"Ukraynada 800 min kişi orduya çağırışdan yayınmağa cəhd edir"

“Valideynlik hüququndan məhrum edilə bilər”- əlilliyi olan şəxs aliment ödəməlidir?-AÇIQLAMA

“Həmin sürücülük vəsiqəsini 1 ay istifadə edə bilərlər”-ARAŞDIRMA+FOTO

"Lukaşenko iki ağadan asılı olan nökərdir" - Leonid Kuçma

"Hizbullah" sınmayıb və İsrailə qarşı mübarizəsini davam etdirəcək" - Naim Qasım

"Belaruslar bizdən daha fəal mübarizə aparıb" - Saakaşvili

"Putin hətta Şimali Koreyanın köməyi ilə də müharibədə qalib gələ bilməyəcək" - Pentaqon rəhbəri

ABŞ prezidenti seçkilərinə 5 gün qalıb: kim irəlidədir? - İctimai rəy sorğusunun nəticələri

Ermənistanla Türkiyə arasında hansı konkret razılaşmalar var?..-Erməni nazir açıqladı...

"Ukraynada 800 min kişi orduya çağırışdan yayınmağa cəhd edir" - "Financial Times"

Dünya

Oxunub: 1595

05 Aug 2024 | 23:03

"Ukraynada səfərbərlik davam edir, sentyabrın sonuna iqtisadiyyatda vəziyyət kritik nöqtəyə çata bilər..."

Tammiqyaslı müharibə başlanandan şirkətlər çağırış və ya mühacirət səbəbindən orta hesabla özünün 10-20 faiz işçi qüvvəsini itirib. Bu il rusiyalıların yeni hücumu daha çox insanı ölkəni tərk etməyə vadar edir.

Moderator.az xəbər verir ki, bu barədə Ukrayna parlamentinin iqtisadi məsələlər üzrə komitə rəhbəri Dmitri Nataluxa bəyan edib. Məlumatı "Financial Times" nəşri yayıb.

Nəşr qeyd edib ki, Ukraynada resurslar qıtlığından getdikcə daha çox müəssisə bağlanacaq. Bu, iqtisadiyyata neqativ təsir göstərir. Sentyabrın sonuna vəziyyətin kritik nöqtəyə çata biləcəyi gözlənilir.

"Siz bir milyon insanı səfərbər edə bilərsiniz, lakin sizin onları silahlandırmaq üçün resurslarınız yoxdur və bunun mənası yoxdur", - deputat vurğulayıb.

Eyni zamanda, iqtisadi təxsisetmə yerlərdə 895 min adamı saxlamağa imkan verəcək və hərbçilərə təxminən 200 milyon qriven (təxminən 4 milyon 859 min dollar-red.) gətirəcək.

"Bu pullar Viktor Orbanın hansı ovqatda yuxudan oyanmasından və ya ABŞ-ın növbəti prezidentinin kim olmasından asılı deyil", - Nataluxa izah edib, bu zaman Macarıstan baş nazirinin ucbatından Avropa İttifaqının yardımının dəfələrlə lənğiməsinə eyham vurub.

Lakin belə təklif cəbhədə əsgər qıtlığından çoxsaylı mübahisələr və tənqid doğurur. Eyni zamanda, maliyyəyə əsaslanan çağırış sistemi ədalətsiz görünür.

Nataluxanın sözlərinə görə, 800 min kişi ünvanlarını dəyişərək və nağd ödəniş işinə düzələrək, bu yolla ordudan yayınmaq üçün "gizlənir". Bu, ona gətirib çıxarır ki, Ərazi Komplektləşmə Mərkəzinin əməkdaşları tez-tez işçilərin fiziki olaraq mövcud olduğu şirkətlərə hədəflənir.

"İnsanlara izah etmək lazımdır ki, müharibə və iqtisadi böhran şəraitində çətin, qeyri-populyar qərarlar qəbul etmək olmaz", - bunu "Monobank"-ın həmtəsisçisi və baş direktoru Oleq Qoroxovski vurğulayıb.

O, qeyd edib ki, Rusiyanın törətdiyi və təcavüzkarın resurslarının Ukraynanın resurslarını üstələdiyi tükəndirmə müharibəsi şəraitində "söhbət ədalətdən deyil, səmərəlilikdən gedir".

Biznesmenin izah etdiyi kimi, bankda və ya online-marketplace-də işləyən yüksək peşəkar proqramçı ön cəbhəyə göndərilməsinə nisbətən Ukraynanın arxa cəbhəsində daha faydalı olacaq.

Nataluxa əlavə edib ki, siz "müharibəni, sadəcə, ədalətlə uda bilməzsiniz. Müharibə özü-özlüyündə ədalətsizdir".

İqtisadi təxsisetmə (bronlama)

Bundan öncə Nataluxa bəyan edib ki, Ukraynada kölgə təxsisetmənin həcmi ildə 700 milyon dollardan 2 milyard dollaradək təşkil edir.

Xalq deputatının deməsinə görə, layihələrdən biri həyata keçirilərsə, o zaman dövlət xəzinəsinə 5 milyard dollar cəlb ediləcək, bu da orduya əlavə 40 faiz büdcə deməkdir.

İqtisadiyyat Nazirliyinin məlumatına görə, Ukraynada hərbi ehtiyacların ödənilməsi üçün səfərbərlikdən 1, 2 milyon insanı təxsis etmək mümkündür.