"Dəniz döyüşü": husilər Qırmızı dənizdə piratçılıq etmək istədi, lakin balıqlara yem oldu

Bizi sosial şəbəkələrdən izləyin:

"Bu, Yəmən islamçıları üçün, sadəcə, "hobbi" deyil, Qərbi qıcıqlandırmaq üçün düşünülmüş strategiyadır..."

Bu gecə Yəmən husiləri Qırmızı dənizdə "Mayersk Xançjou" gəmisini üç dəfə dayandırmağa cəhd edib, lakin uğursuzluğa düçar olub.

Moderator.az xəbər verir ki, "1prime.ru" nəşri yazıb.

Əvvəlcə iranyönümlü islamçılar Sinqapur bayrağı altında üzən yük gəmisinə ballistik raket buraxıb, çünki gəmi husilərin radio əlaqəsi ilə çağırışlarına cavab verməyib.

Raket gəminin yaxınlığında partlayıb, gəmiyə zərər dəyməyib. Ekipaj amerikalı hərbçilərə şərti siqnal göndərib və "Eyzenhauer" və "Qreyvli" eskadra mina gəmiləri yükdaşıyıcılarına köməyə gəlib.

"Qreyvli" həmin gəmiyə birinci raketin effekt vermədiyini görən husilərin buraxdığı daha iki ballistik raketi vurub.

Bəlli olduğu kimi, husiləri, ehtimal ki, iranlılar döyüş gəmisi və ya PUA-lardan yönləndirir.

Yəmən islamçıları inadkarlıq edib, raketlərin hədəfə çatmadığını görəndən sonra dörd katerlə gəmini ələ keçirməyə yollanıb.

Səhər saat altıda gəmiyə yaxınlaşaraq, onu avtlmat və pulemyotlardan atəşə tutmağa başlayıb və dərhal dayanmağı əmr edib.

Lakin gəmidə olan xüsusi mühafizə atəşlə cavab verib, husilər gəmiyə qalxmağa müvəffəq olmayıb. Bir neçə dəqiqədən sonra isə hadisə yerinin üzərində Amerika Hərbi-Dəniz Qüvvələrinin helikopterləri peyda olub.

Səsgücləndiricilər vasitəsilə husilərdən hadisə yerini tərk etmək tələb olunub. Lakin onlar bu tələbə riayət etmədiyindən avtomatlardan amerikalılara atəş açmağa başlayıb.

O zaman helikopterçilər raketlər buraxaraq, katerləri suda batırıb. Dördüncü kater tez bir zamanda hadisə yerini tərk edib.

Bu insidentin husiləri Qırmızı dənizdə yük gəmilərinə bundan sonra da hücum etmək həvəsindən çəkindirəcəyi aydın deyil.

Bu, Yəmən islamçıları üçün, sadəcə, "hobbi" deyil, "Qərbi qıcıqlandırmaq" üçün düşünülmüş strategiyadır.

"Mayersk" şirkəti hələlik elan edib ki, onun gəmiləri iki sutka ərzində Qırmızı dəniz akvatoriyası boyunca hərəkət etməyəcək.