Kinoşünas Aydın Dadaşov vəfat edib

Bizi sosial şəbəkələrdən izləyin:

Bu gün gecə saatlarında kinoşünas, Azərbaycan Mədəniyyət və İncəsənət Universitetinin kafedra müdiri professor Aydın Dadaşov dünyasını dəyişib.

Moderator.az xəbər verir ki, bu barədə professorun yaxın qohumları, dostları və ailə üzvləri facebook sosial şəbəkəsində məlumat yayıblar. Mərhumun ürək tutmasından vəfat etdiyi deyilir.

Qeyd edək ki, martın birində Aydın Dadaşovun 65 yaşı tamam olmuşdu.

Aydın Ərşad oğlu Dadaşov 1 mart 1952-ci ildə Ağdamda anadan olub. 1972-ci ildə Azərbaycan Xalq Təsərrüfatı İnstitutu (indiki Azərbaycan Dövlət İqtisad Universiteti) iqtisad fakültəsini bitirib. 1980-ci ildə Leninqrad Dövlət Ð¢ÐµÐ°tr, Ðœusiqi və Kinematoqrafiya İnstitutunda (indiki Sankt-Peterburq Teatr Akademiyası) dram sənəti üzrə təhsil alıb. 1982-ci ildə Moskvada ikiillik ali rejissorluq və ssenari kurslarını bitirib.

Aydın Dadaşov ömrünün sonuna qədər Azərbaycan Dövlət Mədəniyyət və İncəsənət Universitetinin Â«KinoşünaslıqÂ» fakültəsinə rəhbərlik edib. Onun yazdığı “Dramaturgiya”, “Ekran dramaturgiyası”, “Ssenari yaradıcılığı”, “Ekran publisistikası”, “Televiziya reklamı”, “Televiziya reklamı demokratiya və bazar iqtisadiyyatı kontekstində”, “Kinoşünaslıq”, “Rejissorluğun üslub problemləri”, “Müasir Azərbaycan dramaturgiyası” dərslikləri, “İran kinosunun inkişaf təmayülləri” monoqrafiyası tədris prosesində geniş istifadə olunur.

1975-ci ildən Cəfər Cabbarlı adına “Azərbaycanfilm” kinostudiyasında çalışmağa başlayan Aydın müəllimin onlarla filmin ərsəyə gəlməsində əvəzsiz xidmətləri olub.

Elmin Nuri