Laporta “Real”dan danışdı: Biabırçılıqdır

“Barselona”nın prezidenti Xuan Laporta “Real”ın televiziyasını tənqid edib.

Moderator.az xəbər verir ki, o bildirib ki, Madrid klubuna bağlı media hər həftə “kral klubunun” əleyhinə olan hakim səhvlərini göstərən videolar hazırlayaraq hakimlərə təzyiq göstərməyə çalışır.

Laportanın sözlərini jurnalist Jerar Romero X sosial şəbəkəsində yayıb: “Baxın, ‘Real’ televiziyası nə ilə məşğuldur. Həftəbası hakimlərə təsir etməyə çalışırlar. Bu biabırçılıqdır. Hakimlər üzrə texniki komitənin (CTA) prezidentlərinə baxın — hamısı “Real”la bağlı şəxslərdir, keçmiş direktorlar və ya keçmiş futbolçular”.

Xatırladaq ki, bir müddət əvvəl “Real”ın prezidenti Florentino Peres “Barselona”nı tənqid etmişdi. Kataloniya klubu əvvəlki Hakimlər üzrə Texniki Komitənin (CTA) vitse-prezidenti Xose Maria Neqreyraya verilən ödənişlərlə əlaqədar rüşvətdə ittiham olunmuşdu. “Barselona”nın bu ödənişləri 2001–2018-ci illər arasında etdiyi iddia olunurdu.