"Sirlər və qaranlıq proqnozlar: Selina Avalonun 2026-ci il üçün proqnozları" - KİV-lər

"Qlobal pandemiya, kiberhücumlar və önəmli liderlərin ölümü..."

Britaniyalı məşhur öncəgörən Selina Avalon yaxın illərdə insanlığı ciddi təhlükə gözlədiyini irəli sürüb.

Moderator.az xəbər verir ki, bu barədə "focus.ua" nəşri yazıb.

Afrikadan baş qaldıran xəstəlik və qlobal təlatümlər

Selinanın proqnozuna görə, qlobal miqyaslı yeni bir ölümcül epidemiya beş il ərzində dünya üzrə səhiyyə böhranına çevrilə bilər. Avalon bunu konkret tibbi detallarla izah etməsə də, xəstəliyin potensial fəlakət ölçüsünü vurğulayır.

O, bu xəstəliyin Afrika qitəsində yaranacağını ehtimal edir və nəticələrini qlobal miqyasda fəlakətli hesab edir. "Mən Afrika qitəsində başlayan sanki nəhəng bir tauna bənzəyən nəsnəni görürəm", - Avalon qeyd edib.

Dünya siyasəti, texnologiya və qlobal hadisələr

Avalonun proqnozları bununla bitmir. 2026-cı il üçün o, aşağıdakı mümkün hadisələri irəli sürür:

- Böyük dövlətlərdə genişmiqyaslı kiberhücumlar və Böyük Britaniyada elektrik kəsintiləri;

- Dünya səhnəsində önəmli bir liderin ölümü və dövlət mərasimli dəfn, qlobal mediada yayımlanacaq;

- İnsanların yerini tədricən alacaq süni intellektin rolunun genişlənməsi;

- Beynəlxalq münaqişələrin kəskinləşməsi;

- Aviasiya texnologiyalarında əhəmiyyətli irəliləyişlər;

- Eyni zamanda, bəzi proqnozlar 2026-cı ildən daha geniş - 5-10 illik perspektivdə baş verə bilər.

Selina Avalon dəqiq liderin kim olduğunu açıqlamasa da, vurğulayıb ki, bu hadisə Donald Trampla bağlı deyil. Avalon görür ki, Tramp və həyat yoldaşı Melaniya dəfn mərasiminə qatılacaq, amma bu onların dəfni olmayacaq.

Avalonun fəaliyyəti və yanaşması

Selina Avalon "SoulVoyance" adlı onlayn platforma vasitəsilə təlimlər keçirir, proqnozlarını videolar, podkastlar və sosial şəbəkələrdə paylaşır.

O, telepatiya, astroloji analiz və mistik interpretasiyaları birləşdirərək qlobal və humanitar məsələlərlə bağlı vizyonlarını izah edir.

Qeyd etmək vacibdir ki, Avalonun proqnozları elmi və ya tibbi təsdiq olunmuş məlumat deyil. Bunlar onun şəxsi vizyonu və qabaqgörən təcrübəsi əsasında irəli sürülən ehtimallardır.