Mayın 8- də "Böyük yeddilik" ölkələrinin liderləri videokonfrans formatında Rusiyaya qarşı yeni mümkün sanksiyaları müzakirə edib. Videokonfransda Böyük Britaniya, Kanada, Fransa, Almaniya, İtaliya, Yaponiya və ABŞ- la yanaşı, Ukrayna prezidenti Vladimir Zelenski də iştirak edib.

 

Moderator.az xəbər verir ki, bu barədə konfransın yekunlarına dair qəbul edilən Bəyanatda deyilir.

 

G7 ölkələri öz üzərlərinə Rusiya neftinin idxalına mərhələli şəkildə və ya tamamilə qadağa qoyulması öhdəliyini götürüb.

 

"Bu, Putin iqtisadiyyatının başlıca arteriyasına və müharibəni maliyyələşdirmək üçün lazım olan gəlirlərinə zərbə vuracaq.

"Böyük yeddilik" həmçinin öz üzərinə birlikdə fəaliyyət göstərərək, sabit qlobal enerji tədarüklərini təmin etmək, eyni zamanda yer altından çıxarılan yanacaqdan asılılığı azaltmaq üzrə səylərinin fəallaşması öhdəliyini götürüb", - Bəyanatda belə deyilir.

 

Həmçinin Rusiyanı onun iqtisadiyyatının bütün sektorlarında təcrid edilməsini gücləndirmək planlaşdırılıb.

 

"Biz bütün tədbirləri görəcəyik ki, Rusiyanın asılı olduğu həlledici xidmətlər qadağan edilsin və ya başqa üsulla göstərilməsin", - liderlərin Bəyanatında belə deyilir.

 

Rusiya banklarına qarşı məhdudiyyətlər sərtləşdiriləcək.

 

"Biz Rusiyanın Mərkəzi bankına və ən iri maliyyə müəssisələrinə qarşı sanksiyalar tətbiq edərək, öz qəsbkar müharibəsini maliyyələşdirmək qabiliyyətini ciddi şəkildə pisləşdirmişik", - "Böyük yeddilik" ölkələrin liderləri qeyd edib.

 

Eyni zamanda ABŞ ayrıca olaraq Rusiyaya qarşı bir sıra yeni sanksiyalar haqqında elan edib. Onlar Ağ evin saytında sadalanıb.

 

Onların bir hissəsi Rusiyanın təbliğat vasitələri olan "Birinci kanal", "Rusiya- 1" və NTV telekanallarına qarşı yönəlib.

 

Amerika şirkətlərinə onlara reklam yerləşdirmək və avadanlıq  vermək qadağan edilib. Bundan əvvəl hər üç telekanal xaricdən, o cümlədən reklam hesabına ən çox gəlirlər əldə edib.

 

Həmçinin ABŞ vətəndaşlarına Rusiya Federasiyasında hər hansı şəxslərə konsultativ, idarəçilik, mühasibatlıq və digər biznes- xidmətlər göstərmək qadağan edilib.

 

"Bu xidmətlər Rusiya şirkətləri və elitası üçün həlledici əhəmiyyətə malikdir və Putinin hərb maşınına gəlir gətirir, həmçinin bu zənginliyi gizlətməyə və sanksiyalardan yan keçməyə imkan verir", - məlumatda belə deyilir.

 

Vaşinqton Rusiyaya nüvə materiallarını və çoxsaylı sənaye avadanlığını- sənaye mühərrikləri, qazanlar, motorlar, ventilyatorlar, buldozerlər və bir çox digər malların ixracına qadağa qoyub.

 

ABŞ Rusiya hərbçilərinə vizaların verilməsini məhdudlaşdıracaq. Onlardan başqa, sanksiyalar sıyahısına "Ukraynanın suverenliyi, ərazi bütövlüyü və müstəqilliyini sarsıdan" 2600 Rusiya və Belarus məmurları da salınıb.

 

"Putin Ukrayna üzərində dominantlıq etmək kimi ilkin hərbi məqsədinə çata bilməyib, lakin o, Rusiyanı qlobal izqoy dövlətə çevrilməsinin qarşısını ala bilib", - Ağ ev

bəyan edib.