ABŞ Suriya müxalifətçilərinə hərbi dəstək vəd etdi

Ağ Ev rəhbərliyinin Suriyalı müxaliflərə hərbi dəstək verilməsi ilə bağlı ötən ay verdiyi qərar ABŞ Konqresinin Nümayəndələr palatası və Senata bağlı kəşfiyyat komitələrinin gizli keçirilən iclasında təsdiq edildi. 

ANS PRESS-in Reuters agentliyinə istinadən verdiyi xəbərə görə, ABŞ Konqresi Kəşfiyyat Komitəsinin sədri Mayk Rocers (Mike Rogers), mətbuata verdiyi açıqlamasında bildirib ki, Ağ Ev rəhbərliyinin Suriya planlarının müvəffəqiyyətlə işləməsi ilə bağlı narahatlığın olmasına baxmayaraq, komitədə aparılan müzakirə və araşdırmalardan sonra qarşılıqlı razılaşma əldə edilib.

Qeyd edək ki, ABŞ prezidenti Barak Obamanın iyun ayında Suriya müxalifətçilərinə silah yardımı etməsi ilə bağlı qərarı Konqresdə narahatçılıqla qarşılanmışdı. Qərardan sonra prezident köməkçisi Joe Biden, xarici işlər naziri Conn Kerri ABŞ kəşfiyyat orqanının rəhbəri Conn Brennan Konqres üzvlərinin bununla bağlı suallarını cavablandırarkən, narahatçılıqlarını aradan qaldırmağa çalışıblar.