Premyer Liqa: “Qarabağ” “Turan Tovuz”u qəbul edir

Bu gün Azərbaycan Premyer Liqasında XVIII tura yekun vurulacaq.

Moderator.az xəbər verir ki, turun son oyun günündə 2 qarşılaşma keçiriləcək.

Günün ilk matçında “Araz-Naxçıvan” “Liv Bona Dea Arena”da “Neftçi”ni qəbul edəcək. Hazırda “qırmızı-ağlar” 27 xalla turnir cədvəlinin 6-cı, “ağ-qaralar” isə 21 xalla 8-ci pilləsində qərarlaşıb.

Günün son matçında isə “Qarabağ” Tofiq Bəhramov adına Respublika stadionunda “Turan Tovuz”u qəbul edəcək. Hazırda Qurban Qurbanovun komandası 36 xalla turnir cədvəlinin 2-ci, “Turan Tovuz” isə 30 xalla 3-cü pilləsində qərarlaşıb.

Azərbaycan Premyer Liqası

XVIII tur

1 fevral (bazar)

16:00. “Araz-Naxçıvan” – “Neftçi”

Hakimlər: Rauf Cabarov, Zeynal Zeynalov, Şirmamed Məmmədov, Alik Yunusov

VAR: Vüqar Həsənli

AVAR: Cəmil Quliyev

Hakim-inspektor: İmanxan Sultani

AFFA nümayəndəsi: Nəriman Axundov

“Liv Bona Dea Arena”

18:30. “Qarabağ” – “Turan Tovuz”

Hakimlər: Elçin Məsiyev, Elşad Abdullayev, Pərvin Talıbov, Elvin Bayramov

VAR: Rəşad Əhmədov

AVAR: Akif Əmirəli

Hakim-inspektor: Anar Salmanov

AFFA nümayəndəsi: Elçin Mehtiyev

Tofiq Bəhramov adına Respublika stadionu

Qeyd edək ki, turun əvvəlki oyunlarında “Sumqayıt” səfərdə “Karvan-Yevlax”ı, “Şamaxı” “Kəpəz”i 2:0, “Sabah” “Zirə”ni 3:1, “Qəbələ” isə evdə “İmişli”ni 3:2 hesabı ilə məğlub edib.