Kəlbəcər təbiətinin qorunması işi aktuallaşır

“Aygün Kazımova mənə gizlin və aşkarda o qədər jestlər edib ki...”-FOTOSESSİYA

“Gürcü xalqı ağlını başına yığmış xalqdır, ermənilər kimi ağlını itirmiş satqın xalq deyil...”

Xocalıya getmək istəyənlərin NƏZƏRİNƏ

"Ölümsüzlük bitkisi": Əzvay təbii sağlamlıq eliksiridir...

"Netanyahu hərbi cinayətkar və sionizmin övladıdır" -"Compact"

"Ukrayna Avropada Şimali Koreyaya qarşı vuruşmalı olacaq" - Zelenski

Ermənistanın Bərdənin Qarayusifli kəndində törətdiyi terror aktından 4 il ötür

İsrail aviasiyası bu gecə İranda nələri hədəfə alıb? - "The New York Times"

Kəlbəcər təbiətinin qorunması işi aktuallaşır

Oxunub: 1597

10 Jul 2024 | 17:38

Kəlbəcər təbiətinin qorunması işi aktuallaşır

Azərbaycanın ərazicə ən böyük rayonu olan Kəlbəcər həm də təbiətinin zənginliyinə, flora və faunasının müxtəlifliyinə, təbii sərvətlərinə görə seçilən strateji rayondur. 2020-ci il noyabrın 25-də Ermənistanın işğalından azad edildikdən sonra keçən 4 ilə yaxın müddətdə Kəlbəcər rayonunun yenidən inşası istiqamətində mühüm işlər başlayıb və hazırda davam edir. Artıq dördüncü yay mövsmüdür kəlbəcərlilər öz doğma yurdlarına öz arıçılıq və heyvandarlıq təsərrüffatlarını aparırlar. Eləcə də insanlar 30 ilə yaxın işğalda qalmış dağıdılımış evlərinin, kəndlərinin ziyarətinə gedib-gəlirlər. Kəlbəcərə bu il 1-ci qayıdışı proqramına uyğun olaraq əhalinin köçürülməsinə də start verilməsi planlaşdırılıb. Bu füsunkar rayonun bərpası, yenidən qurulması qarşıya qoyulan əsas hədəflərdəndir. Lakin əhalinin qayıdışı, təsərrüffatların yay mövsümündə Kəlbəcər yaylaqlarına, kəndlərinə köç etmələri Kəlbəcər təbiətinin, ekologiyasının qorunmasını da aktual məsələ kimi gündəmə gətirir.

Bu vacib əhəmiyyət daşıyan işdə dövlətimizə dəstək olmaq üçün “Başlıbelin İnkişafına Dəstək” İctimai Birliyi “Təbiətin qorunması üçün icmalarla iş” layihəsini həyata keçirir.

Birliyin sədri və layihə rəhbəri Vüqar Həşimov bu barədə Moderator.az-a deyib ki, 2020-ci ildə tarixi qələbədən sonra Kəlbəcər rayonunun yeni inkişaf dövrü başlayıb. Azərbaycan Respublikasının Prezidenti cənab İlham Əliyevin rəhbərliyi ilə bütün işğaldan azad olunmuş ərazilərdə, o cümlədən Kəlbəcər rayonunda genişmiqyaslı tikinti-quruculuq işlərinə start verilib. Artıq müxtəlif sahələri əhatə edən infrastruktur layihələrinin icrası sürətlə davam edir. Kəlbəcər bundan sonra çiçəklənməkdə davam edəcək. Doğma diyarın inkişafı, gələcəyi üçün onun təbiətinin, təbii sərvətlərinin qorunması hər bir sakinin vətəndaşlıq borcudur. “Başlıbelin İnkişafına Dəstək” İctimai Birliyi də öz sosial məsuliyyətini dərk edərək Kəlbəcər təbiətinin qorunması işinə öz töhfəsini əhali arasında maaraifləndirmə işləri aparmaqla verməyi qarşısna məqsəd qoyub. Bunun üçün də Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Təbiətin qorunması üçün icmalarla iş” layihəsini həyata keçirir. İcrası davam edən layihə Bərdə, Gəncə və Mingəçevir şəhərlərində məskunlaşmış Kəlbəcər sakinlərini əhatə edir.

Üç ay müddətində icra olunacaq layihənin əsas məqsədi Kəlbəcərdə fəaliyyət göstərən arıçılıq və fermer təsərrüffatlarının rəhbərləri, işçiləri, həmçinin rayona ziyarətə gedən sakinlərə təbiətin, ətraf mühitin qorunmasının zəruriliyi barədə, flora və faunaya, ətraf mühitə zərər vurmağın qanunvericilikdə hansı cəzaları nəzərdə tutduğu barədə maarifləndirməkdir.

V.Həşimov qeyd edib ki, inkişafa nail olmağın yollarından biri maariflənmək, bilgi əldə etməkdir. Birliyin fəaliyyət istiqamətlərindən biri də əhalinin maarifləndirilməsidir. 2022 - 2023-cü illərdə təşkilata Kəlbəcər rayonu ərazisində flora və faunaya, ətraf mühitə ziyan vurulması hallarına yol verildiyi haqqında müraciətlər olub. Bu səbəbdən rayonda müvəqqəti və daimi işləyən, təsərrüfat fəaliyyəti göstərən fermerler və ziyarətə gedən şəxslər arasında maarifləndirmə işlərinin həyata keçirilməsinə ehtiyac yaranıb. İcrasına başlanan Layihənin əsas məqsədi işğaldan azad edilən Kəlbəcər rayon sakinlərinin, eləcə də Başlıbel kənd sakinlərinin maarifləndirilməsi ilə həmin rayonun zəngin flora və faunasının mühafizəsi, bütövlükdə təbiətinin, ekologiyanın qorunmasına dəstək verməkdir. Bu layihə həmçinin Prezident İlham Əlliyevin 2024-cü ili “Yaşıl dünya naminə həmrəylik ili” elan etməsinə, ölkəmizdə noyabr ayında keçiriləcək COP29 beynəlxalq tədbirinə töhfədir.

Layihə rəhbəri qeyd edib ki, hədəf qrupu kimi seçilən şəxslər ilin müəyyən dövrlərində xüsusi icazə əsasında həmin ərazilərə gedib-gəlir, orada işləyir, təsərrüffatla məşğul olur, 30 ildir ayrı düşdükləri yurdlarını ziyarət edirlər. İşğaldan azad olunan ərazilərdə təbiətə zərər vurulması, ərazidə əhalinin məskunlaşmaması səbəbindən qanunsuz ov etmə, elektrik və ya qadağan olunan başqa üsullarla balıq ovlama halları barədə həm mediada, həm də rəsmi orqanlar tərəfindən məlumat yayılır. Bu halların qarşısının alınması isə təkcə inzibati tədbirlər görməklə mümkün deyil. Layihənin icrası çərçivəsində işğaldan azad olunan ərazilərdə flora və fauna, ətraf mühitin mühafizəsinin vacibliyi, ekoloji cinayətlərin yaratdığı məsuliyyət barədə təbliğat həyata keçirilir.

Qeyd: “Başlıbelin İnkişafına Dəstək” İctimai Birliyinin Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Təbiətin qorunması üçün icmalarla iş” layihəsi çərçivəsində hazırlanıb. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər.