Cəbhənin sahələrinin birində vəziyyət ukraynalıların xeyrinə dəyişməyə başlayacaq.

 

Moderator.az xəbər verir ki, bu barədə kimyəvi, bioloji, radioloji və nüvə təhlükələrinə tez reaksiya üzrə NATO qüvvələrinin sabiq komandanı hesab edir. Məlumatı "24tv.ua" nəşri yayıb.

 

Rusiyanın Ukraynaya qarşı tammiqyaslı müharibəsi davam edir və Ukrayna qüvvələri bir sıra Qərb dövlətlərindən Rusiyanın bəzi ərazisinə zərbələr endirməyə icazə aldıqdan sonra ciddi uğurlara nail olub.

 

O cümlədən düşmənin ən müasir və bahalı Su-57 qırıcı təyyarəsini və Belqorod vilayətində komanda məntəqəsini, habelə döyüş sursatları anbarını məhv edib.

 

Britaniyanın istefada olan polkovniki, kimyəvi, bioloji, radioloji və nüvə təhlükələrinə tez reaksiya üzrə NATO qüvvələrinin sabiq komandanı Qemiş de Bretton-Qordon bunları deyib:

 

"Əgər Rusiya öz qiymətli hərbi aktivlərini müdafiə edə bilmirsə, bu, onu göstərir ki, hazırda onun hava hücumundan müdafiə imkanları tükənir və vəziyyət onlar üçün yalnız pisləşəcəkdir".  Bu barədə onun "The Guardian" nəşrində dərc edilən məqaləsində deyilir. 

 

"Kiyev həddən artıq uzun müddət bərabər olmayan döyüş aparıb, bu da onu pis vəziyyətə salıb, Rusiyanın öz qoşunlarını öz sərhəddində toplamasına və onları məhv etmək imkanına malik olmadığını müşahidə edib. İndi bu, dəyişib, düşünürəm ki, Xarkov cəbhəsində vəziyyət Kiyevin xeyrinə dəyişəcək", - zabit hesab edir.

 

 

Ukrayna Müdafiə Nazirliyi Baş Kəşfiyyat İdarəsi məlumat verib ki, iyunun 8-də Rusiyanın Astraxan vilayətində "Aktyubinsk" hava limanında (cəbhə xəttindən 580 km-dən aralıda) Su-57 təyyarəsi məhv edilib.

 

Sonradab Baş Kəşfiyyat İdarəsi əlavə edib ki, ilkin məlumatlara görə, iki belə təyyarə məhv edilə bilərdi və Rusiya şəxsi heyətdə itkilərə məruz qalıb.

 

Aviaisiya eksperti Konstantin Krivopal məlumat verib ki, Rusiyanın təxminən 20 belə Su-57" təyyarəsi var, yeni belə təyyarələri isə sanksiyalar ucbatından istehsal etmək mümkün deyil.

 

İyunun 9-da bəlli olub ki, Belqorod vilayətində partlayışlar baş verib, o cümlədən düşmənin döyüş sursatı anbarı məhv edilib.

 

Krivolapın fikrincə, Rusiya ərazisinə zərbə Ukraynanın Su-24 qırıcı təyyarəsi ilə Ukraynanın hava məkanından endirilə bilərdi.

 

Xatırladaq ki, iyunun əvvəlində bəlli olub ki, Böyük Britaniya öz silahından Rusiya ərazisinə zərbələr endirmək üçün ukraynalı döyüşçülərə icazə verib. 

 

Bundan başqa, ABŞ ukraynalı döyüşçülərə sərhəd zonasında olan Rusiya qüvvələrinə cavab atəşi açmağa "yaşıl işıq" yandırıb.

 

Bu qərarlar rusiyalılar mayın əvvəlində fəal şəkildə Xarkov vilayətinə hücumlar etməyə başlayandan və bir neçə sərhəd məntəqələrini ələ keçirməyə müvəffəq olandan sonra qəbul edilib. Ukrayna Müdafiə Qüvvələri artıq vəziyyəti sabitləşdirib.

 

Düşmən həmçinin öz ərazisindən müxtəlif silahlardan Xarkov vilayətinə zərbələr endirib. Ukraynalılar cavab atəşi açmağa icazə aldıqdan sonra düşmən bir qədər sakitləşib.