Sağlam adamların gündə 20-30 qram tünd şokolad istifadə etməsi məsləhətdir.

 

Moderator.az xəbər verir ki, bu barədə Türkiyənin "Cumhuriyet" nəşri yazıb.

 

Şokolad sağlamlıq üçün faydalıdır, lakin həddən artıq istifadə ediləndə həm də zərər vura bilər.

 

Qidalanma və pəhriz üzrə mütəxəssis Həmzə Çakaloğlu şokoladın faydasından və hansı növlərə üstünlük verilməsindən danışıb. 

 

Ekspert deyir ki, tərkibində yüksək miqdarda kakao olan keyfiyyətli şokoladı seçmək lazımdır.

Çakaloğlu izah edir ki, burada ehtiyatlı olmaq gərəkdir. Tərkibində yüksək miqdarda kakao olan (ən azı 60 faiz) şokolad həm dadlı, həm də sağlamlıq üçün faydalıdır.

 

Nəzərə alsaq ki, 20 qram tünd şokoladda təxminən 100 kilokalori var, qanda şəkərin yaxşı balansı üçün bu məhsuldan süd və ya badam kimi zülal mənbələri ilə istifadə etmək gərəkdir. Əgər şokoladdan mülayim miqdarda istifadə edilərsə, bu, sağlamlığınızı qoruyacaq və sizə zövq verəcək".

 

 

Tünd şokoladən üstünlüklərindən danışarkən diyetoloq qeyd edib: "Tünd şokolad xüsusilə antioksidantlarla zəngindir. Bu mövzuda tədqiqatlar həqiqətən maraqlı nəticələr əldə edib.

 

Tünd şokoladın antioksidant qabiliyyəti antioksidantlar və flavanoidlərin yüksək miqdarı hesabına yüksələ bilər. Antioksidantlar orqanizmi sərbəst radikalların törətdiyi zədələnmələrdən qorumaq qabiliyyətinə malikdir, bu da bütövlükdə sağlamlıq üçün mühüm müdafiədir.

 

Bundan başqa, tünd şokolad zəngin maqnezium mənbəyidir, bunun kifayət qədər əldə edilməsi əzələ qıcolmaları, yorğunluq, depressiya, əsəbilik kimi halları yüngülləşdirə bilər. 

 

Buna əlavə olaraq bəzi tədqiqatlar göstərir ki, tünd şokolad streslə bağlı əhval-ruhiyyənin dəyişilməsinin qarşısının almağa kömək edir. Stresin qarşısının alınmasına kömək edən belə təsir sağlamlığın ümumi vəziyyətinə müsbət təsir edə bilər".

 

 

Tünd şokoladın hormonların səviyyəsinə təsiri ilə bağlı tədqiqatlar diqqət çəkir, Çakaloğlu qeyd edir.

"Belə güman edilir ki, kakao bel ətrafında piylə bağlı hormonların miqdarının yüksəlməsinin qarşısının alınmasında müsbət rol oynayır. 

 

Nəhayət, tünd şokoladın komponentləri ilk növbədə serotonin ifrazının artması hesabına  xoşbəxtlik hissinə kömək edir.

 

Bu məhsul eyni zamanda arterial təzyiqi azalmaq qabiliyyətinə malikdir, bu da ürək-damar sisteminə müsbət təsir göstərir. Belə təsir şokoladın tərkibində olan flavanoidlər və antioksidantların faydalı xüsusiyyətləri ilə bağlıdır. 

 

Lakin bu xassələrdən istifadə etmək üçün tünd şokoladdan düzgün miqdarda və lazımi keyfiyyətdə istifadə etmək vacibdir. Bu məhsul ondan balanslı və lazımi həddə istifadə edildikdə sağlamlıq üçün faydalı ola bilər", - o, əlavə edib.

 

 

Çakaloğlu qeyd edib: "Digər tərəfdən, şokolad təkcə xoş dad bəxş etmir, eyni zamanda həm də sağlamlıq üçün mənfi nəticələr törədə bilər və bunu nəzərə almaq lazımdır. Xüsusilə ürəklə, qanda şəkərin və ya xolesterinin miqdarı ilə bağlı problemləri olanlar diyetoloqun tövsiyələrinə əməl etməlidir. 

 

Şokoladdan həddən artıq istifadə edilməsi asılılıq və qeyri-sağlam qidalanma vərdişləri yarada bilər. Şokoladın tərkibi (yağların və kakaonun nisbətləri) onun təsirini müəyyən edir, ona görə də seçim zamanı ehtiyatlı olmaq gərəkdir. 

 

Həmçinin sağlamlığı qorumağa və eyni zamanda xoşbəxtlik hissini təmin etməyə imkan verən sağlam alternativləri nəzərdən keçirmək lazımdır".

 

 

Ekspert şokoladı alan zaman bunları nəzərə almağı zəruri hesab edir: "Tünd şokoladı son dərəcə düzgün seçmək lazımdır. O cümlədən "'Consumer Reports"-un hesabatında xarırlandığı kimi, məhsulun tərkibində kadmium və qurğuşun kimi ağır metalların mümkün yüksək miqdarı istehlakçılarda narahatlıq doğurur.

 

Bu metalların davamlı və müntəzəm təsiri insan sağlamlığı üçün ciddi risklər törədə bilər. Qida məhsullarının təhlükəsizliyini yadda saxlamaq, etiketləri düzgün oxumaq və etibarlı istehsalçıları seçmək lazımdır". 

 

 

Diyetoloq vurğulayıb: "Hamı bununla bağlı ehtiyatlı olmalıdır. Bu, xüsusilə şəkərli diabet, piylənmə və ya ürək xəstəlikləri olanlara aiddir, onlar şokoladdan istifadəni məhdudlaşdırmalı və diyetoloqun tövsiyələrinə əməl etməlidir. 

 

Bütövlükdə, sağlam adamlar üçün gündə 20-30 qram tünd şokolad yemək məsləhətdir. Həddən artıq miqdarda istifadə etdikdə çəki artar, qanda şəkərin miqdarı yüksələr, asılılıq kimi yan təsirlər meydana çıxar".

 

 

Ekspert deyib ki, "flavanoidlər baş beyinə qan axınını gücləndirməklə onun funksiyalarına dəstək verə bilər. Bu maddələr hər şeydən öncə antioksidant xassələrinə görə beyin hüceyrələrini sərbəst radikallardan qoruya bilər.

 

Şokoladın digər komponentləri qan damarlarını genişləndirir, bu da öz növbəsində qan axınını gücləndirir, deməli, baş beyinə və bütün bədənə oksigen və qida maddələrinin daha səmərəli daşınmasına kömək edə bilər.

 

Tünd şokoladdan müntəzəm və mülayim istifadə edilməsi arterial təzyiqi aşağı salır. Bu da ürəyin sağlamlığına xeyli fayda verir.

 

Lakin təkrar edək ki, tünd şokoladdan düzgün miqdarda və lazımi keyfiyyətdə istifadə edilməsi vacibdir. Şokoladın balanslı qida proqramına daxil edilməsi  ölçü hissini gözləməklə sağlamlığa müsbət təsir göstərə bilər".