"Canlı Nostradamus"dan 2026-cı il üçün qorxunc proqnoz" - "Daily Express"

"Yeni ildə geosiyasi gərginliklər, iqtisadi sarsıntılar və texnoloji-təbii təlatümlər gözlənilir..."

Braziliyalı mistik və parapsixoloq Atos Salome 2026-cı il üçün 10 əsas proqnozunu açıqlayıb.

Moderator.az xəbər verir ki, bu barədə Böyük Britaniyanın "Daily Express" nəşri yazıb.

Onun sözlərinə görə, yeni il dünya üçün geosiyasi qarşıdurmalar, iqtisadi sarsıntılar və qeyri-adi təbii, həmçinin texnoloji təlatümlərlə yadda qalacaq.

Əsas proqnozlar

Arktikada Rusiya-NATO qarşıdurması

Salome xəbərdarlıq edir ki, Rusiya Arktikadakı strateji bazalara qabaqcıl raket sistemləri yerləşdirir. Buzların əriməsi yeni dəniz yollarını açaraq enerji resurslarına çıxışı asanlaşdıracaq və bu, Rusiya gəmiləri ilə NATO arasında qarşıdurma riskini artırır.

Sahel bölgəsində proksi müharibə

Afrikada Nigerin şimalı və Sahel regionu gərginlik mərkəzinə çevriləcək. Ekstremist qrupların sürətlə artması nəticəsində bir neçə dünya gücü arasında dolayısı ilə münaqişələr baş verəcək.

BRICS+ və dolların zəifləməsi

BRICS+ qrupu daxilində yeni maliyyə qaydaları, xüsusilə ölkələr arasında daxili ticarətdə dolların istifadəsindən imtina, ABŞ dollarının məzənnəsinə ciddi təsir göstərə bilər.

İsrail-İran gərginliyi

İranda uranın zənginləşdirilməsi və İsrailin potensial hərbi hazırlığı Yaxın Şərqdə yeni və dərin qeyri-sabitlik mənbəyinə çevrilə bilər. Salome xəbərdarlıq edir ki, münaqişənin "qaynar" fazası 2026-cı ilin ikinci rübündə başlaya bilər.

Rusiyada ehtiyat qüvvələrinin səfərbərliyi

2026-cı ilin martına qədər Rusiyanın 800 minə qədər ehtiyat hərbçini orduya çağırmaq ehtimalı var. Moskva kibertəhlükəsizlik və hava hücumundan müdafiə sahəsində strateji təşəbbüsləri gücləndirir.

Qırmızı dənizdə ABŞ-ın mövqeyinin güclənməsi

ABŞ Bab əl-Mandeb boğazına hərbi mövcudluğunu artıracaq. Bu addım İran tərəfdarı üsyançıların ticarət gəmilərinə hücumlarına cavab olacaq və regionda strateji üstünlük yaradacaq.

Polşada iqtisadi çöküş

Maliyyə sabitliyi ciddi sınaqdan keçəcək. Polşa büdcə kəsirlərinə görə maliyyə böhranı riski daşıyır, ölkədə işçi etirazları baş verə bilər.

Yaponiya çip böhranı

Yaponiyada yarımkeçirici ehtiyatların azalması sənaye istehsalını ciddi şəkildə təsir edəcək və əsas sektorlarda problemlər yaradacaq.

Maqnit qasırğaları və quş qripi mutasiyası

12-15 mart 2026-cı il tarixində güclü günəş qasırğası baş verə bilər, dünya üzrə enerji sistemlərinə təsir göstərə bilər. Eyni zamanda H5N1 virusunun yayılması ciddi nəzarət tələb edir.

Rəqəmsal valyuta və kosmik anomaliyalar

Avropa Mərkəzi Bankı rəqəmsal avronun sınaqlarına başlayacaq, ABŞ kvant kompüter proqram təminatı ilə dünyanı təəccübləndirəcək, ehtimal ki, bu texnologiya hərbi məqsədlərdə, məsələn, sualtı qayıqların izlənməsində istifadə olunacaq.

Salomenin proqnozları 2026-cı ilin qlobal hadisələr üçün çətin və təlatümlü olacağını göstərir, diqqət və hazırlığın vacib olduğunu vurğulayır.