BMT-nin Fələstin ərazilərində insan haqları üzrə xüsusi məruzəçisi Françeska Albaneze İsrailə qarşı total sanksiyalar tətbiq etməyə çağırış edib.

 

Moderator.az xəbər verir ki, bu barədə "bbc.com" nəşri məlumat yayıb.

 

Beynəlxalq hüquq sahəsində italiyalı mütəxəssis Albaneze "X" sosial şəbəkəsində dərc etdiyi kəskin postunda İsrailin HƏMAS təşkilatına qarşı müharibəsini ağılsızlıq adlandırıb.

 

"Gəlin, məsələyə aydınlıq gətirək. BMT-nin Beynəlxalq Məhkəməsi İsraildən Rafahda hücuma son qoymağa çağırış etdiyi zaman İsrail bu şəhərə hücumlarını gücləndirir. Tələyə düşən insanlardan aldığım xəbərlər adamı dəhşətə gətirir. Əmin olun ki, biz İsraili dayandırmağa məcbur etməyincə o,  bu ağılsızığa son qoymayacaq", - o, yazıb.

 

Daha sonra xüsusi məruzəçi BMT üzvü olan dövlətlərə İsrail dövlətinə qarşı sanksiyalar tətbiq etməyi, silah tədarükünə embarqo qoymağı və öz hücumlarına son qoyanadək İsrail ilə  diplomatik, habelə siyasi münasibətləri kəsməyi təklif edib.

 

Xəbər verildiyi kimi, şənbə gün, mayın 25-də İsrail Qəzza bölgəsinə, o cümlədən Rafah şəhərinə yeni zərbələr endirib. Bu ərəfədə BMT-nin Beynəlxalq Məhkəməsi İsraildən Rafaha hücumu dayandırmağı tələb edib.

 

Hələlik İsrailin Haaqadakı məhkəmənin tələbinə riayət etməsinin, Qəzza bölgəsində öz hərbi əməliyyatlarının xarakterini hansısa üsulla dəyişməsinin heç bir əlamətləri yoxdur.

 

AFR agentliyi jurnalistlərinin məlumatına, habelə şahidlərin sözlərinə görə, şənbə günü Qəzza bölgəsində Rafah və Deyr-əl-Balax şəhərlərinə zərbələr endirilib.

 

BBC-nin müxbiri Ruşdi Abu Əluf bundan öncə məlumat verib ki, Beynəlxalq Məhkəmənin qərarının açıqlanmasından bir neçə dəqiqə sonra İsrail aviasiyası Rafahda Əl-Şabur düşərgəsinə bir sıra zərbələr endirib.

 

ABŞ və müttəfiqlərinin yerüstü hücumun mülki əhali arasında bundan sonra da qurbanlara və humanitar böhrana gətirib çıxara biləcəyi ilə bağlı xəbərdarlıqlarına rəğmən, İsrail mayın əvvəlində Rafahda hərbi əməliyyata başlayıb. 

 

O zaman Rafahda  Qəzzanın şımalından döyüş əməliyyatlarından qaçan yüz minlərlə sakini olub.

 

BMT-nin dəyərləndirməsinə görə, İsrailin Rafaha hücumu başlanandan sonra 800 mindən artıq dinc sakin oranı tərk edib.

 

Mayın 24-də BMT-nin Beynəlxalq Məhkəməsi qəbul etdiyi qərarda İsraildən Rafahda hərbi hücumu və istənilən digər hərəkətləri dərhal dayandırmağı tələb edib.

 

Haaqada yerləşən Məhkəmə ehtiyat edir ki, Qəzza bölgəsində hərbi əməliyyatların davam etdirilməsi bölgənin dinc əhalisi üçün elə həyat şəraitini yarada bilər ki, bu, onun tam və ya qismən məhvi təhlükəsini yarada bilər.

 

Məhkəmənin qərarına görə, İsrail həmçinin müstəntiqlərin Qəzza bölgəsinə manesiz çıxışını təmin etməlidir.

 

İsrail hökumətinin rəsmi nümayəndəsi Devid Menser bundan ön BBC-yə müsahibəsində HƏMAS-a qarşı müharibənin dayandırılmasını intihar adlandırıb.

 

"Dünyada bizi açıq şəkildə intihara sövq edəcək qüvvə yoxdur", - o  vurğulayıb. İsrail hökumətinin üzvləri dəfələrlə bəyan edib ki, İsrailə öz vətəndaşlarını qorumağa və Qəzza bölgəsində HƏMAS-ı təqib etməyə heç nə mane olmayacaq.