Bunu Moderator.az-a açıqlamasında əməkdar artist, Akademik Milli Dram Teatrının aparıcı aktrisası Sənubər İsgəndərli deyib. Sevilən aktrisa “Bəlli bir imiciniz var. Hər bir xanım üçün gözəllik etalonu olmusunuz. Bunun xüsusi bir düsturu varmı?” sualına isə sənətkar belə cavab verib.

 

 

“İnanın ki, bunun heç bir düsturu yoxdur. Bunun sənətlə də heç bir bağlılığı yoxdur. Mən bu sənətdə olmasaydım belə bu cür olacaqdım. Özümə qoyduğum hansısa qadağalarım var. Məsələn, artıq kilo olmasın, o olmasın, bu olmasın. Sonra düşünürəm ki, mən sənətdə olmasaydım da bunlara diqqət edəcəkdim. Bu mənim içimdən gələn bir şeydir. Düzdür, sənət, səhnə gözəllik, gənclik sevir. Çalışıram ki, xarici görünüşdə yox, dünyaya baxışda da, hansısa fikirdə də gənclərlə ayaqlaşım. Çünki onların nə istədiyini bilmək lazımdır. Onlara yaxın olmaq lazımdır, gənclər bizim sabahımızdır. Bunun üçün xüsusi bir şey lazım deyil, sadəcə olaraq istək və sənəti, özünü sevmək lazımdır. Özünə hörmət etmək lazımdır. Özünə hörmət etməsən sənə kim hörmət edər? Özünü sevməsən səni kim sevər?! İndi elə bir zəmanədir ki, hər kəs öz dərdindədir. Hamının problemi var, başları qarışıqdır. Zaman qaçır dayanmır, biz də onun arxasınca qaçırıq. Ona görə də istər-istəməz çalışıram ki, az da olsa zamnala ayaqlaşım”, - deyə sənətkar bildirib.