Siam əkizlərini 4 saatlıq riskli əməliyyatdan sonra ayırıblar - FOTO

Bizi sosial şəbəkələrdən izləyin:

"Körpələr bir neçə həftə ərzibdə həyat uğrunda mübarizə aparıb..."

"Siam əkizlərinin 75 faizində orqanlar ümumi olur, bu dəfə əkizlərin hər birinin bütün həyatı əhəmiyyətli orqanları olub..."

Almaniya xəstəxanasında dörd saatlıq uğurlu əməliyyat zamanı qarın boşluğundan bitişik doğulan əkiz qızlar bir-birindən ayrılandan sonra yeni həyatdan zövq alır.

Moderator.az xəbər verir ki, bu barədə "nypost.com" nəşri yazıb.

Adları açıqlanmayan Siam əkizləri 2023-cü ilin avqust ayında Qeysəriyyə əməliyyatı ilə dünyaya gəlib, səkkiz həftədən sonra isə onlar riskli əməliyyata məruz qalıb.

Əməliyyat Almaniyanın Hamburq-Eppendorf Universitet Klinikasının həkimləri tərəfindən icra edilib və bu, özünün 135 illik tarixində klinikanın ilk əməliyyatı olub.

"Bu dəfə körpələr tibbi nöqteyi-nəzərdən ideal olub, çünki hər birinin bütün həyatı əhəmiyyətli orqanları olub", - bunu xəstəxananın prenatal şöbəsinin direktoru doktor Kurt Xeçer deyib.

Bu fakt qızları nadir əkizlərə çevirib, çünki Filadelfiya Uşaq Xəstəxanasının məlumatına görə, Siam əkizlərinin təxminən 75 faizinin orqanları ümumi olur.

Əkizlərin valideynlərinə qızlarının qarın boşluğundan bitişik olduğu hamiləliyin 12-ci həftəsində bəlli olub. Həkimlər hamiləliyin 33-cü həftəsində Qeysəriyyə əməliyyatı aparılmasına qərar verib, bu da xeyli tibbi risk deməkdir.

"Bu, xüsusi bir problemdir, çünki əkizlərin normal doğuşunda yalnız bir körpə uşaqlıqdan keçməlidir, onlar bir-birinin ardınca dünyaya gəlir, - Xeçer izah edib. - Bu halda isə eyni zamanda iki körpə olub".

Balaca körpə qızlar vaxtından öncə doğuşdan sonra bir neçə həftə ərzində həyat uğrunda mübarizə aparıb. Onlar ötən ilin oktyabrın 6-da əməliyyat edilib, ayın sonunda qızlar evlərinə, valideynlərinə dönə bilib.

Üç aydan artıq müddət ərzində əkizlər normal inkişaf edir, onların valideynləri isə digər ata-analara övladlarının hər-hansı çatışmazlıqlarla doğulacağı təqdirdə ümidlərini itirməməyi məsləhət görür.

"Biz qayğıya, təminata və qızlarımızı bir-birindən ayırdığına görə dərin minnətdarlığımızı bildiririk. Biz başqa valideynlərə də dəstək olmaq istəyirik. Hazırda təbabətdə çox şeylər mümkündür", - onlar deyib.