Moderator.az xəbər verir ki, bu barədə Polşanın "Onet.pl" nəşri yazıb.

 

Kelts Universitetinin Beynəlxalq Münasibətlər və Açıq Siyasət İnstitutunun direktor müavini, "Dziennik Gazeta" nəşrinin publisisti, politoloq Sokalanın sözlərinə görə, bu, getdikcə Donald Trampın ABŞ prezident seçkilərində qələbə şanslarının daha çox olması ilə bağlıdır.

 

"Danışıqlar masası arxasında cəbhədə irəliləyiş və kimin bu yaxınlarda bir-iki hektar torpaq əldə etdiyi həlledici əhəmiyyətə malik deyil. Burada əsas rol oynayan resurslar və uzun müddət döyüş əməliyyatlarını aparmaq qabiliyyətidir", - doktor Vitold Sokala deyib.

 

Ekspert Zelenskinin Putinlə danışıqların mümkünlüyü barədə fikrini şərh edir və deyir ki, buna Ukrayna və NATO müttəfiqləri heç bir halda razı olmamalıdır.

 

Ukrayna Rusiya ilə, hətta Vladimir Putinlə hərbi münaqişənin dayandırılması barədə danışıqlara hazırdır, bunu Zelenski BBC-yə müsahibəsində bəyan edib.

 

Bu, onun mövqeyinin əsaslı şəkildə dəyişməsi deməkdir, çünki Ukrayna vilayətlərinin Rusiyaya birləşdirilməsindən sonra Zelenski Putinlə danışıqları istisna edən fərman imzalayıb.

 

Belə dəyişiklik haradan qaynaqlanır? "Zelenskinin tonunun dəyişməsinin müxtəlif səbəblərinin olacağı təqdirdə belə, mənə elə gəlir ki, onlardan ən vacibi Donald Trampın Birləşmiş Ştatların növbəti prezidenti olmaq ehtimalının yüksəlməsidir", - doktor Vitold Sokala deyib. 

 

Ekspert hesab edir ki, Trampa sui-qəsddən və "Co Baydenlə bağlı bütün qarışıqlıqdan" sonra Trampın qələbə şansları xeyli artıb.

 

Doktor qeyd edir ki, o, hakimiyyətə gəldikdən sonra Ukrayna münaqişəsinin sülh yolu ilə həllinə təkid edəcək. 

 

"Ukraynalılar bu gerçəkliklərlə hesablaşmalıdır. Zelenskinin tonunun dəyişməsi bəzi xoşagəlməz və qaçılmaz nəsnələri önləməlidir", - o, deyib.

 

Tramp bəyan edib ki, o, "Ukraynada münaqişəyə son qoyacaq". Heç kimə sirr deyil ki, ABŞ prezidentliyi namizəd Rusiyanın tələblərinin icrasının mümkünlüyünü nəzərdən keçirir, bu isə praktikada Ukraynanın Rusiya tərəfindən zəbt etdiyi ərazilərin itirməsi deməkdir. Belə ssenaridə Ukrayna hərbi potensialını artıra bilər, lakin NATO-ya daxil olmağa iddia edə bilməz.

 

"Ukrayna belə şərtlərlə razılaşmamalıdır. Bunu NATO üzrə digər müttəfiqlər də qəbul etməməlidir", - ekspert şərh edib.

 

 

Doktor Sokala şübhə etmir ki, Rusiyanın şərtlətinə əməl edilməsi "Putini ruhlandıracaq". 

 

"Biz özümüzə yeni problem yaradacağıq. Hətta bu şərtlərin icrası Putini qane etməyəcək, o, zəifləmiş Ukraynaya və mümkündür ki, gələcəkdə zəifləyəcək NATO ölkələrinə qarşı yeni əməliyyat hazırlayacaq. Belə siyasətlə biz Rusiyanı şirnikləndirəcəyik", - o, hesab edir.

 

Lakin icmalçı Rusiya ilə danışıqlar aparılması imkanını da görür. "Çox da uzağa getməyən hansısa güzəştlərə yol verilə bilər. Çünki siyasət güzəştlər sənətidir", - o, vurğulayıb.

 

"Digər tərəfdən, mən siyasətçilərin seçkiöncəki kampaniyalar zamanı nə dediklərinə əhəmiyyət verməzdim. Çünki onlar Putinə, ekspertlərə deyil, nəsə rəngarəng və konkret təklifə bənzər fikirlər eşitmək istəyən seçiciyə müraciət edir. 

 

Belə kampaniyanın öz qaydaları var və bu zaman hər cür axmaq fikirlər səsləndirilə bilər, - o, qeyd edib. - Mən ümid edirəm ki, belə "sülh təklifləri" respublikaçıların gerçək planı deyil, sadəcə,  seçkiöncəki cəfəngiyyatdır".

 

Əgər Trampın təzyiqi ilə Ukrayna ilə danışıqlar həqiqətən başlayarsa, Rusiya daha güclü mövqedə olacaqmı?

 

"Biz Rusiya iqtisadiyyatının gerçək vəziyyətini və rusiyalıların hansı hərbi ehtiyatlara hələ də malik olduğunu bilmirik. Danışıqlar masası arxasında cəbhədə irəliləyiş və kiminsə bir-iki hektar torpağı zəbt etməsi həlledici əhəmiyyət kəsb etmir. Burada resurslar və uzun müddət döyüş əməliyyatları aparmaq qabiliyyəti rol oynayır. 

 

Mən hesab edirəm ki, Qərbin burada imkanları daha çoxdur, o, Ukraynanı döyüşdə istənilən müddətə saxlamağa qadirdir. Məsələ bunu onun istəməsi və siyasi iradəsinin olmasındadır".

 

Doktor Sokala daha bir məqama diqqət çəkir: "Teamp Putinyönümlü deyil. Bu, KİV-lərin bəsit fikri və ya vəziyyəti kəskinləşdirməyə can atan əks siyasi düşərgənin təbliğat kampaniyasıdır. Tramp elə Trampyönümlüdür. O, özü üçün bütün sərfəli olanları edəcək".