"USQ Baxmutda "Vaqner"in əvəzlənməsini poza bilər, əməliyyatın yeni fazası başlayır" - ISW

Bizi sosial şəbəkələrdən izləyin:

"Vaqnerçilər"in rotasiyası nəzarət edilən mərhələlərlə davam edəcək, çünki rusiyalılar şəhər ətrafındakı cinahları əllərində saxlamağa cəhd edəcək..."

"Rusiya Müdafiə Nazirliyi Priqojinin muzdlularından Donbasda gələcək hücum əməliyyatlarında istifadə etməyi planlaşdırır..."

Baxmut istiqamətində Rusiyanın hücum əməliyyatları tempinin azalması müşahidə edilir. Ehtimal ki, müdafiə qüvvələri yeni əməliyyata başlayacaq və "Vaqner" mövqelərinin Rusiyanın Baxmutdakı bölmələrinə verilməsini çətinləşdirəcək.

Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) yeni hesabatında deyilir.

Qeyd edilir ki, Ukrayna qüvvələri Orexovo-Vasilyevka (Baxmutdan qərbə 11 km) və Kleşşyovka (Baxmutdan cənub-qərbə 7 km) rayonunda uğurlu əkshücum həyata keçirib.

Rusiyanın hərbi müxbirlərindən biri iddia edir ki, Ukraynanın Orexovo-Vasilyevka rayonunda əkshücumu "Vaqner qrupu" özəl hərbi şirkəti bölmələrini bu rayonda tutduqları mövqedən bir km geriyə çəkilməyə vadar edib.

Bundan başqa, rusiyalı hərbi müxbirlər bəyan edir ki, Ukrayna Silahlı Qüvvələri (USQ) Orexovo-Vasilyevka yaxınlığındakı E40 yolu boyunca (Baxmut-Slavyansk) yüksək mövqeləri ələ keçirib.

Ukraynalı döyüşçülərin Kleşşyovka istiqamətində irəliləməsi və Severski Donets kanalını keçməsi barədə məlumatlar var.

Analitiklər güman edir ki, USQ bu yaşayış məntəqəsini mühasirəyə almaq və Rusiya qoşunlarını geriyə çəkilməyə vadar etmək niyyətindədir.

Yeri gəlmişkən, 24 və 25 mayda dərc edilən geoloji kadrlar göstərir ki, Rusiya qüvvələri, ehtimal ki, Kleşşyovkadan qərbə məhdud mövqelərini bərpa edib.

Analitiklər güman edir ki, Rusiya qoşunlarına Baxmutda "Vaqner"i əvəzləmək o cümlədən Ukraynanın uğurlu məhdud və lokal əkshücumları səbəbindən çətin olacaq.

"Baxmut rayonunda Rusiyanın hücum əməliyyatları tempinin aşağı düşməsi və yerdə yardım göstərilməsi üzrə əməliyyatın keçirilməsi barədə məlumat, ehtimal ki, gələcəkdə Ukrayna qüvvələrinə bu rayonda şəhər ətrafında əməliyyatın arzu olunacağı təqdirdə yeni fazasının başlanması üçün təşəbbüsü ələ almağa imkan verəcək", - analitiklər qeyd edib.

"Vaqner" Baxmutdan çıxır

Mayın 20-də "Vaqner qrupu"nun başçısı Yevgeni Priqojin bəyan edib ki, onun muzdluları Baxmutu ələ keçirib və elan edib ki, mayın 25-dən iyunun 1-dək şəhərdən çıxacaq.

Bunu Böyük Britaniya kəşfiyyatı da qeydə alıb. Onlar qeyd edir ki, "vaqnerçilər"in rotasiyası, ehtimal ki, nəzarət edilən mərhələlərlə davam edəcək, çünki rusiyalılar şəhər ətrafındakı cinahları əllərində saxlamağa cəhd edəcək.

Baxmutun cinahlarını gücləndirmək üçün son həftələr oraya Rusiya Hava-Desant Qoşunları 31-ci briqadasının hissələri dislokasiya edilib. Ehtimal ki, onlar Svatovo-Kremennaya rayonundan cəlb edilib.

Britaniya kəşfiyyatının fikrincə, Rusiya MN, "Vaqner" rəhbəri ilə düşmənçiliyinə rəğmən, Priqojinin muzdlularından bərpa ediləndən sonra Donbasda gələcək hücum əməliyyatlarında istifadə etməyi planlaşdırır.

Hazırda muzdluların şəhər ətrafındakı mövqelərinin bir hissəsindən geriyə çəkilməsini Ukrayna Müdafiə Nazirliyi də təsdiq edib.