Rusiyanın sabiq baş naziri Mixail Kasyanov (2000-2004-cü illər) işğalçı ölkə Rusiya prezidenti Vladimir Putinin Ukraynada müharibənin gedişində nüvə silahının tətbiq etməsi "real ssenari" deyil.

 

Moderator.az xəbər verir ki, bu barədə o, "gordonua.com" nəşrinin baş redaktoru Alesa Batsmana müsahibəsində bəyan edib.

 

Jurnalist rusiyalı siyasətçidən Putinin daima nüvə silahını xatırlatmalarını şərh etməyi xahiş edib və belə ssenarinin nə dərəcədə ehtimal olduğunu soruşub.

 

"Düşünürəm ki, bu ssenari real deyil. Putin gözəl bilir ki, nüvə silahını (əlbəttə, söhbət taktiki nüvə silahından gedir) tətbiq edərsə, çoxuna nail olmayacaq, amma çox neqativlər qazanacaq. 

 

Üstəgəl dərhal NATO tərəfindən buna nüvə zərbəsi ilə deyil, daha dəqiq, daha böyük və çox sarsıdıcı cavab olacaq və o, bunu bilir.

 

Bu o deməkdir ki, müharibə olacaq. NATO birbaşa savaşa girəcək və sarsıdıcı cavab veriləcək", - Kasyanov deyib.

 

O, qeyd edib ki, nüvə silahının tətbiq edilməsi mövzusu bir ildən artıqdır ki, "faktiki olaraq bağlanıb".

 

"Üstəgəl, siz yəqin ki, xatırlayırsınız, Çin lideri bəyan edib ki, o, nüvə silahının tətbiq edilməsini pisləyir. Yəni Putinə dəstək verən sonuncu lider də deyib: "Biz hamımız bunu pisləyirik", - Kasyanov vurğulayıb.

 

Rusiyanın nüvə qüvvələrinin vəziyyəti ilə bağlı suala cavabında o, deyib ki, bu qüvvələr, böyük ehtimalla, "normal vəziyyətdədir", çünki "onlara həmişə ən üstün diqqət yetirilib".

 

Rusiya hərbçilərinin Putinin nüvə silahının ehtimal edilən tətbiqi

barədə əmri icra edib-etməyəcəyi barədə mülahizə yürüdən rusiyalı siyasətçi belə bir fikir ifadə edib ki, "bu adamlar tərəddüd edəcək".

 

Müsahibə zamanı yayımda iştirak edən teleaparıcı Savik Şuster əmin olduğunu bildirib ki, Putin nüvə eskalasiyasına "hazır deyil, lakin o, proqnozlaşdırılmayan adamdır".

 

"Putinin artıq istənilən addımı atmağa hazır olduğu barədə fikirlə razı deyiləm, - Kasyanov cavab verib. - O, əvvəlkitək sərtdir, lakin rasional düşünür, hərçənd, onun hər zaman son həddə olduğu məqamları da olur. 

 

Buna baxmayaraq onun təhsili ordu deyil, DTK təhsilidir. Ordu generalı avtomatla döyüşə gedib öllməyə hazırdır, DTK zabiti isə başqa cür öyrədilib, o, təxribat törədib qaçmalıdır.

 

Ona görə də mən hətta mental olaraq bu adamların belə planları ciddi şəkildə işləyib hazırladıqlarını görmürəm.

Onlar yalnız qorxutmaqla məşğuldur", - Kasyanov hesab edir.