ABŞ müharibə alovunun bütün Yaxın Şərqi bürüyəcəyindən narahatdır

Bizi sosial şəbəkələrdən izləyin:

"Münaqişə Qəzza bölgəsinin hüdudlarından kənara çıxa, hadisələr ABŞ-ın aylarla yan keçməyə cəhd göstərdiyi ssenari üzrə inkişaf edə bilər..."

"Yaxın Şərq münaqişəsinin genişlənməsi həm regional təhlükəsizliyə, həm də Baydenin yenidən seçiləcəyi şansına təhlükə törədir..."

ABŞ prezidenti Co Bayden administrasiyası Yaxın Şərq münaqişəsinin genişlənəcəyi və bütün regiona yayılacağı halda cavab tədbirlərini işləyib hazırlayır.

Moderator.az xəbər verir ki, bu barədə "Politico" nəşri yazıb.

Məlumatda deyilir ki, son bir neçə gün ərzində İraq, Livan və İran ərazilərində getdikcə daha tez-tez baş verən toqquşmalar nəticəsində münaqişənin genişlənəcəyi ehtimalı artır.

Bu hadisələr Ağ ev nümayəndələrini münaqişənin "rəsmən Qəzza bölgəsinin hüdudlarından kənara yayılmasına" inandırıb, yəni "hadisələrin ABŞ-ın aylarla yan keçməyə cəhd göstərdiyi inkişaf ssenarisi" çox ehtimal ediləndir.

Məlumatda deyilir ki, ABŞ hərbçiləri dəfələrlə Qırmızı dənizdə ticarət gəmilərinə hücum edən Yəmənin davakar husilərinə cavab zərbəsinin endirilməsi planını işləyib hazırlayır.

Öz növbəsində Amerika kəşfiyyatının nümayəndələri gələcəkdə ABŞ nümayəndəlikləri, o cümlədən İraq və Suriyada olan hərbçilərinə mümkün hücumlarını proqnozlaşdırmağa və onların qarşısını almağa, habelə husilərin gələcək hücumlarının mümkün obyektlərini müəyyən etməyə cəhd göstərir.

ABŞ bir neçə ay ərzində rəsmi Tehrana öz vassallarını hücumları azaltmağa və onlara son qoymağa inandırmağa çağırış edib. Lakin iranyönümlü qruplaşmaların hücumlarının miqyasının azalmasının heç bir əlamətləri yoxdur. Üstəlik, yaxın günlərdə zorakılığın yalnız artacağı təhlükəsi mövcuddur.

Bu eskalasiya ona gətirib çıxara bilər ki, ABŞ prezidenti Co Bayden 2024-cü ilin seçkiöncəki kampaniyasının qızışdığı, özünün seçkiöncəki kampaniyasının daxili probləmlərə yönəldiyi məqamda Yaxın Şərq məsələlərinə daha dərindən cəlb ediləcək.

Ona görə də nəşr diqqəti ona yönəldir ki, Yaxın Şərq münaqişəsinin genişlənməsi tək regional təhlükəsizliyə deyil, həm də ABŞ prezidenti Co Baydenin yenidən seçiləcəyi şanslarına təhlükə törədir.

O, vəzifəsinin icrasına başlayarkən o cümlədən qoşunların Əfqanıstandan xaotik olaraq çıxarılması səbəbindən baş verən müharibələrə son qoymağa and içib.

Hazırda Bayden özünün ilk prezidentlik müddətini Qərb tərəfdən Ukraynanın müdafiəçisi və İsrailin HƏMAS-a qarşı müharibəsinin həlledici iştirakçısı kimi başa vurur.

ABŞ-da qarşıdakı seçkilər Amerika seçiciləri üçün həlledici xarici siyasət məsələsi üzrə-Amerikanın xarici münaqişələrə nə dərəcədə cəlb edilməli olduğu məsələsin öz fikrini ifadə etmək üçün daha bir şansdır.

Bayden Ukraynaya "tələb olunanadək" dəstək verəcəyini vəd edib, İsrailin tərəfində möhkəm dayanıb.

Baydenin Respublikaçılar Partiyasından ən ehtimal edilən rəqibi, sabiq prezident Donald Tramp dəfələrlə Rusiyanın Ukraynaya hərbi müdaxiləsinə bir neçə saata son qoya biləcəyi ilə öyünüb və iddia edib ki, ABŞ İsrailin HƏMAS-la mübarizəsinə qarışmamalıdır.

Bundan öncə məlumat verilib ki, ABŞ Dövlət katibi Entoni Blinken bu həftə Yaxın Şərqə səfər edəcək, çünki ABŞ İsrail ilə HƏMAS arasında münaqişənin genişlənməsinin mümkünlüyündən "son dərəcə narahatdır".

"Amerikanın Səsi" qeyd edir ki, bu səfər Qəzza bölgəsinə humanitar yardımın çatdırılması üzrə intensiv diplomatik səylərin və Fələstinin mülki əhalisi arasında qurbanların azaldılması məqsədilə İsrailə beynəlxalq təzyiqin gücləndirilməsi fonunda keçəcək.

Məlumatda deyilir ki, Dövlət katibi ilə birlikdə ABŞ prezidentnin müşaviri Amos Xoxşteyn də səfərə yollanacaq, məqsəd "İsrail ilə "Hizbullah" arasında gərginliyin azaldılmasına cəhd etməkdir.