Azərbaycanlı müğənni zirzəmidə yaşayır - “Yalandan deyirlər ki, kömək edəcəyik” - FOTO+ÖZƏL

Ustad meyxanaçı Nizami Rəmzinin duet ortağı Samirə Vahabova zirzəmidə yaşayır və vəziyyəti olduqca acınacaqlıdır.

O özü bu haqda Moderator.az-a danışıb:

“Artıq uzun illərdir ki, Yasamaldakı hündürmərtəbəli binalardan birinin zirzəmisində qızımla birlikdə yaşamışam. Bir zamanlar səhnələri bəzəyirdim, Nizami ilə duetlərimə görə elə bir yer bölgə yox idi ki, orada çıxışlar etməyək. Demək ki, o həyatı da, bu həyatı da yaşamaq alın yazım imiş. Mahnılarımızla məşhurlaşanlar var, amma bir dəfə də onlardan kömək görməmişəm. Allaha şükür edərək yaşayıram. Bu günümə də şükür edirəm. Nizami Rəmzi haqda son günlər yalan-palan danışırlar. Guya musiqili meyxananı onun yaratmadığını deyirlər. Bu cəfəngiyyatdır. Hamı bilir ki, musiqili meyxananın banisi Nizami Rəmzidir. İnanın, o qədər dərdlərim və problemləri var ki, mən heç bu kimi söz-söhbətlərlə başımı qatmaq istəmirəm. Bir də görürsən yalandan deyirlər ki, kömək edəcəyik. Oturub gözləyirik, heç kim qapımızı açmır” - deyə sənətçi bildirib.