Bu tarixlərdə doğulanların ilahi bir aurası var

Bizi sosial şəbəkələrdən izləyin:

Bəzən elə insanlarla rastlaşırıq ki, onların varlığı belə, sanki işıq saçır, sakitlik, harmoniya və dərin daxili güc hiss olunur. Ezoterik baxışa görə, hər canlı özünəməxsus vibrasiya sahəsinə malikdir və bu sahə, yəni aura, insan haqqındakı ilk təsuratı formalaşdırır, onun emosional enerjisini ötürür.

Numeroloqlar bildirirlər ki, müəyyən doğum tarixləri xüsusi enerjiyə, “ilahi aura”ya sahib olur. Bu insanlar ətrafına ümid, nur və pozitivlik yayır, daha yüksək şüur səviyyəsinə yönəlir və ruhən yetkin davranırlar.

Moderator.az Lent.az-a istinadla həmin enerjiyə sahib olan insanların doğum tarixləri barədə xəbər verir.

Ayın 2-si doğulanlar: intuisiya və daxili zəriflik

Ayın himayəsi altında olan bu tarix güclü intuisiya və emosional dərinliklə əlaqələndirilir. 2-si doğulanlar çox vaxt sakit, bəzən utancaq görünə bilər, lakin daxildə böyük həssaslıq və mərhəmət daşıyırlar. Ailə onlar üçün əsas dəyərdir, yaxın münasibətləri qoruyur və çətinlikləri sevgi və birliyə çevirməyi bacarırlar.

Ayın 7-də doğulanlar: mistik enerji və ruhani güc

Neptunun təsirində olan 7-ci gün dərin düşüncə və ruhani axtarışla bağlıdır. Bu insanların baxışında sanki qədim bilik gizlənib. Onlar daha çox təkliyə çəkilərək güc toplayırlar, intuisiya və daxili biliklərinə güvənirlər. Təvazökar, amma cazibəli enerjiləri ilə diqqət çəkir, ətrafdakılara sakit güvən hissi bəxş edirlər.

Ayın 15-də doğulanlar: cazibə, sevgi və diplomatiya

Veneranın enerjisi bu tarixdə doğulanlara xarizma, ünsiyyət bacarığı və emosional cazibə bəxş edir. Onlar harmoniya yaratmağı sevir, nəzakət və sevgi ilə münasibət qururlar. İnsanların özünə inamını artırır, ətrafda güzəşt və anlayış mühiti formalaşdırırlar. Onların varlığı bəzən hətta şəfaedici təsir bağışlayır.

Ekspertlər qeyd edir ki, bu tarixlər mükəmməllik və zəifsizliklərdən uzaq olmaq demək deyil. Sadəcə, belə insanlar dünyaya daha çox işıq, ümid və yüksək şüur gətirməyə meyllidirlər.