Hər kəsin izləməli olduğu 5 film

Dünya kinematoqrafiyası daim yeni filmlərlə zənginləşir və bu filmlər tamaşaçılar arasında populyarlaşır. Ancaq elə filmlər var ki, onların çıxmasından 20-30 il keçməsinə baxmayaraq, hələ də xatırlanır və kino klassikası hesab olunur.

Aşağıdakı filmlər kinosevərlər arasında şah əsər sayılır, həyat haqqında düşündürür və insanı yeni nailiyyətlərə ruhlandırır. Onların süjeti, vizual təqdimatı və ulduz aktyor heyəti heç kimi laqeyd qoymayacaq.

Kinosevərlər arasında kult statusu qazanan və hər kəsin izləməli olduğu 5 filmi təqdim edirik.

“Döyüşçü klubu” (1999)

Film ofis işçisindən bəhs edir, o, yuxusuzluqdan və həyatından narazıdır. Onun həyatı xarizmatik anarxist Tayler Dördenlə tanışlıqdan sonra tam dəyişir. Birlikdə onlar "Döyüşçü klubu"nu - kişilərin gizli döyüşdüyü yeraltı məkanı yaradırlar. Sonradan bu klub cəmiyyətin mövcud qaydalarına qarşı mübarizə aparan radikal "Xaos layihəsi" təşkilatına çevrilir.

“Xaç atası” (1972)

Süjetə görə, Nyu-Yorkun nüfuzlu mafiya ailəsi Korleonenin başçısı don Vito cinayət biznesinə rəhbərlik edir. Onun kiçik oğlu Maykl əvvəlcə ailə işlərindən uzaq durur, lakin ataya sui-qəsddən sonra o da ailə işlərinə qoşulmağa məcbur olur. Tədricən Maykl amansız lidere çevrilir, rəqiblərini sıradan çıxarır və ailənin mövqeyini gücləndirir.

“Şouşenkdən qaçış” (1994)

Filmin mərkəzində ömürlük həbs cəzasına məhkum olunmuş bankir Endi Dyufreyn dayanır. Şouşenk həbsxanasında o, zorakılıq və ədalətsizliklə qarşılaşır. Endi maliyyə biliklərindən istifadə edərək rəhbərliyin etimadını qazanır və Red adlı dost tapır. Gizlicə illərlə divarda tunel qazaraq qaçış planını hazırlayır.

“Forrest Qamp” (1994)

Bu, böyük qəlbli sadə bir insanın hekayəsidir. Aşağı IQ səviyyəsinə baxmayaraq, Forrest Qamp futbol ulduzu, Vyetnam müharibəsi qəhrəmanı, uğurlu biznesmen olur və hətta ABŞ tarixinin əsas məqamlarına təsir edir. Ancaq Forrest üçün ən vacib olan uşaqlıqdan sevdiyi dostu Cenni ilə münasibətidir.

“Şindlerin siyahısı” (1993)

Film alman iş adamı Oskar Şindlerin real hekayəsindən bəhs edir. O, İkinci Dünya Müharibəsi zamanı minlərlə yəhudini ölümdən xilas edib. Əvvəlcə onları öz fabrikində işlədib varlanmaq istəyir, lakin zamanla məqsədi dəyişir. Holokostun dəhşətlərini dərk edərək, o, təsir imkanlarından istifadə edib işçilərini satın alır və onları ölüm düşərgələrindən xilas edir.(Lent.az)