Bizi sosial şəbəkələrdən izləyin:
Azərbaycan Premyer Liqasının XII turunun növbəti oyunu “Araz-Naxçıvan” və “Turan Tovuz” arasında keçirilib.
Moderator.az xəbər verir ki, Mehdi Hüseynzadə adına Sumqayıt şəhər stadionunda təşkil olunan matçda qalib müəyyənləşməyib - 1:1.
Baş hakim Rəvan Həmzəzadənin idarə etdiyi görüşdə hesabı 21-ci dəqiqədə Muxtar Respublika təmsilçisinin futbolçusu Ba-Muaka Simakala açıb.
78-ci dəqiqədə isə Ayxan Hüseynov Tovuz klubunun qolunu vurub.
Bununla da 2-ci pillədə qərarlaşan “Turan Tovuz” xallarının sayını 23-ə çatdırıb. “Araz-Naxçıvan” 20 xalla altıncıdır.
Günün ikinci oyununda "Qəbələ" səfərdə "Zirə" ilə üz-üzə gələcək.
Qeyd edək ki, tura noyabrın 23-də yekun vurulacaq. Ötən gün "Kəpəz" səfərdə "Karvan-Yevlax"ı (2:1), "Qarabağ"ı isə "Sumqayıt"ı (4:2) məğlub edib.