Azərbaycan qış turizmi nə qədər əlçatandır?

Dünya ölkələri qış turizminin inkişafına böyük önəm verir. ABŞ-ın Çikaqo şəhəri, Yellouston Milli Parkı, Estoniyanın Tallin, Belçikanın Brügge, Çexiyanın Praqa şəhəri, Finlandiyada Laplandiya, Avstriyada Halştad, Sloveniyada Bled gölü, Tacikistanda Pamir dağları, Monqolustanda Qobi səhrası əraziləri dünyanın məşhur turizm destinasiyalarından hesab olunur. Bu ərazilərdə xokkey, konkisürmə, buzda balıq ovu, qarda at sürmə, enişdə xizək sürmə, qış festivalları və digər qış turizm fəaliyyətləri təşviq etdirilir.

Bəs Azərbaycanda qış-turizmi üçün hansı potensial var və bu potensialdan necə istifadə edilir?

Mövzu ilə bağlı turizm eksperti Kənan Hənifəyev Moderator.az-a açıqlamasında danışdı.

"Azərbaycanda qış turizmi digər qonşu ölkələrin qış turizm xidmət və infrastrukturuna  baxdıqda hal hazırda sərfəli görsənir. Əlbəttə burada xidmət opsiyalarına görə qiymətlər fərqlidir. Amma qış mövsümündə qonşu ölkələr Türkiyə və Gürcüstanla müqayisə etdik də bizim qiymətlər uyğun və sərfəlidir. Xətta deyərdim ki qış idman turizmi üçün Şahdağ kompleksi peşəkar səviyyədə qonaqların idmançıların diqqətini cəlb edir. Həmçinin Qəbələ şəhərində yerləşən Tufandağ qış yay kompleksidə qış mövsümündə çox sayda yerli və xarici qonaqları qonaqlayır".