"Bu dəlilikdir, biz hara gəlib çıxdıq?" – Şirer nədən narazıdır?

İngiltərə millisinin keçmiş hücumçusu Alan Şirer bu mövsüm Milad tətilində yalnız bir oyunun keçirilməsinə görə Premyer Liqanı tənqid edib .

Moderator.az xəbər verir ki, “Daily Mail” qəzeti Şirerdən sitat gətirib.

“Boxing Day”də yalnız bir oyun olduğuna inanmaqda çətinlik çəkirəm. Futbolsuz bir tətil təsəvvür edə bilmirəm.

Sonuncu dəfə “Boxing Day”də nə vaxt istirahət etdiyimi belə xatırlamıram. Təqaüdə çıxdıqdan sonra belə, həmişə həmin gün işləmişəm. “Bu dəlilikdir, biz hara gəlib çıxdıq? Həmin gün cəmi bir matç – inanılmaz dərəcədə qəribə görünür.

Avropanın qalan hissəsində – Almaniyada, İspaniyada – bu, istirahət vaxtıdır, rahatlama vaxtıdır. Amma mənim üçün həmişə idmanla əlaqələndirilib. Yalnız bir matçın planlaşdırılması həqiqətən təəccüblüdür.

Bu ölkədə “Boxing Day” idmanla bağlıdır. Adətən bu müddət ərzində çoxlu sayda matç olur. Düşünürəm ki, futbolsuz tamamilə çaşqın olardım. Heç bir oyun olmasaydı, necə olacağını təsəvvür etmək belə qorxuludur”, – Şirer deyib.

Bu mövsüm Premyer Liqada Milad tətilində yalnız bir oyun oynanılıb: “Mançester Yunyated” dekabrın 26-da “Nyukasl”a qalib gəlib – 1:0.