Bərdənin Yeni Daşkənd kəndində şəhid Nəzərov Eldəniz Dəmir oğlunun doğum günü tədbiri keçirilib - FOTO
Cəmiyyət
1753
07 Jan 2024 | 11:39

Bərdənin Yeni Daşkənd kəndində şəhid Nəzərov Eldəniz Dəmir oğlunun doğum günü tədbiri keçirilib - FOTO

Bərdə rayonunun Yeni Daşkənd kəndində I Qarabağ müharibəsinin şəhidi Nəzərov Eldəniz Dəmir oğlunun doğum günü tədbiri keçirilib.
 
Tədbirdən öncə kənd ərazisində şəhidlərin xatirəsinə inşa olunmuş abidə kompleksi ziyarət olunub. Sonra tədbir rəsmi və bədii hissə ilə davam edib. Tədbirdə RİH aparatınının məsul əməkdaşı, şəhidin döyüş yoldaşları, kənd ictimaiyyəti, məktəblilər və şəhidin ailə üzvləri iştirak ediblər.
 
Eldəniz Nəzərov 06 yanvar 1970-ci ildə Bərdə rayonunun Yeni Daşkənd kəndində anadan olub. 1977–1987-ci illərdə Yeni Daşkənd kənd orta məktəbində təhsil alib. Sovet Ordusu sıralarında həqiqi hərbi xidmət keçib. 
 
10 noyabr 1992-ci ildə Bərdə RHK tərəfindən Milli Orduya çağırılıb. 5-ci Bərdə taborunun döyüşçüsü olub. Müxtəlif silahlardan istifadə etməyi məharətlə bacarıb, Marağa, Marquşavan, Laçın-Kəlbəcər və Ağdam istiqamətində gedən döyüşlərdə iştirak edib. Ayrı-ayrı vaxtlarda xeyli sayda düşmənin canlı qüvvəsini məhv edib.
 
Eldəniz Nəzərov 25 avqust 1993-cü ildə Ağdam rayonu istiqamətində gedən ağır döyüşlərdə şəhid olub. Şəhidimiz Bərdə rayonunun Yeni Daşkənd kəndində dəfn olunub.
 
Allahdan şəhidimizə rəhmət diləyirik!
 
Link kopyalandı!
Son xəbərlər