“Məni tanımadığım şəxslərlə cinsi əlaqəyə girməyə məcbur etdi” — TƏFƏRRÜAT

 

Moderator.az Demokrat.az-a istinadən xəbər verir ki, Musa özünə məxsus Yevlax rayonunun kəndi ərazisində yerləşən kafedə xidmətçi işləməklə həmin kafedə olan otaqların birində yaşayan Xumara həmin kafedə yaşamasına və işləməsinə icazə verilməsinə görə ondan maddi, yaşayış yeri baxımdan asılı olmasından istifadə edib. 

 

Musa Xumarın onunla cinsi əlaqəyə girməyə məcbur etmək qərarına gəlib. 

 

O, həmin cinayətkar niyyətini həyata keçirmək məqsədilə Xumara məxsus mobil telefonu ondan alıb. Həmin mobil telefonu sındırmaqla məhv edəcəyini və onu işlədiyi, yaşadığı kafenin ərazisindən qovacağı ilə hədələyib. 

 

Musa Xumarın qəsdən onunla cinsi əlaqəyə girməyə məcbur edib. Xumar onunla cinsi əlaqəyə girməkdən imtina etdiyinə görə əli ilə və istintaqla müəyyən edilməyən ağac parçası ilə bir neçə dəfə qəsdən onun bədən nahiyəsindən vurub. Ona müxtəlif dərəcəli bədən xəsarətləri yetirib. 

 

Hadisəni törədən Musanın barəsində Cinayət Məcəlləsinin 127.1 (zərərçəkmiş şəxsin həyatı üçün təhlükəli olmayan və bu Məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) və 151-ci (seksual xarakterli hərəkətlərə məcbur etmə) maddələri ilə ittiham elan edilib. 

 

 

“Mən  2007-ci ildə ailə həyatı qurmuşam, iki azyaşlı övladım var. Əri həddindən artıq spirtli içki qəbul etdiyi üçün və aramızda tez-tez mübahisələr olduğu üçün 2015-ci ildə boşanmışam. Mən boşanandan sonra iki azyaşlı uşaqlarımı dolandırmaq üçün müxtəlif kafelərdə ofisiant işləyərək çörək pulu qazanmışam”.

 

 

“Həmin gündən Musaya məxsus kafenin bir otağında qalmağa başladım. Həmin otaqda iki çarpayı olub. Musa da mənimlə həmin otaqda qalıb. Çarpayının birində Musa yatıb, mən də digər çarpayıda yatmışam. Həmin ərəfələrdə 1-2 dəfə Musa məni tanımadığım şəxslərlə cinsi əlaqəyə girməyə məcbur etdi. Mən həmin şəxslərlə cinsi əlaqədə olduğuma görə Musa bir nəfərə görə mənə 15 manat verdi. Lakin mən həmin şəxslərin Musaya nə qədər pul verdiyini bilməmişəm”. 

 

 

“Mən də Musa ilə razılaşmadım. Musa mənə “sən nəyə görə mənim dediklərimi eləmirsən, gör sənin başına nə oyun açacam” deyərək məni nalayiq ifadələrlə söyüb təhqir edərək döyməyə başladı. Həmin vaxt Musa otaqda olan odun sobasının yanında olan ağac parçası və maşa ilə mənim bədənimin müxtəlif nahiyyələrinə vuraraq mənə xəsarətlər yetirdi. Həmin vaxt Musa mənə məxsus mobil telefonu da əlimdən alaraq sındırdı, kafenin yanındakı su kanalına atdı. Bundan başqa Musa mənim əl çantamda olan 210 manat pulunu da götürdü və mənə “bu pul sənə düşmür, mənim pulumdur”- deyə bildirdi. Ona görə də mən Yevlax rayon polis şöbəsinə gələrək Musanın barəsində müraciət etdim. Musa əli, odun parçası, maşa və dəmir qabla ilə mənim sifətimə, başıma, qollarıma və ayaqlarıma vuraraq mənə xəsarət yetirdi”. 

 

 

“Musa özünə məxsus kafedə məni məcbur edərək 3 nəfər tanımadığım hərbiçi ilə ayrı-ayrı günlərdə görüşdürüb və cinsi əlaqədə olduğum üçün hərəsi mənə 15 manat pul veriblər. Mən pul müqabilində cinsi əlaqədə olduğum şəxslərdən aldığım puldan Musaya verməmişəm. Həmin şəxslər mənimlə görüşməzdən əvvəl Musa ilə razılaşıblar, Musaya pul veriblər. Lakin Musaya nə qədər pul verdikləri bilməmişəm. Musa məni söyüb təhqir edərək xəsarət yetirən zaman orada ikimizdən başqa heç kimi olmayıb. Hazırda təqsirləndirilən şəxs vəfat etdiyi üçün cinayət işinin icraatına xitam verilməsini xahiş etmişəm”.

 

Bu cinayət işinə Yevlax Rayon Məhkəməsində baxılıb. 

 

Məhkəmə sənədlərindən məlum olur ki, məhkəmə istintaqı aparılan zaman Musa vəfat edib. Rəsmi sənədlərə görə, Musa 12 sentyabr 2024-cü il tarixdə yaşadığı evdə ölüb.

 

Məhkəmə sənədlərinə görə, ibtidai istintaq orqanı tərəfindən Musanın barəsində Cinayət Məcəlləsinin 127.1 və 151-ci maddələri ilə nəzərdə tutulan cinayət əməlini törətməsi qənaətinə gəlinib. 

 

Məhkəmənin hökmünə əsasən, Musanın Cinayət Məcəlləsinin 127.1 və 151-ci maddələrində nəzərdə tutulmuş cinayət əməlini törətməkdə təqsirləndirilməsinə dair cinayət işinin icraatına həmin Məcəllənin 39.1.5-ci maddəsinə əsasən xitam verilib.