"Sallivan son aylar Putinin köməkçiləri, eləcə də Patruşevlə məxfi danışıqlar aparıb..."

Bizi sosial şəbəkələrdən izləyin:

ABŞ prezidenti Co Baydenin milli təhlükəsizlik üzrə baş müşaviri Ceyk Sallivan son aylarda Rusiya prezidenti V. Putinin yüksək səviyyəli köməkçiləri ilə məxfi söhbətlər aparıb. Bu, Ukrayna üzərindən daha geniş münaqişə riskini azaltmaq və Moskvanı ABŞ-ın nüvə və ya digər kütləvi qırğın silahlarından istifadə etməsinə qarşı xəbərdar etmək üçün edilib.

Moderator.az xəbər verir ki, bu barədə ABŞ-ın digər rəsmilərinə istinadla "Vaşinqton-Post"(Washington Post)yazır.

Rəsmilər ABŞ-ın milli təhlükəsizlik üzrə müşaviri Ceyk Sallivanın Putinin xarici siyasət üzrə müşaviri Yuri Uşakovla danışdığını bildirib. Onlar əlavə edib ki, Sallivan Rusiya hökumətindəki birbaşa həmkarı Nikolay Patruşevlə də danışıb.

Rəsmilər bildiriblər ki, rabitənin məqsədi Ukraynada münaqişənin həllini müzakirə etmək yox, eskalasiya riskindən qorunmaq və kommunikasiya kanallarını açıq saxlamaq olub,

Milli Təhlükəsizlik şurasının sözçüsü Adrienn Uotson Sallivanın Uşakov və ya Patruşevlə məxfi danışıqlarda olub-olmaması ilə bağlı suala cavabında "İnsanlar çox şey deyir" -söyləyib və əlavə şərh verməkdən imtina edib. Kreml isə şərh sorğusuna cavab verməyib.

Ağ Ev Sallivan ilə onun Patruşevlə danışdığı mart ayından bəri hər hansı yüksək rütbəli rus məmuru arasında heç bir teleofon zəngini açıq şəkildə etiraf etməyib.

Səssiz müzakirələr Vaşinqton və Moskva arasında ənənəvi diplomatik təmasların azaldığı, Putin və onun köməkçilərinin nüvə silahından istifadə edə biləcəklərinə eyham vurduğu bir vaxta təsadüf edib.

Ukraynanın işğala görə Rusiyaya qarşı dəstəyinə və cəza tədbirlərinə baxmayaraq, Ağ Ev bildirib ki, müəyyən qarşılıqlı milli təhlükəsizlik maraqlarına nail olmaq üçün Moskva ilə müəyyən səviyyədə əlaqə saxlamaq vacibdir.

Bir sıra ABŞ rəsmiləri Sallivanın administrasiyada Rusiya ilə kommunikasiya xəttinə təkan verməklə tanındığını bildirir, baxmayaraq ki, digər rəsmilər hazırkı diplomatik və hərbi mühitdə danışıqların səmərə verməyəcəyinə inanır.

Rəsmilər zənglərin dəqiq tarixləri və nömrələri və ya təsirli olub-olmadığını açıqlamayıblar.

Bəzi keçmiş ABŞ rəsmiləri bildiriblər ki, ABŞ-Rusiya münasibətləri soyuq müharibənin bitməsindən bəri ən aşağı həddə çatdığı üçün Ağ Evin Kremllə əlaqə saxlaması yaxşıdır.

"Mən hesab edirəm ki, hər bir tərəfin nə düşündüyünü anlamaq və beləliklə də təsadüfi qarşıdurma və ya müharibə ehtimalından qaçmaq üçün açıq kommunikasiya kanallarını saxlamaq, xüsusilə, nüvə silahı olan ölkələr üçün həmişə vacibdir"- deyə Obama dövründə NATO-da ABŞ nümayəndəsi,səfir vəzifələrində çalışmış İvo Daalder bildirib.

Sultan Laçın