Elmar Qasımov YAP-ın səlahiyyətli nümayəndəsi oldu

Bizi sosial şəbəkələrdən izləyin:

Bakı Ali Neft Məktəbinin rektoru Elmar Qasımov 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə Yeni Azərbaycan Partiyasının (YAP) səlahiyyətli nümayəndələrindən biri kimi təsdiq olunub.

Belə ki, Azərbaycan Respublikasının Milli Məclisinə seçkilərdə Yeni Azərbaycan Partiyasının səlahiyyətli nümayəndələrinin qeydə alınması haqqında Azərbaycan Respublikası Mətkəzi Seçki Komissiyasının 26/177 saylı Qərarına əsasən, 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə Yeni Azərbaycan Partiyasının səlahiyyətli nümayəndəsi kimi Qasımov Elmar Eldar oğlu qeydə alınmışdır.

Qeyd edək ki, 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə Yeni Azərbaycan Partiyası səlahiyyətli nümayəndələr təyin etmiş və həmin şəxslərin qeydə alınması üçün müvafiq sənədləri Azərbaycan Respublikası Mərkəzi Seçki Komissiyasına təqdim etmişdir. Azərbaycan Respublikası Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb, həmin şəxslərin qeydə alınması üçün əsasların olmasını müəyyən etmişdir. Yuxarıda qeyd edilənləri əsas götürərək, Azərbaycan Respublikası Mərkəzi Seçki Komissiyası Azəırbaycan Respublikası Seçki Məcəlləsinin 19.4-cü, 19.14-cü, 28.2-ci, 28. 4-cü və 52-ci maddələrinə əsasən müvafiq qərar qəbul edib.

Xatırladaq ki, Elmar Qasımov 8 sentyabr 1973-cü ildə anadan olmuşdur. O, 1990-cı ildə orta məktəbi gümüş medalla bitirmişdir. 1995-ci ildə Bakı Dövlət Universitetinin coğrafiya fakültəsini, 2002-ci ildə Bakı Dövlət Universitetinin hüquq fakültəsini bitirmişdir. 2006-cı ildə Elmar Qasımov aspiranturanı bitirərək namizədlik dissertasiyasını müdafiə etmişdir, coğrafiya elmləri namizədidir. 1995 ”“ 1999-cu illərdə E.Qasımov Bakı Dövlət Universitetinin Tələbə Həmkarlar Komitəsinin sədri, 1999 ”“ 2012-ci illərdə Bakı Dövlət Universitetində müəllim, baş müəllim, dosent vəzifələrində çalışmışdır. 1999 - 2011-ci illərdə Azərbaycan Respublikası Təhsil Nazirinin müavini, 2011-2012-ci illərdə Azərbaycan Respublikası Dövlət Neft Şirkətinin vitse-prezidentinin müavini vəzifələrində çalışmışdır. 10 aprel 2012-ci ildə Azərbaycan

Respublikasının Prezidenti cənab İlham Əliyevin Sərəncamı ilə Bakı Ali Neft Məktəbinin rektoru təyin edilmişdir. Yeni Azərbaycan Partiyası Siyasi Şurasının üzvüdür.

Elmar Qasımov 3 oktyabr 2008-ci ildə “Tərəqqi”x9d medalı ilə təltif olunmuş, 19 sentyabr 2014-cü ildə “Əməkdar müəllim”x9d adını almışdır.