“Mediaya analoqu olmayan dəstək mövcuddur...”

“Azərbaycanda mediaya analoqu olmayan dəstək mövcuddur”.

Bunu Moderator.az-a açıqlamasında millət vəkili Siyavuş Novruzov bildirib. Millət vəkili media nümayəndələrinə hərtərəfli qayğı və diqqət göstərildiyini bildirib:

“Ümummilli lider hakimiyyətə qayıdışından sonra Azərbaycan mətbuatına ciddi dəstək verməyə başladı. Bu qayğı bu gün də davam edir. Azərbaycan mətbuatının nəşriyyata olan borcları dondurulub. Mətbuat nümayəndələri ilə ölkə başçısı arasında daim görüşlər keçirilir. Senzura ləğv olunub. Mətbuat fondu yaradılıb. Bu fonda kifayət qədər vəsait ayrılır. Mətbuat nümayəndələrinə mənzillərin verilməsi, Mətbuat Şurasının yaradılması, paytaxt və regionlardakı media orqanlarının problemlərinin həll edilməsi dövlətin mətbuata, mətbuat nümayəndələrinə olan qayğısından xəbər verir. Hansı ki, bu qayğı qarşıdakı illərdə də davam edəcək”.

Seymur Əliyev