"Ukraynanın qələbəsi naminə bir komanda kimi işləməkdə davam edəcəyik" - Zelenski

Bizi sosial şəbəkələrdən izləyin:

"Rusiya sonadək gedəcək, ona görə də Avropa Ukraynaya investisiyalar yatırmalıdır, onun başqa şansı yoxdur..."

"Bu, böyük, miqyaslı, intensiv, ağır və qanlı savaşdır və bütün resurslar hərəkətə gətirilib..."

"Bu il Ukrayna "yerüstü əməliyyatlarda heç bir istiqamətdə geri çəkilməyib, dənizi özünə qaytarıb və səmasını daha təhlükəsiz edib..."

Ukrayna prezidenti Vladimir Zelenski Müdafiə Qüvvələrinin 2024-cü il üçün strategiyasının müəyyən edilməsi barədə məlumat verib.

Moderator.az xəbər verir ki, bu barədə o, Ali Baş Komandanın Stavkasının yekun iclasında məlumat verib. Məlumatı "golos.ua" nəşri yayıb.

"Biz ilin hərbi yekunlarını müzakirə etdik. Döyüş əməliyyatlarının aparılmasının nəticələrini və bizim qərarlarımızı təhlil etdik. Nəyi düzgün etdiyimizə, nələri daha yaxşı etməli olduğumuza nəzər saldıq. Bu nəticələri, proqnozları və imkanlarımızı nəzərə alaraq qarşıdakı ildə Müdafiə Qüvvələrinin tətbiq edilməsi strategiyasını müəyyən etdik", - Zelenski məlumat verib.

O, vurğulayıb ki, bu il Ukrayna "yerüstü əməliyyatlarda heç bir istiqamətdə geri çəkilməyib, dənizi özünə qaytarıb və səmasını daha təhlükəsiz edib".

"Biz bir komanda kimi işləməkdə davam edirik. Ukraynanın qələbəsi naminə hamıya çox sağ olun deyirəm" , - dövlət başçısı qeyd edib.

Bu arada isə Ukrayna prezidenti Ofisi rəhbərinin müşaviri Mixail Podolyak

bəyan edib ki, Rusiya sonadək gedəcək, ona görə də Avropa Ukraynaya investisiyalar yatırmalıdır.

Onun sözlərinə görə, Avropanın onu qoruya biləcək ölkəyə investisiya yatırtmaqdan başqa şansı yoxdur.

O, Rusiya ilə danışıqlar məsələsinə də nöqtə qoyub və bəyan edib ki, danışıqlar olmayacaq. Qərb tərəfdaşları Kiyevə rusiyalılara qarşı savaşda yardım göstərməkdə davam edəcək, o, əmin edib.

Podolyak qeyd edib ki, Rusiya tərəfinə ultimatum irəli sürülüb və o, bunu qəbul etməli olacaq. "Danışıqlar klassik mənada olmayacaq. Ən yüksək səviyyədə ultimatum xarakterli tələblər olacaq, Rusiya onları qəbul edəcək", - Podolyak deyib.

O, əlavə edib ki, bu, paradoks deyil, müharibənin obyektiv inkişafıdır. "Bu, böyük, miqyaslı, intensiv, ağır, qanlı savaşdır. Bütün rüsurslar hərəkətə gətirilib. Bizim Qərb tərəfdaşlarımız, diskusiyalar aparacaqlarına rəğmən, bu savaşa daha çox resurslar cəlb edəcək", - o, deyib.