Roma Papasının elçisi Ukraynada atəş altına düşüb: "Həyatımda ilk dəfə idi ki, haraya qaçacağımı bilmirdim..."

Bizi sosial şəbəkələrdən izləyin:

"Atəş nəticəsində zərərçəkən olmayıb və humanitar yardım cəbhə xəttinə çatdırılıb..."

"Qərb yanlış yolla gedir və onu daha təqlid ediləcək nümunə adlandırmaq olmaz..."

Roma Papası Fransiskin Ukraynadakı elçisi kardinal Konrad Krayeski sentyabrın 17-də Zaporojye vilayətində humanitar yardımı çatdıran zaman atəş altına düşüb.

Moderator.az xəbər verir ki, bu barədə "Vatikan nyus" xəbər portalı məlumat yayıb.

Məlumatda deyilir ki, kardinalla birlikdə daha üç nəfər-katolik və protestant yepiskoplar (baş keşiş-red.) və onları müşayiət edən ukraynalı hərbçi olub.

Nəşrin məlumatına görə, kardinal Konrad Krayevskinin Ukraynada xüsusi missiyası iki həftəyə yaxındır davam edir.

Bu, onun Rusiyanın Ukraynaya tammiqyaslı hərbi müdaxiləsindən sonra ölkəyə dördüncü səfəridir.

Vinnitsa və Odessanı ziyarət etdikdən sonra kardinal Krayevski Xarkova gedərkən Zaporojyedə dayanıb.

"Orada kardinal öz mikroavtobusuna əsas zəruri əşyaları yükləyib və katolik və ptotestant yepiskopların, habelə ukraynalı əsgərin müşayiətilə cəbhə xəttinə yollanıb.

Onun sözlərinə görə, oraya əsgərlərdən başqa heç kim getmir. Ona görə ki, orada da təxliyə oluna bilməyən insanlar var və indi onların humanitar yardıma ehtiyacı var", - "Vatikan tayms" yazır.

Missya yükü uğurla ilk marşrut nöqtəsinə çatdırıb, amma ikincisinin yaxınlığında atəş altına düşüb.

"Həyatımda ilk dəfə idi ki, haraya qaçacağımı bilmirdim...çünki qaçmaq kifayət deyil, haraya qaçacağını bilməlisən", - Krayevski deyib.

Atəş nəticəsində heç kim zərər çəkməyib, sonucda yük məntəqəyə çatdırılıb və bundan sonra onlar, planlaşdırıldığı kimi, Xarkova yollanıb.

Bir neçə gün öncə Roma Papası Fransisk bəyan edib ki, Qərb yanlış yolla gedir və onu daha "təqlid ediləcək nümunə" adlandırmaq olmaz".

"Aralıq dənizi də Qərbə aiddir, bu gün o, təkcə Avropa üçün deyil, bütün bəşəriyyət üçün böyük məzarlığa çevrilib", - Fransiskin bəyanatında belə deylir.