“Bu halda Tramp Putini cəzalandıracaq...”

“Qəfil dedilər ki, məktəbdə qumbara partlayıb, şagirdlər və müəllim ölüb”-Misir Mərdanov

"Bu, rusiyalıların deyil, Putinin müharibəsidir" - Yuliya Navalnaya

Qonşu dövlət yeni müharibəyə hazırlaşır? - ABŞ, Qərb ölkələri, iri güclər İsrail tərəfindən döyüşəcək

"Mənim yəhudilərlə heç bir problemim yoxdur" - Mahmud Abbas

"Rusiya Ukraynaya qarşı müharibəni hələ bir neçə il davam etdirə bilər" - "The Washington Post"

"BRICS dolları "batıra" bilməz, bu, fantaziyadır" - "Bloomberg"

“Aygün Kazımova mənə gizlin və aşkarda o qədər jestlər edib ki...”-FOTOSESSİYA

“Gürcü xalqı ağlını başına yığmış xalqdır, ermənilər kimi ağlını itirmiş satqın xalq deyil...”

“Bu halda Tramp Putini cəzalandıracaq...”

Ekskluziv

Oxunub: 2074

31 Aug 2024 | 18:36

“Bu halda Tramp Putini cəzalandıracaq...”

“Ukrayna əhalisinin 85 faizi Rusiya işğalına qarşı savaşı, mübarizəni davam etdirmək və öz ərazilərini azad etmək arzusunda, əzmindədir, təslimçilik əhval-ruhiyyəsi yoxdur və insanlar bu yolda ölümə də hazırdırlar...”

“Ukrayna Müdafiə Nazirliyinin Hərbi Kəşfiyyat İdarəsinin sözçüsü Andrey Yusov da bir neçə gün öncə açıq mətnlə bildirdi ki, Krım körpüsünün vurulması ola bilər, 15 dəqiqə sonra olsun, ola bilər, bir neçə həftə sonra olsun...”

Artıq ötən 2023-cü ildən bu ilin noyabr ayında ABŞ-də keçiriləcək prezident seçkilərinin Ukrayna savaşının gedişatına həlledici təsiri olacağı, guya Donald Trampın hakimiyytə qayıdacağı halda Putinin Ukraynaya qalib olmaq şansının artacağı haqda mülahizələr səslənir. Bəs bunlar nə dərəcədə reallığa uyğundur?

Mövzu ilə bağlı Moderator.az-a açıqlamasında Ukrayna Müdafiə Nazirliyi yanında İctimai Şuranın üzvü, hərbi-siyasi ekspert, polkovnik Elxan Nuriyev bunları söyləyib:

“Bəli, belə mülahizələr çoxdur. Amma bir şeyi bildirim ki, Birləşmiş Ştatlar Ukraynaya ilk silahları Tramp administrasiyası dövründə verib. Bunlar 60 ədəd tank əleyhinə “Yavelin” qumbaraatanlarından ibarət olub. Bu mənada ciddi təşviş keçirmirik. İkincisi, elə Trampın hər gün təqdim edilən görüntülərindən bəlli olur ki, onun seşkiləri udmaq şansı qalmayıb. Üçüncüsü də, son dövrdə Trampın Ukrayna Prezidenti ilə bir neçə dəfə danışığı olub. Və onlardan ikisi haqda məlumat verən Zelenski çox optimist formada bildirdi ki, Trampın özünün Ukrayna məsələsinin həlli üçün xüsusi resepti var. O, Rusiya tərəfə öncədən məlum olan, lakin qəbul edə bilməyəcəyi təkliflər verəcək və həmin təklifləri qəbul edə bilməyən Putin Tramp tərəfindən cəzalandırılacaq. ABŞ-nin eks-prezidenti Ukrayna dövlət başçısına bu variantın təfərrüatını müəyyən qədər açıqlayıb. Deyib ki, məsələn, mən Ukraynaya Rusiyaya qarşı savaş üçün 500 milyardlıq vəsait ayıracam, Moskvanı, Putini də yerində otuzdurmaq mənlikdir. İki dəfə təxminən belə bir söhbət olub...

Və sözsüz ki, bu gün Ukrayna savaşı ABŞ-dəki seçkiqabağı proseslərin xətlərindən biridir. Ona görə də Demokratlar Partiyası öz qurultaylarında Ukraynanın dəstəklənməsi, azadlığının və demokratiyasının qorunması məsələsini ayrıca bənd kimi öz proqramlarına əlavə ediblər. Odur ki, Tramp da Amerika cəmiyyətinin azı 57 faizinin Ukraynanı dəstəklədiyi halda bu və ya başqa formada Kiyevin yanında olmağa məcburdur. Təbii ki, Tramp şoumendir və bu səbəbdən ABŞ-nin rusdilli və Rusiya əsilli vətəndaşlarının səslərini qazanmaq üşün müəyyən mənada oyunbazlıq edir. Bütün bunlarla belə, Ukrayna tərəfi ABŞ-də kimin hakimiyyətə gəlməsindən asılı olmayaraq öz işini görür, görməkdədir və Ukrayna-ABŞ münasibətləri onillik müqavilələrlə bərkidilib. Ona görə də hətta Tramp hakimiyyətə qayıtsa belə, proseslər öz axarıyla gedəcək. Təbii ki, Amerika prezident ölkəsidir və Tramp istəsə, Ukraynanın azadlıq mübarizəsinə müəyyən mənada zərərlər yetirə bilər. Lakin o, böyük mənada nəyisə dəyişmək gücündə ola bilməz. Çünki Ukrayna xalqı, ictimaiyyəti mübarizə, döyüş əzmindədir. Və bu günlərdə Kiyevdə Şevçenko adına Universitetin sosiologiya kafedrasının professor və müəllimlərindən ibarət tanınmış və etibarlı sosioloji mərkəzin keçirdiyi sorğularına əsasən Ukrayna əhalisinin 85 faizi Rusiya işğalına qarşı savaşı, mübarizəni davam etdirmək və öz ərazilərini azad etmək arzusunda, əzmindədir. Bu mənada cəmiyyətdə fikir ayrılığı yoxdur. Yəni təslimçilik əhval-ruhiyyəsi yoxdur və insanlar bu yolda ölümə də hazırdırlar”.

“Son vaxtlar Ukrayna Silahlı Qüvvələrinin Kursk ərazilərini nəzarətdə saxlamaqla yanaşı, ABŞ-dəki prezident seçkilərinədək daha bir üstünlük qazanmaq üçün Krım körpüsünü də vurub sıradan çıxaracağı haqda versiyalar səslənir. Sizcə, Ukrayna hərbi-siyasi komandanlığının doğrudan da belə bir planı varmı?” sualını isə Elxan Nuriyev belə cavablandırıb:

“Təbii ki, belə səylər olacaq... Ukrayna Müdafiə Nazirliyinin Hərbi Kəşfiyyat İdarəsinin sözçüsü, yaxından tanıdığımız dostumuz Andrey Yusov da bir neçə gün öncə, konkret olaraq 24 avqust- Ukraynanın Müstəqillik Günündə açıq mətnlə bildirdi ki, Krım körpüsünün vurulması ola bilər, 15 dəqiqə sonra olsun, ola bilər, bir neçə həftə sonra olsun, amma artıq bununla bağlı ali hərbi-siyasi komandanlığının siyasi qərarı var. Və ümumiyyətlə, Krımın azad edilməsi Ukraynanın gündəliyindədir. O cümlədən sözügedən körpünün məhv edilməsi də planımızda var. Krım körpüsü, yəqin ki, məlumatınız var, bəzən böyük fasilələrlə işlənir. Son vaxtlar Ukrayna ordusunun ərazidə apardığı əməliyyatlar nəticəsində mütəmadi olaraq orada hərəkət dayandırılır. Bundan əlavə, artıq Ukraynanın zərbələri nəticəsində Kerçdə 3 bərə də sıradan çıxarılıb. Onlardan biri tamamilə yanıb. Nəticədə Krımda yanacaq problemi yaranıb”.

Elxan Nuriyev Krım regionu barədə əlavə məlumatlar da çatdırıb.

“Ümumiyyətlə, Krım yarımadası özünün çox məhdud təbii və texnoloji resursları olan bir regiondur. Nə içməli suyu, nə elektrik enerjisi istehsal edən müəssisəsi, nə də hansısa faydalı qazıntıları var. Sözsüz ki, Krımın cənub – Qara dəniz sahilləri ən yaxşı kurort zonasıdır. Amma yarımadanın ən azı 70 faizi yovşanlıq və şoran torpaqlardır. Yəni Krım bu mənada özünü təmin edə bilməyən bir regiondur. Ona görə də 1954-cü ildə Kreml məcburiyyət qarşısında 29 min kv.km ərazini Ukraynaya verməklə əvəzində hazırda Kursk, Bryansk, Belqorod, Voronej vilayətləri və Krasnodar diyarlarına aid olan ərazilərdən 35 min kv.km-lik məhsuldar torpaqları Rusiyaya verib. Və bu da əsas səbəblərdən biridir ki, II Dünya savaşında ən güclü partizan hərəkatının olduğu ərazilərdən olan Kursk vilayətinə hücum zamanı bir nəfər də olsun, yerli sakin Ukrayna Silahlı Qüvvələrinə müqavimət göstərmir. Və ümumiyyətlə, yerli əhali Ukrayna hərbçiləriylə çox yaxşı dil tapır, eyni dildə danışırlar, çox mehribandırlar. Hətta Kursk sakinlərindən bəzilərinin Ukrayna hərbçilərinin avtomobilləri ilə Sumı şəhərinə müayinə və müalicə olunmaq üçün gedib-gəldiklərini də bildirirlər. Bununla bağlı onların Rusiya tərəfinə müraciətləri də var ki, Ukrayna əsgərləri bizimlə yaxşı davranırlar, bu barədə heç bir problemimiz yoxdur”- deyə hərbi-siyasi ekspert vurğulayıb.