənistan XİN-ə yeni baş katib təyin etdi
29 May 2024 | 16:05
Bakıda sıxlıq və tıxacı aradan qaldırmaq üçün 2-ci layihənin icrasına başlanıldı - VİDEO
29 May 2024 | 16:00
Daşları hissiyyatla "oxumaq": İnsan dühası və 3D ilə yeni sirləri açılan Qobustan - REPORTAJ + FOTO
29 May 2024 | 15:55
ADY və Mətbuat Şurası müsabiqə elan edib
29 May 2024 | 15:50
Tanınmış jurnalist TƏLTİF EDİLDİ - FOTO
29 May 2024 | 15:45
Xankəndidə rus konsulluğu necə açıla bilər? – Şərtlər bu cürdür: Sabiq nazir açıqladı
29 May 2024 | 15:40
Üç aya 66 ədəd şokolad oğurladı, kafedə bir manata satdı
29 May 2024 | 15:35
Prezidentin Xocalı səfəri Türkiyənin aparıcı media orqanlarının diqqət mərkəzində - FOTO
29 May 2024 | 15:30
İlham Əliyev Keniya Prezidentini təbrik etdi
29 May 2024 | 15:25
Rusiyada qızları alt paltarlarını soyundurub imtahana buraxdılar: Valideynlər ayağa qalxdılar - VİDEO
29 May 2024 | 15:20
Prezidentin Xocalıdan Ermənistana və canilərə ismarışı - ŞƏRH + FOTO
29 May 2024 | 15:15
Bu şəxslər iyunun 1-dən Gürcüstana buraxılmayacaq: “Tələbdir, bir çox ölkələrdə var” - ÖZƏL + FOTO
29 May 2024 | 15:09
İlham Əliyev litvalı həmkarını təbrik etdi
29 May 2024 | 15:04
Türkiyəli və azərbaycanlı həkimlər qazini əməliyyat etdi - FOTO
29 May 2024 | 14:59
İşləyənlərin DİQQƏTİNƏ! - Bu hallarda əlavə maaş ala bilərsiniz
29 May 2024 | 14:55
Əməkhaqqı bu qədər artacaq: 3,7 milyard belə bölüşdürülür – Vahid Əhmədov açıqladı
29 May 2024 | 14:50
Nəsrin Türkiyədə ilin tərz qadını seçildi - FOTO/VİDEO
29 May 2024 | 14:45
“Gelandewagen” almağa cibimdə 12 manatla getmişdim”- Balaəli
29 May 2024 | 14:42
Təcavüz edilmiş qızın ailəsi 3 milyon yarım tələb etdi – TƏFƏRRÜAT
29 May 2024 | 14:40
BDU tələbələri üçün ETSN-in Azərbaycan Geologiya Muzeyində interaktiv dərs keçirilib - FOTO
29 May 2024 | 14:35
Sabiq direktoru məhkəməyə xərəkdə gətirdilər
29 May 2024 | 14:30
Ehtiyata göndərilən generalın vəzifələrini kim icra edir? - YENİLƏNİB
29 May 2024 | 14:30
Müvəqqəti müttəfiqlik, məxfi məlumat və pul kanalı – İçəridəki xain kimdir?
29 May 2024 | 14:25
Kibercinayətkarlığa qarşı əməliyyat keçirildi: Altı nəfər cinayət məsuliyyətinə cəlb edildi - FOTO
29 May 2024 | 14:20
Azərbaycanda yüksək vəzifəyə TƏYİNAT
29 May 2024 | 14:17
Dövlətə xəyanət edən Fidanla bağlı ekspertiza rəyi açıqlandı
29 May 2024 | 14:15
Brejnevin kosmosda mənzil iddiası – Qrişin baş katibin arzusunu həyata keçirməkdə özünü səlahiyyətsiz sayıb
29 May 2024 | 14:10
Fransız Polineziyası hakim partiyasının rəhbərliyi Azərbaycandadır - FOTO
29 May 2024 | 14:05
Eyni mənzildə yaşayan iki qadın, bir kişinin macərası: "Gecə gəlsən..." – ŞOK
29 May 2024 | 14:00
İki Şeyxülislam bir fotoda – 45 il əvvəl çəkilmiş nadir şəkil
GÜNLÜK
29 May 2024 | 12:52
Barəsində açıq cinayət işi olan Gündüz Əliyev xarici ölkəyə necə gedib-gəlir? - MÜƏMMA
29 May 2024 | 10:05
Çimərlikdə 3 uşağı ildırım belə vurdu - ANBAAN VİDEO
29 May 2024 | 14:55
Əməkhaqqı bu qədər artacaq: 3,7 milyard belə bölüşdürülür – Vahid Əhmədov açıqladı
29 May 2024 | 11:55
Tarif Şurası bu qiymətləri müəyyən edəcək - RƏSMİ
29 May 2024 | 09:19
Siqaret çəkənlərin diqqətinə: bütün vitaminlər...
29 May 2024 | 07:35
Mayın 29-nun ULDUZ FALI: Gərgin gün olacaq, düşünmədən qərar verməyə tələsməyin
29 May 2024 | 07:59
2023-cü ildə edam edilən şəxslərin sayı açıqlandı- ƏN YÜKSƏK GÖSTƏRİCİ 
29 May 2024 | 09:44
Xalq artisti doğum günündə ən böyük sevgisindən DANIŞDI: "Sanki tələsirəm..."  
29 May 2024 | 15:15
Bu şəxslər iyunun 1-dən Gürcüstana buraxılmayacaq: “Tələbdir, bir çox ölkələrdə var” - ÖZƏL + FOTO
29 May 2024 | 06:47
“Katolokos özgəsi üçün qazdığı quyuya özü düşdü...” 
HƏFTƏLİK
23 May 2024 | 23:26
Araq içənlərin DİQQƏTİNƏ
24 May 2024 | 06:36
Müəllimə şagirdi ilə cinsi əlaqədə olduğu üçün BU CƏZA VERİLDİ 
26 May 2024 | 15:22
"Hazırlaşın" əmri verildi - Hədəf birbaşa Rusiya ərazisi olacaq
28 May 2024 | 09:55
İranın prezidenti azərbaycanlı ola bilər - yarış başladı, maraqlı adlar... 
23 May 2024 | 21:38
Şuşadan Qazaxa uzanan yanğın..
27 May 2024 | 21:20
Azərbaycan Respublikasının sabiq müdafiə naziri vəfat edib
27 May 2024 | 19:45
Qulu Məhərrəmli 32 il sonra doğma kəndində - FOTO 
23 May 2024 | 22:36
Aparıcıların toy qiymətləri: 25 minə… – SİYAHI
27 May 2024 | 21:09
DTX-nin həbs etdiyi Kamran Zülfüqarov - O, tırın altında Azərbaycana qayıdıbmış
28 May 2024 | 07:13
Daxili işlər naziri Baş nazir təyin edilib
AYLIQ
29 May 2024 | 12:52
Barəsində açıq cinayət işi olan Gündüz Əliyev xarici ölkəyə necə gedib-gəlir? - MÜƏMMA
29 May 2024 | 10:05
Çimərlikdə 3 uşağı ildırım belə vurdu - ANBAAN VİDEO
29 May 2024 | 14:55
Əməkhaqqı bu qədər artacaq: 3,7 milyard belə bölüşdürülür – Vahid Əhmədov açıqladı
29 May 2024 | 11:55
Tarif Şurası bu qiymətləri müəyyən edəcək - RƏSMİ
29 May 2024 | 09:19
Siqaret çəkənlərin diqqətinə: bütün vitaminlər...
29 May 2024 | 07:35
Mayın 29-nun ULDUZ FALI: Gərgin gün olacaq, düşünmədən qərar verməyə tələsməyin
29 May 2024 | 07:59
2023-cü ildə edam edilən şəxslərin sayı açıqlandı- ƏN YÜKSƏK GÖSTƏRİCİ 
29 May 2024 | 09:44
Xalq artisti doğum günündə ən böyük sevgisindən DANIŞDI: "Sanki tələsirəm..."  
29 May 2024 | 15:15
Bu şəxslər iyunun 1-dən Gürcüstana buraxılmayacaq: “Tələbdir, bir çox ölkələrdə var” - ÖZƏL + FOTO
29 May 2024 | 06:47
“Katolokos özgəsi üçün qazdığı quyuya özü düşdü...”