Türkiyədə "Mossad"la əlaqələrdə şübhəli bilinən 33 nəfər saxlanlıb

Bizi sosial şəbəkələrdən izləyin:

"İsrail kəşfiyyatı Türkiyədə xarici vətəndaşlara qarşı əməliyyatlar həyata keçirir..."

İsrailin o cümlədən xaricdə HƏMAS başçılarını aradan götürmək niyyətləri barədə bəyan ediləndən sonra Türkiyə "Mossad"la əlaqələrdə şübhəli bilinənlərin həbsi üzrə genişmiqyaslı əməliyyat keçirəcəyi barədə məlumat verib.

Moderator.az xəbər verir ki, bu barədə "vesty.co.il" nəşri yazıb.

KİV-lərin məlumatlarına görə, yanvarın 2-də İstanbulda Baş prokurorun ofisi "Mossad" təşkilatına (İsrailin Xarici Kəşfiyyatı) yardım etməkdə şübhəli bilinən 46 nəfərin həbsinə order verib, onlardan 33 nəfəri hazırda artıq saxlanılıb.

Türkiyə hakimiyyəti məlumat verib ki, həbslər 8 dairədə 57 ünvan üzrə aparılıb. Daha 13 şübhəli bilinənlərin axtarışı davam edir.

Türkiyə bəyan edir ki, İsrail kəşfiyyatı ölkədə xarici vətəndaşlara qarşı məlumatların toplanılmasından hücum və oğurluq cəhdlərinədək əməliyyatlar aparır.

Məlumatlara görə, Mossad"ın operativ əməliyyatlar mərkəzi İstanbulda yerləşir.

Bundan başqa, Türkiyə hakimiyyəti ötən ay Amerikanın "The Wall Street Journal" qəzetində dərc edilən materiala istinad edir.

Həmin materialda deyilir ki, İsrail xaricdə olan HƏMAS başçılarının tapılıb məhv edilməsini planlaşdırır.

Xatırladaq ki, Türkiyə prezidenti Ərdoğan öz səfirini İsraildən geri çağırıb və Netanyahunun işinin bitdiyini və onu sildiyini bəyan edib.

O, İsrail baş nazirini hərbi cinayətkar adlandırıb və onu Hitlerlə müqayisə edib.

Ərdoğan HƏMAS qruplaşmasını terrorçu təşkilat kimi tanımır və onu xalqının azaldığı və müstəqilliyi uğrunda döyüşən siyasi qüvvə adlandırır.