UEFA Avropa Liqası: "Ştutqart" evdə, "Real Betis" isə səfərdə qalib gəldi

UEFA Avropa Liqasının əsas mərhələsinin VI turunda növbəti oyunlar keçirilir.

Moderator.az xəbər verir ki, tura doqquz qarşılaşma ilə start verilib.

Turun diqqətçəkən oyunlarından biri "Ştutqart" (Almaniya) və "Makkabi" (Təl-Əviv, İsrail) komandaları arasında baş tutub. Matçın favoriti sayılan Almaniya təmsilçisi öz statusunu dörd qol vurmaqla təsdiqləyib, qonaqlar təsəlli qolu ilə kifayətləniblər - 4:1.

Turun digər oyununda "Real Betis" (İspaniya) "Dinamo"nu (Xorvatiya) üç topla üstələyib. Xorvatların gücü isə bir qol vurmağa çatıb - 1:3

Digər görüşlərdə aşağıdakı nəticələr qeydə alınıb:

"Ferentsvaroş" (Macarıstan) - "Reyncers" (Şotlandiya) - 2:1;

"Ludoqorets" (Bolqarıstan) - PAOK (Yunanıstan) - 3:3;

"Midtyulland" (Danimarka) - "Genk" (Belçika) - 1:0;

"Nitsa" (Fransa) - "Braqa" (Portuqaliya) - 0:1;

"Şturm" (Avstriya) - "Srvena Zvezda" (Serbiya) - 0:1;

"Utrext" (Niderland) - "Nottingem Forest" (İngiltərə) - 1:2;

"Yanq Boyz" (İsveçrə) - "Lill" (Fransa) - 1:0.