Uzunömürlülüyün sirri: Yaşlanmayan insanlar nə yeyirlər?

Nikoja yarımadası dünyanın beş “mavi zona”sından biridir. “Mavi zona” insanların planetin orta göstəricisindən müqayisəolunmaz dərəcədə uzun ömür sürdüyü regionlar hesab olunur. Burada sakinlər çox vaxt 100 və daha artıq yaşayırlar, uzunömürlülərin sayı isə dünya norması ilə müqayisədə 3,5 dəfə çoxdur.

Nikoyalıların uzunömürlülüyünün sirri onların gündəlik qidalanmasında gizlidir.

Nikoja sakinlərini uzun yaşadan qidalar

Nikoja mətbəbi son dərəcə sadə, lakin qidalı məhsullara əsaslanır:

lobya – bitki mənşəli zülal və yüksək lif,

qarğıdalı – mürəkkəb karbohidratlar,

balqabaq – vitamin və antioksidant mənbəyi.

Bu “mavi zona üçlüyü” stabil enerji, sağlam metabolizm və güclü ürək-damar sistemi yaradır.

Burada ət çox az yeyilir. Sağlam yağ mənbəyi kimi avokado, balqabaq tumu və qoz-fındıq üstünlük təşkil edir. Hətta içilən su belə fərqlidir. O, kalsium və maqneziumla daha zəngindir, bu isə sümükləri möhkəmləndirir və ürəyi qoruyur.

Günəş, təbiət və hərəkət – ikinci sirr

Nikoyalılar hər gün günəş altında olur, təbiətdə çox vaxt keçirir və müntəzəm gəzintilərlə aktiv həyat tərzi sürürlər. Bu faktorlar qidalanma ilə birlikdə “uzunömürlülük formulunu” tamamlayır.

Elmi araşdırmalar nə deyir?

2024-cü ildə alimlər Kosta-Rikanın 60 yaşdan yuxarı 2 827 sakinini 15 il ərzində müşahidə ediblər. Nəticə göstərib ki, ənənəvi Nikoya pəhrizinə əməl edənlərin ölüm riski 18 faiz daha aşağıdır.

Uzunömürlülük turizmi

Bu gün Nikoja uzun ömür arzulayan insanlar üçün cəlbedici məkana çevrilib. Buraya villa sahibləri, İT sahibkarları və “sağlam həyat” axtaranlar axışır. Məşhur W Costa Rica Reserva Conchal da daxil olmaqla bir çox beşulduzlu rezidensiyalar Blue Zone prinsiplərinə uyğun yeməklər təqdim edir.

Mətbəxdə yerli əkinlərdən gətirilmiş məhsullardan istifadə olunur, ənənəvi gallo pinto, müxtəlif paxlalı yeməklər və hətta “uzunömürlülük üçün 5 səhər yeməyi” menyüsü təklif edilir. Qonaqlar təzə tutulan balıqdan hazırlanan yerli seviçe bişirməyi də öyrənə bilirlər.

Şef-kulinariya ustası Dieqo Mollenxauer belə deyir:

“Kosta-Rika mətbəxi səmimi, sadə və təbiidir. Nə kimyəvi maddə, nə də artıq əlavələr var. İnsanlar burada ‘pura vida’nı yalnız dadmır, onu özləri ilə həyatı boyu aparırlar”.

(Lent.az)