"Putin öz niyyətindən heç vaxt əl çəkməyəcək"

“Qəfil dedilər ki, məktəbdə qumbara partlayıb, şagirdlər və müəllim ölüb”-Misir Mərdanov

"Bu, rusiyalıların deyil, Putinin müharibəsidir" - Yuliya Navalnaya

Qonşu dövlət yeni müharibəyə hazırlaşır? - ABŞ, Qərb ölkələri, iri güclər İsrail tərəfindən döyüşəcək

"Mənim yəhudilərlə heç bir problemim yoxdur" - Mahmud Abbas

"Rusiya Ukraynaya qarşı müharibəni hələ bir neçə il davam etdirə bilər" - "The Washington Post"

"BRICS dolları "batıra" bilməz, bu, fantaziyadır" - "Bloomberg"

“Aygün Kazımova mənə gizlin və aşkarda o qədər jestlər edib ki...”-FOTOSESSİYA

“Gürcü xalqı ağlını başına yığmış xalqdır, ermənilər kimi ağlını itirmiş satqın xalq deyil...”

"Putin öz niyyətindən heç vaxt əl çəkməyəcək" - "Foreign Policy"

Ekskluziv

Oxunub: 1884

04 Sep 2024 | 13:38

"Qərb Putinin Ukrayna planlarına təsir etmək iqtidarında deyil, o, yalnız Putinin gedişini gözləyə bilər..."

Müharibədən ötən iki il yarımdan sonra Qərbin, o cümlədən ABŞ-ın strategiyası dəyişməz qalır. Bu strategiya, bir tərəfdən, Ukraynaya dəstək göstərmək və Rusiyanı cəzalandırmaq, digər tərəfdən isə eskalasiya riskini azaltmaqdan ibarətdir.

Moderator.az xəbər verir ki, bu barədə "Foreign Policy" nəşri yazıb.

Nəşr qeyd edir ki, bu yanaşma nə qədər rasional görünsə də, Putuni fikrindən döndərə bilmək kimi yanlış gümana əsaslanır.

"Faktlar onu sübut edir ki, Ukrayna ilə bağlı Putini fikrindən döndərmək, sadəcə, mümkün deyil. Onun üçün Ukraynanın Rusiyaya təhlükə yaratmaq üçün istifadə edilə biləcək qalaya çevrilməsinin qarşısını almaq strateji zərurətdir. Bu nəticəyə nail olmaq üçün o, öz üzərinə şəxsi məsuliyyət götürüb və hesab edir ki, bunun üçün istənilən bədəli ödəməyə dəyər. Onu təslim olmağa vadar etmək cəhdləri insan həyatı və resursların, sadəcə, sərf edildiyi mənasız məşğuliyyətdir", - nəşr yazıb.

Qeyd edilir ki, Ukraynada müharibənin Qərb və Kiyev üçün məqbul olan şərtlərlə dayandırılmasının yalnız bir həyatı qabiliyyətli variantı var, bu da "Putinin getməsini gözləməkdir".

Müharibə Putinin seçimidir

Putin hərbi müdaxiləyə əmr verdikdə, bu müharibə onun seçimi olub. Rusiya üçün qonşu ölkənin ərazisinə tammiqyaslı hərbi müdaxiləni tələb edən heç bir təcili təhlükə olmayıb. Madam ki, bu müharibə Putinin seçimidir, elə o da müharibəni dayandırmaq imkanına malikdir. Müharibə Rusiya üçün ekzistensial deyil.

Rusiya qoşunlarının Ukraynadan çıxarılması Rusiya dövlətinin mövcudluğuna, böyük ehtimalla, hətta Putinin öz hakimliyinə də təhlükə törətməyəcək. O, asanlıqla Ukraynada qələbə qazandığını elan edə, öz dönüşünə haqq qazandırmaq üçün informasiya kampaniyasını işə sala bilər, nəşr yazıb.

Müharibə necə bitəcək - mümkün ssenari

Putin Ukraynada hücumunu dayandırmaq istəmədiyindən müharibə iki yolla sona yetə bilər: ya Rusiya bu kampaniyanı davam etmək imkanını itirəcək, ya da Putin daha hakimiyyətdə olmayacaq.

Birinci variant real deyil, çünki Putin öz əsgər və resurslarını döyüşə atmaqda davam edəcək və Rusiya ordusu çətin ki, çökəcək. Müharibənin bitməsinin ikinci yolu qalır, bu da Putinin Kremldən getməsidir.

"Tamamilə mümkündür ki, o, könüllü olaraq getsin və ya sıxışdırılsın. Şübhəsiz, hansısa məqamda o, öləcək. Yalnız o, hakimiyyətdə olmadıqda, Ukraynada müharibənin daimi nizamlanması üzrə işə başlamaq mümkün olacaq", - nəşr yazıb.

Buna qədər isə Vaşinqton diqqətini cəbhə xəttinin saxlanılmasında Ukraynaya yardıma və Rusiyanın yeni hərbi uğurlarının qarşısının alınmasına, həmçinin öz resurslarının qənaət edilməsinə yönəltməlidir. Bu, qənaətbəxş və siyasi cəhətdən xoşagələn yanaşma deyil, lakin "yeganə və real variantdır", nəşr qeyd edib.