Dieta zamanı arıqlamağa mane olan 6 böyük SƏHV

“Valideynlik hüququndan məhrum edilə bilər”- əlilliyi olan şəxs aliment ödəməlidir?-AÇIQLAMA

“Həmin sürücülük vəsiqəsini 1 ay istifadə edə bilərlər”-ARAŞDIRMA+FOTO

"Lukaşenko iki ağadan asılı olan nökərdir" - Leonid Kuçma

"Hizbullah" sınmayıb və İsrailə qarşı mübarizəsini davam etdirəcək" - Naim Qasım

"Belaruslar bizdən daha fəal mübarizə aparıb" - Saakaşvili

"Putin hətta Şimali Koreyanın köməyi ilə də müharibədə qalib gələ bilməyəcək" - Pentaqon rəhbəri

ABŞ prezidenti seçkilərinə 5 gün qalıb: kim irəlidədir? - İctimai rəy sorğusunun nəticələri

Ermənistanla Türkiyə arasında hansı konkret razılaşmalar var?..-Erməni nazir açıqladı...

Dieta zamanı arıqlamağa mane olan 6 böyük SƏHV

Sağlamlıq

Oxunub: 4947

14 Feb 2024 | 22:01

Dieta zamanı arıqlamağa mane olan 6 böyük SƏHV

Ötən həftə Dünya dietoloqlar günü qeyd olunub. Sağlam olmaq və yaxşı görünmək kimi müxtəlif səbəblər insanları dieta saxlamağa məcbur edir. Amma çarəni dietada görən adamların çoxu nə qədər çalışsa da, istədiyi qədər arıqlaya bilmir.

1 - Şəkəri azaldın

Bol şəkərqəbul etmək insanı kökəldən əsas səbəblərdən biridir. Orqanizm artıq şəkəri yağ hüceyrəsi kimi tutub saxlayır.

Şokolad və şirniyyat yeməyi tərgidib onları bal və ya quru meyvələ əvəz etsəniz belə, qəbul etdiyiniz şəkərin miqdarı yenə çox ola bilər.

Hansı şəkildə olur-olsun, şəkər dieta saxlayanların uzaq durmalı olduğu qida maddələrinin birincisidir.

Bunun qarşısını almaq üçün şəkərə nəzarət etməklə dietanız qeydiyyatını aparın.

Gündəlik qəbul etdiyiniz şəkərin miqdarını hər gün bir az azaltmağa çalışın.

2 - Hərəkət edin

Həftədə bir neçə dəfə idman etmənizə baxmayaraq çəki ata bilmirsinizsə, günün sonrakı hissəsində nəylə məşğul olduğunuza diqqət etməlisiz.

Araşdırmalar göstərir ki, insanların 80%-i onlara məsləhət görülən həftədə beş gün və hər gün ən azı 30 dəqiqə idman etmək rejiminə əməl edə bilmir.

Ona görə də idmanı həyatınızın hər anına daxil etməniz lazımdır. Bunun üçün pilləkənlə qalxmaq, işə velosipedlə getmək və ya maşınınızı gedəcəyiniz yerdən uzaqda saxlamaq kimi sadə üsullardan istifadə edə bilərsiz.

Bu üsullar həzm prosesini fəallaşdırmaq üçün çox vacibdir.

3 - Qidanı yaxşı çeynəyin

İnsanların 60%-i yeməyini 5 dəqiqəyə bitirərək sürətli həyat tempindən geri qalmamağa çalışır.

Araşdırmalar zamanı o da məlum olub ki, televizora baxaraq yemək yeyənlər diqqətləri ekranda olduğu üçün qidanı yaxşı çeynəmədən udurlar.

Yaxşı çeynənməyən qidalar istaha nəzarət edən hormonların fəaliyyətini zəiflədir.

Qidanı daha çox çeynəməyə vərdiş etmək üçün dostlarınızla birlikdə yemək yeyəndə boşqabınızdakıları hamıdan sonda bitirməyə çalışın.

4 - Faydalı qidaları da az yeyin

Yəqin ki, dieta saxlayanda bəzi ağır yeməklərdən vaz keçib sağlam qidalar qəbul etməyə başlayırsız.

Amma bol sağlam qida da dietanızın istədiyiniz nəticəylə bitməsinə mane ola bilər.

Quru meyvələrin və zülallı qidaların böyük əksəriyyəti faydalı olsa da, artıq kalori ucbatından sizi hədəfinizdən uzaqlaşdırar.

Qoz, badam və fındıq kimi qidaları qəlyanaltılar zamanı və az miqdarda yeməklə həm dietaya əməl etmiş olar, həm də orqanizminizə lazım olan qida maddələrini qəbul etmiş olarsız.

5 - Yuxu normasına əməl etmək

Mütəxəssislər yuxu normasına əməl etməyin dieta üçün əhəmiyyətli olduğunu vurğulayırlar.

Gecə pis yatanda orqanizmin karbohidrat və şəkər ehtiyacı artır, hədsiz yorğunluq zamanı da beyin şəkər çatışmazlığı siqnalı verir.