"Barselona" rəsmisindən yeni məşqçi seçimi barədə açıqlama

"Barselona"nın idman direktoru Deko klubun Hans-Diter Fliki 2024-cü ildə baş məşqçi təyin etmək qərarları barədə danışıb.

Moderator.az "sport.es"ə istinadən xəbər verir ki, o, geyinib-soyunma otağına sakitlik gətirə biləcək bir məşqçiyə ehtiyacları olduqlarını deyib:

"Xavidən sonra, xüsusən də oyunçuların yaşını nəzərə alsaq, soyunma otağına sakitlik gətirə biləcək bir məşqçiyə ehtiyacımız olduğunu anladıq. Həmişə çox spesifik soyunma otağımız olub. İndi isə daha balanslı olur. Hələ də çox gənc oyunçularımız var, digərləri formalarının zirvəsindədirlər, həmçinin Rafinya, Frenki de Yonq və Jül Kunde kimi daha təcrübəli oyunçularımız var. Həmçinin Robert Levandovski, hazırda icarədə olan sabiq kapitan Mark-Andre ter Stegen də var".

"Belə bir soyunma otağını idarə etmək çox vacibdir. Uğurun açarı böyük klubların soyunma otaqlarında geniş təcrübəsi olan məşqçinin mövcud olmasıdır. Flik Almaniya millisinin köməkçi məşqçisi vəzifəsində çalışıb və uzunmüddətli məşqçilik təcrübəsinə malikdir. Əsas ideya bu idi", - deyə Deko qeyd edib.