Afrikada ilk Azərbaycan biznes forumu keçirilib, 3 anlaşma memorandumu imzalanıb - FOTOLAR

Forum Azərbaycan biznesinin Afrika bazarına inteqrasiyası üçün real imkanlar yaradıb, həmçinin iki ölkənin sahibkarları arasında birbaşa dialoqa start verilib.

Forumda müxtəlif sahələrdə fəaliyyət göstərən Azərbaycan şirkətləri iştirak edib:

• Friends Café
• Ekzobutik -Ekzotik meyvələr
• Baku Rifah Residence
• AZARSERVICE
• H2A Trading and Advisory
• 166 Global – Logistics and Transport
• Azərbaycan Tikinti Materialları İstehsalçıları Assosiasiyası (ATMIA)
• Herbaflora
• Ismixanlı Fruits

Şirkətlər qida və kənd təsərrüfatı, tikinti, logistika, ticarət, ixrac-idxal, sənaye materialları və digər sahələr üzrə təmsil olunublar. Bu isə forumun çoxşaxəli — həm kənd təsərrüfatı, həm sənaye, həm logistika, həm ticarət sahələrinə toxunan — formatda keçirildiyini göstərir.

Forumun açılış mərasimində aşağıdakı şəxslər çıxış edib:

• Azərbaycan Respublikasının Efiopiyadakı səfiri Ruslan Nasibov
• Efiopiya Xarici İşlər Nazirliyi — Biznes Diplomatiyası üzrə Baş direktor səfir Yohannes Fanta
• Efiopiya Ticarət və Sahəvi Assosiasiyalar Palatasının Vitse-prezidenti Sebsib Abafira Abajobir
• Əddis-Əbəbə Ticarət və Sahəvi Assosiasiyalar Palatasının Baş katibi Meseret Molla Kassahun

Sonra AFAZ-ın təsisçisi  Rəna Qəfərova forumun məqsədləri, Afrika-Azərbaycan əməkdaşlığının perspektivləri və konkret investisiya / ticarət imkanları barədə geniş təqdimatla çıxış edib.

Forum çərçivəsində:

• Efiopiya İnvestisiya Komissiyası (EIC) ölkənin investisiya mühiti, imkanları və investisiya sahələri barədə geniş təqdimat edib.
• Yerli sahibkarları təmsil edən Efiopiya Qadın Ticarət Assosiasiyası forumda iştirak edərək, qadın sahibkarlığı və investisiya imkanları mövzusunda çıxış edib.
• Azərbaycan və Efiopiya tərəfləri arasında özəl sektora aid 3 anlaşma memorandumuna (MoU) imzalanıb.
• Forum çərçivəsində həm B2G (Business-to-Government), həm B2B (Business-to-Business) danışıqlar aparıldı — bu, konkret layihələr və investisiya planları üzərində dialoqun başlanğıcı olub.

Görüşlər zamanı kənd təsərrüfatı, logistika, tikinti materialları, ixracat–idxalat, ticarət, sənaye parkları, qida və emal sektorları üzrə əməkdaşlıq imkanları müzakirə edilib.

Birinci Azərbaycan-Efiopiya Biznes Forumu Afrika qitəsində Azərbaycan biznesinin ilk geniş əlaqələr yaratmaq tədbiri olmaqla yanaşı, iki ölkə arasında iqtisadi münasibətlərin genişlənməsi üçün möhkəm zəmin yaradıb. Forum göstərib ki, Azərbaycan şirkətləri Afrika bazarında rəqabətədavamlıdır və əməkdaşlıq üçün real imkanlara malikdir. Bu təşəbbüs gələcəkdə bir sıra investisiya layihələrinin, ixrac-idxal əməliyyatlarının, yeni əməkdaşlıq formatlarının yaranmasına təkan verəcək.

Forumun uğuru və iştirakçıların sayı — həm dövlət, həm özəl sektor, həm diplomatik korpus, həm sahibkarlar — bu təşəbbüsün strateji əhəmiyyətini bir daha sübut edib.

Forum 23–28 noyabr tarixlərində Efiopiyaya təşkil olunan Azərbaycan biznes missiyasının tərkib hissəsi olaraq keçirilib. Biznes missiyanın proqramına aşağıdakılar daxil idi:

• MESOB Service mərkəzinə ziyarət – Azərbaycandakı ASAN Xidmət modelinin Efiopiyada tətbiqi ilə tanışlıq;
• Azad iqtisadi zonalara və sənaye parklarına səfərlər – yerli istehsal prosesləri, ixrac və emal müəssisələrinin fəaliyyəti ilə yerində tanışlıq;
• Ticarət palataları və dövlət qurumları ilə əməkdaşlıq görüşləri – yeni tərəfdaşlıqların qurulması və qarşılıqlı investisiya imkanlarının müzakirəsi.