"Rossiya 1" telekanalında yayımlanan "Vesti Nedeli" verilişində Rusiya Federasiyasının Federal Təhlükəsizlik Xidmətinin əməliyyat görüntülərini əks etdirən kadrlar yayımlanıb.

 

Moderator.az xəbər verir ki, Belarusda çevriliş hazırlığında şübhəli bilinənlər Prezident Aleksandr Lukaşenkonun əmlakını qarət etməyi və mənimsəməyi planlaşdırıblar.

 

Şənbə günü Lukaşenko özünün və övladlarının həyatına sui- qəsd hazırlayan bir qrup şəxsin həbs olunduğunu elan edib. Prezidentin dediyinə görə, qrupa həm Belarus vətəndaşları, həm də xaricilər daxil idi.

 

FTX-nin İctimaiyyətlə Əlaqələr Mərkəzindən bildirilib ki,  9 mayda Minskdə hərbi çevriliş etməyi planlaşdıran ABŞ və Belarusun ikili vətəndaşlığı olan vəkil Yuri Zenkoviç və Belaruslu politoloq Aleksandr Feduta Moskvada saxlanılıb. Belarusun Təhlükəsizlik Komitəsinin məlumatına görə, həmin qrupa daxil olan Belarusun müxalifət partiyasının lideri Qriqori Kostusev isə Belarus ərazisində saxlanılıb.

 

 

Proqramda FTX-nin əməliyyat videoçəkilişinin kadrları göstərilib, Zenkoviç və Fedutanın saxlanılması görüntüləri nümayiş etdirilib.

 

Süjetdə görünür ki, şübhəlilər arasındakı generallar Bağ Halqasındakı qonaq evinə çağrılaraq VİP otağa yerləşdirilib. Söhbət boş bir masada başlayıb. Feduta və Zenkoviç dərhal hədəflərinin Lukaşenkanın öldürülməsi olduğunu bildiriblər.

 

"1 nömrəli vəzifə ən vacib olanı aradan qaldırmaqdır. 2 nömrəli vəzifə daxili qoşunları və çevik polisi bloklamaqdır. 3 nömrəli vəzifə şəhərin mərkəzində bir neçə simvolik obyekti, bir radio stansiyasını və televiziyanı ələ keçirməkdir ki,  biz müraciəti oxuya bilək. Və Minsk şəhərinə girişi bağlamalıyıq ki, xarici qoşunlar gələ bilməsin”. Zenkoviçin bu danışığı süjetdə nümayiş etdirilib.

Süjetdə göstərilir ki, Feduta və Zenkoviç restoranda olarkən Belarus hakimiyyət orqanlarında rəhbər vəzifələrdə çalışan, öldürülməsi və ya toplanış düşərgəsinə göndərilməsi planlaşdırılan şəxslərin adlarının siyahısını gətirirlər.

 

"Ən azı 30 nəfər və daha çox ... ilk saatda həbs olunmalıdır. Bu da o deməkdir ki, onlardan bəziləri sadəcə Daxili İşlər Nazirliyinin əməkdaşları, Dövlət Təhlükəsizliyi (Dövlət Təhlükəsizliyi - red.), bəziləri isə mülki şəxslərdir. Baş nazir avtomatik olaraq prezidentin səlahiyyətlərini icra edir. Buna görə o da saxlanılmalıdır”, Feduta belə deyib. "Nümayəndələr Palatası",  Zenkoviç əlavə edib.

Kadrarxası mətndə bildirilib ki, hakerlər artıq məmurlar barədə lazımi məlumatları əldə ediblər. 

 

 

"Onlara aid bütün şəxsi məlumatlar ... Uşaqlarımız Daxili İşlər Nazirliyinin, DTK-nın, İstintaq Komitəsinin serverlərinə hücum ediblər. Bütün məlumat bazalarını əldə etmişik”, Zenkoviç deyib.

 

İstintaqa görə, şübhəlilər çevrilişin hazırlanmasına Kiyevdəki millətçiləri də cəlb etməyi planlaşdırıblar.

 

Zenkoviç deyib: “Dünən Varşavadakı dostlarımızdan biri mənə zəng vurdu: “ Dinlə, Yuras, Ukraynada daha kimlərlə təmasda olmaq lazımdır. Ora gedirəm, bu təmasları qurmalıyam".

 

"İrəli, Qriqor, Lukanı aradan götürəcəyik və Belarusu kimin idarə edəcəyinə sonra qərar verəcəyik”. Şübhəlilərin söhbətindən bu cümlə süjetdə səsləndirilib.

 

Moskvadakı görüşdə bildirilib ki, çevriliş üçün əsas hədəf Lukaşenkonun aradan götürülməsidir. 

 

General soruşur: "Kobud şəkildə desək, bütün bu hadisənin başlanğıcının əsas məqsədi fiziki cəhətdən yox etməkdir?" 

 

"Bəli! Uşaqlar dünən mənə məlumat verdilər, lazım gələrsə, Belarusun bütün enerji sistemini tamamilə bloklamaq mümkündür”, deyə Zenkoviç ona cavab verir.

 

"İndi bütün kanallar vasitəsilə danışırıq. Bazalarda silahları olan bir qrup partizanımız var”, Zenkoviç görüşdə əlavə edib.

 

 

Şübhəlilər cəmiyyəti və dövləti dəyişdirmək üçün ən azı beş il lazım olduğunu söyləyiblər. Bildiriblər ki, hərbi qiyam və sui-qəsdlərdən sonra Belarus Polşanın təcrübəsinə görə "böyüyən demokratiya" üçün bir inkubatora çevrilməlidir.

 

"Çünki indi seçkilər keçirilsə, o zaman Lukaşenkonun yerinə Lukaşenko seçiləcək. Və  bu vəziyyət 25 il də davam edəcəkdir”, Zenkoviç deyib.

 

"Dövlət şurası yaradılacaq, qeydiyyatdan keçmiş bütün partiyaların liderləri həmin şuraya daxil olacaq. Bu, Ədliyyə Nazirliyinin vəzifəsidir", deyə Feduta əlavə edib.

 

Zenkoviç və Feduta görüşdə çevrilişdən sonra nə edəcəkləri barədə də danışıblar. 

 

 

Zenkoviç: "Hüquq islahatından mən cavabdeh olacağam. Buna görə Ədliyyə Nazirliyinə, məhkəmələrə, parlamentə, yeni konstitusiyanın hazırlanmasına mən nəzarət edəcəyəm". 

 

Feduta: "Siyasi islahatlara, ideoloji şöbələrə, mətbuata, Mədəniyyət Nazirliyinə, Təhsil Nazirliyinə, partiya sisteminə və Mərkəzi Seçki Komissiyasına, məlum olduğu kimi, biz cavabdehik". 

 

Görüşün sonunda Zenkoviç və Feduta generallara Lukaşenkonun əmlakını əlindən almağı təklif ediblər.