"Hizbullah" üçün müasir "Troya atı"

ABŞ prezidenti seçkilərinə 5 gün qalıb: kim irəlidədir? - İctimai rəy sorğusunun nəticələri

Ermənistanla Türkiyə arasında hansı konkret razılaşmalar var?..-Erməni nazir açıqladı...

Keşiş Baqrat xaricə getdi: Müalicə, yoxsa daha güclü və əyani təlimat üçün?..

"Haydı, uşaqlar, cəsarətli olun, belə də davam edin!.." - Alla Puqaçova

"İordan çayının Qərb sahili və Qəzza bölgəsi işğal edilmiş ərazilərdir" - Quterriş

Ukrayna qadınları noyabr ayından hərbi xidmətə çağırılacaqmı?..

Baydenin müşavirləri xüsusi missiya ilə Yaxın Şərqə yollanır

"Ukrayna izi, yoxsa Qafqaz qisası?.."

"Hizbullah" üçün müasir "Troya atı" - "The New York Times"

Oxunub: 1629

19 Sep 2024 | 16:22

"Macarıstanda yaradılan saxta şirkət "Hizbullah" üçün batareyaları partlayıcı maddələrin daxilinə yerləşdirilən peycerlər istehsal və tədarük edib..."

Amerikanın "The New York Times" nəşrində son günlər Livanda baş verən hadisələr barədə dərc edilən müfəssəl məqalədə "Hizbullah" yaraqlılarının peycer və ratsiyalarının partlayışı əməliyyatının bəzi təfərrüatlarını açıqlayıb.

Moderator.az xəbər verir ki, bu barədə "charter97.org" nəşri yazıb.

Məqalədə deyilir ki, bu əməliyyat bir neçə il öncə başlayıb. Yüksək vəzifəli komandirlərin dəqiqliklə aradan götürülməsi "Hizbullah"ın telefonlarının sındırıla biləcəyi ilə bağlı narahatlıq doğurub.

Fevral ayında şeyx Həsən Nəsrullah bəyan edib: "Əllərinizdəki telefon agentdir". Nəticədə o, köhnə və sadə rabitə vasitələrindən istifadə etməklə qruplaşmanın texnoloji təchizatının səviyyəsinin aşağı salınması barədə qərar qəbul edib.

Nəsrullah qruplaşmadan mobil telefonlardan istifadə edilməsindən imtina etməyi və peycerlərə keçməyi tələb edib. Onların funksiyası xeyli dərəcədə məhduddur, lakin qruplaşma güman edib ki, bu, İsrail xüsusi xidmət orqanlarının telefonları sındırmaq vəzifəsini çətinləşdirəcək.

Lakin İsrail bunu özü üçün imkan kimi dəyərləndirib. Ofisi Macarıstanda yerləşdirilməklə özünü "Gold Apollo" istehsalçı firmasının törəmə şirkəti kimi göstərən saxta "B.A.C.Consulting" istehsalçı firmanın törəmə şirkəti kimi təqdim edib və qruplaşmaya və bəzi digər tədarükçülərə peycerlər tədarük edib.

Bu əfsanə üçün ən azı daha iki saxta şirkət yaradılıb. "B.A.C.Consulting" şirkəti adi müştərilərlə də qarşılıqlı əlaqədə olaraq onlara normal cihazlar tədarük edib, lakin aydındır ki, hədəfdə "Hizbullah" olub.

Bu qruplaşma üçün peycerlər ayrıca istehsal edilib, onların batareyaları partlayıcı madddələrin daxilinə yerləşdirilib, bu barədə kəşfiyyatın üç zabiti məlumat verib.

Minalanan peycerlər qruplaşmaya hələ 2022-ci ilin yayında tədarük edilməyə başlayıb, lakin o zaman bu, hələ az partiyalarla edilib. Getdikcə, xüsusilə Nəsrullahın mobil telefonlardan istifadədən imtina etməyi tələb etməsindən sonra tədarük vüsət alıb.

Nəsrullahın ehtiyat etdiyi şeylərdən biri bundan ibarət olub ki, İsrail kəşfiyyatı yeni telefonları sındıra bilər. Bu texnologiyalara milyonlarla vəsait qoyulub və bu şayiələr "Hizbullah"ın rəhbərliyinə çatıb.

Qruplaşmanın baş katibində paranoya başlayıb və o, "Hizbullah"ın planları və yerdəyişmələrinin telefonla müzakirə olunmamasını və qruplaşmanın hər bir zabitinin əlində müharibə olacağı təqdirdə peycer olmasını və onların köməyilə əmrlər barədə məlumat alınmasını tələb edib.

Nəşrin amerikalı mənbələri güman edir ki, "Hizbullah"a peycerlərin istehsalı və tədarük edilməsi ilə bağlı aksiya kifayət qədər böyük olub. Yayda peycerlərin tədarükü kəskin artıb, minlərlə aparat Livana göndərilib. Sentyabrın 17-də İsrail minalanmış peycerlərin tətbiqi ilə əməliyyata başlamağa qərar verib.

Ekspertlərin dəyərləndirmələrinə görə, onlardakı partlayıcı maddə distant olaraq aktivləşdirilib. Yaraqlılar ərəb dilində belə üsulla alınan məlumatları xatırladan məlumat alıb. Bir neçə saniyədən sonra yaraqlılar bu məlumatı oxumaq üçün telefonlarını əllərinə götürəndə sinxron partlayış baş verib.

Sentyabrın 19-da səhər Livanın XİN rəhbəri Abdulla Bu Həbib CNN telekanalına müsahibəsində deyib: "Biz fasiləsiz və ölümcül hücumların müharibənin prelüdiyası olduğundan ehtiyat edirik. Bizim üçün bu, dəhşətli məqamdır. Biz müharibədən qorxuruq və onu istəmirik. Biz əvvəlkitək "Hizbullah" ilə əlaqədə olmaq istəmirik, çünki qruplaşma güclü zərbə alıb və buna görə cavab verməlidir".

Livanın rəsmi məlumatına görə, cəmi iki gündə partlayış nəticəsində 36 adam həlak olub, onlardan 34 nəfəri "Hizbullah" fəallarıdır. Səudiyyə Ərəbistanının məlumatına görə, partlayışlar nəticəsində bu şiə qruplaşmasının təxminən 500 nəfəri kor olub.

Ratsiyaları Livanda partlayan Yaponiyanın "Icom" şirkəti vəziyyəti belə şərh edib: "Bizim ixrac etdiyimiz məhsul dövlət standartlarına uyğun olaraq ciddi nəzarət prosesindən keçir. Biz bu tipli ratsiyaları və onlar üçün batareyaların satışını 10 il öncə dayandırmışıq".