Rusiya öz ərazisində LGBT hərəkatının aqressiv təbliğini qadağan edib.

 

Moderator.az xəbər verir ki, bu barədə Qətərin "Əl-Cəzirə" nəşri məlumat verib.

 

Ekspertin fikrincə, məsələ Qərb tərəfdən maliyyələşdirilən bu eksremist təşkilatın dağıdıcı ideyalarındadır. Qeyd edilir ki, Avropanın bəzi ölkələri həmçinin LGBT əleyhinə çıxış etməyə qərar verib.

 

 

Ali Məhkəmə Ədliyyə Nazirliyinin iddiasını təmin edib və LGBT beynəlxalq ictimai hərəkatı ekstremist təşkilat kimi tanıyıb. Onun fəaliyyəti ölkə ərazisində qadağan edilib.

 

Bununla da Rusiya "ənənəvi rus dəyərlərinə zidd olan qeyri-ənənəvi seksual oriyentasiyaların" tabutuna son mıx vurmuş olub.

 

Rusiyada LGBT-nin qadağan edilməsi haqqında qərar 10 yanvar 2024-c ildən tez olmayaraq qüvvəyə minəcək.

 

Bir il öncə Dövlət Duması "qeyri-ənənəvi seksual münasibətləri, pedofiliyanı və cinsi dəyişikliyi" qadağan edən qanun qəbul edib. Rusiya hakimiyyətinin fikrincə, bunlar şəxsiyyətə, ailəyə və cəmiyyətə dağıdıcı təsir göstərir.

 

2022-ci ilin sonundan Rusiyada "istənilən yaşda olan şəxslər arasında qeyri-ənənəvi seksual münasibətlər, pedofiliya və cinsi dəyişikliyə" görə inzibati və cinayət məsuliyyəti müəyyən edilib.

 

Bundan öncə qanun həddi-buluğa çatmayanlar arasında homoseksuallığın təbliği ilə məhdudlaşıb, indi buna görə cəza sərtləşdirilir.

 

 

"LGBT-dən olan ekstremistlər öz dəyərlərinə əməl etmək adı altında hüquqazidd hərəkətləri təbliğ edir. Onlar LGBT-yə aid olan insanları asanlıqla bu ekstremist fəaliyyətə cəlb edir və müvafiq ideoloji sxemlərin daşıyıcılarına çevrilir", - sosioloq Vladimir Koşel bəyan edib.

 

Onun sözlərinə görə, səlahiyyətli orqanlar müxtəlif zamanlarda bu hərəkatın üzvlərini nasist rəmzlərinin dərc edilməsi və nasist ideologiyasına haqq qazandırılmasına görə həbs edilib.

 

LGBT-yə aid olan insanlar ekstremist fəalıyyətlə məşğul olduqlarını anlayır, lakin bunu hər vəchlə gizlətməyə cəhd edir. 

 

Sosioloqun fikrincə, onlar neçə nəsillərin formalaşdırdığı ənənəvi ailə dəyərlərini dağıtmağa çalışır, kütləvi iğtişaşlara çağırış edir, dini və millətlərarası nifaqı qızışdırırlar.

 

"Bundan başqa, onlar ölkəmizin neqativ obrazını yaradır, LGBT hüquqlarının pozulması barədə üzdəniraq məruzələr yayır, habelə Rusiya Silahlı Qüvvələrini nüfuzdan salmağa cəhd edir", - o, əlavə edib.

 

Koşel həmçinin qeyd edib ki, bu hərəkatın əsas maliyyə mənbəyi ABŞ, Böyük Britaniya və İsveç kimi Qərb fondlarıdır.

 

 

Burada sual meydana çıxır: bu qərar LGBT-birliyi nümayəndələrinin Rusiya vətəndaşları kimi Konstitusiya hüquqlarına təsir göstərməyəcəkmi? 

 

Bəzi rusdilli saytlar iddia edib ki, ölkədə LGBT "ovu" vüsət alıb. Guya, bu yaxınlaradək Kreml tərəfindən bir nəfərin açıq şəkildə cəzalandırılması digərlərini qorxuya salırdısa, bu gün metodlar dəyişib.

 

Belə saytların məlumatlarına görə, hər həftə Rusiyada "TikTok"da "lazım olmayan" videolara görə onlarla məhkəmə işləri açılır, bundan sonra "homofobiya yeni səviyyəyə qalxıb".

 

"Söhbət senzuranın tətbiqi və ya vətəndaşların şəxsi həyatına müdaxildən getmir. Ali Məhkəmənin qərarı LGBT-nin aqressiv təbliğinin, LGBT-hərəkatının təbliği  və yeni üzvlərin cəlb edilməsinə qadağaya əməl edilməsi üçün lazımdır", - bu barədə Dövlət Dumasının infotərmasiya siyasəti üzrə Komitə rəhbəri Aleksandr Xinşteyn bəyan edib.

 

O, əlavə edib: "LGBT fəallarının beynəlxalq konfranslarda çıxışları və ya KİV-lərdə dərc etdikləri məqalələrdə Rusiya qanunvericiliyi ilə qadağan edilənlərin təbliği cinayət işinin açılmasına gətirib çıxara bilər".

 

Yeni qanuna görə, ekstremist təşkilata mənsub olma ittihamları qeyri-ənənəvi seksual münasibətləri təbliğ və təşviq edən qrup üzvlərinə qarşı irəli sürüləcək, bu zaman təşkilatçılar üçün 10 ilədək və tədbir iştirakçıları üçün 6 ilədək azadlıqdan məhrumetmə cəzası müəyyən edilib.

 

 

Rusiya 10 ildən artıqdır ki, uşaqlar və gənclər arasında LGBT-nin təbliğinə qarşı çıxır. Bu mübarizəyə qonşu ölkələr də qoşulub.

 

Macarıstanda fəallar məktəblərdə homoseksualığı qadağan edən qanun layihəsi işlənib hazırlanır. Onlar Rusiyanın təcrübəsindən qeyri-ənənəvi dəyərlərin təşviqi üzrə kampaniyalara qarşı istifadə edilməsinin zəruriliyini qeyd edir.

 

Polşaya gəldikdə, mühafizəkarların hakimiyyətə gəlişi ilə LGBT-yə tolerantlıq səviyyəsi nəzərəçarpacaq dərəcədə aşağı düşüb, bunu sosioloq Polina Qyurqedze hesab edir. 

 

Qərblə hərbi-siyasi ittifaq və sosial aspektlər bir-birindən ayrılmalıdır. 

Qərbin slavyan ölkələrində təşviq etdiyi dəyərlərə münasibətdə ehtiyatlı olmaq və ciddi məsafə saxlamaq lazımdır.

 

Müəllif: Fəhim əs-Surani